ಪ್ಯಾರಿಸ್: ಎಚ್ ಐ ವಿ ಏಡ್ಸ್ ವೈರಾಣುವನ್ನು ಮೊದಲ ಬಾರಿ ಪತ್ತೆ ಹಚ್ಚಿದ್ದ ಫ್ರೆಂಚ್ ಸಂಶೋಧಕ ಲೂಕ್ ಮೊಂಟೆನಿಯರ್ ನಿಧನರಾಗಿದ್ದಾರೆ.
ಲೂಕ್ ಅವರಿಗೆ 89 ವರ್ಷ ವಯಸ್ಸಾಗಿತ್ತು. ಸಾವಿಗೆ ಕಾರಣಗಳು ತಿಳಿದುಬಂದಿಲ್ಲ. ವೈರಾಣುತಜ್ನರಾಗಿದ್ದ ಲೂಕ್ ಮುನ್ನಡೆಸುತ್ತಿದ್ದ ತಂಡ 1983ರಲ್ಲಿ ಎಚ್ ಐ ವಿ ವೈರಾಣುವನ್ನು ಪತ್ತೆ ಹಚ್ಚಿತ್ತು.
ಏಡ್ಸ್ ವೈರಾಣು ಪತ್ತೆಗಾಗಿ ಲೂಕ್2008ರಲ್ಲಿ ನೊಬೆಲ್ ಪಾರಿತೋಷಕವನ್ನು ಪಡೆದಿದ್ದರು. ಲೂಕ್ ನಿಧನಕ್ಕೆ ಫ್ರಾನ್ಸ್ ಅಧ್ಯಕ್ಷ ಮೆಕ್ರಾನ್ ಸಂತಾಪ ಸೂಚಿಸಿದ್ದಾರೆ.
2020ರಲ್ಲಿ ಕೊರೊನಾ ವೈರಾಣು ಪ್ರಕೃತಿಸೃಷ್ಟಿಯಲ್ಲ, ಮಾನವ ನಿರ್ಮಿತ ಎಂದು ಹೇಳುವ ಮೂಲಕ ವಿವಾದ ಸೃಷ್ಟಿಸಿದ್ದರು.