ಏಷ್ಯಾಕಪ್ ಆರ್ಚರಿ: ರಿಕರ್ವ್ ಮಿಶ್ರ ಫೈನಲ್ ತಲುಪಿದ ಭಾರತ; ಏಳು ಪದಕ ಖಚಿತ!

              ಫುಕೆಟ್: ಭಾರತೀಯ ಬಿಲ್ಲುಗಾರರಾದ ಪಾರ್ಥ್ ಸಾಲುಂಖೆ ಮತ್ತು ರಿಧಿ ಫೊರಿ ಅವರು ಶುಕ್ರವಾರ ಇಲ್ಲಿ ನಡೆಯುತ್ತಿರುವ ಏಷ್ಯಾಕಪ್‌ನ ರಿಕರ್ವ್ ಮಿಶ್ರ ಫೈನಲ್‌ಗೆ ತಲುಪಿದ್ದಾರೆ. 

               ವೈಯಕ್ತಿಕ ವಿಭಾಗದಲ್ಲಿ ತಮ್ಮ ಮೊದಲ ಸುತ್ತಿನಲ್ಲೇ ಈ ಇಬ್ಬರು ಬಿಲ್ಲುಗಾರರು ನಿರ್ಗಮಿಸಿದ್ದರು. ಆದಾಗ್ಯೂ, ಮಿಶ್ರ ಸ್ಪರ್ಧೆಯಲ್ಲಿ ಭಾರತ ನಿರಾಸೆ ಅನುಭವಿಸಿದೆ. ರಿಷಭ್ ಮತ್ತು ಸಾಕ್ಷಿ ಚೌಧರಿ ಮೊದಲ ಸುತ್ತಿನಲ್ಲಿಯೇ ಸೋಲನುಭವಿಸಿದ್ದು ಎದುರಾಳಿ ಮಲೇಷ್ಯಾ ಆಟಗಾರರ ವಿರುದ್ಧ 151-153 ರಿಂದ ಸೋಲು ಕಂಡಿದ್ದಾರೆ.

               ಒಟ್ಟಾರೆಯಾಗಿ, ಏಷ್ಯಾದ ಆರ್ಚರಿ ಹೆವಿವೇಟ್‌ಗಳಾದ ದಕ್ಷಿಣ ಕೊರಿಯಾ, ಚೀನಾ, ಜಪಾನ್ ಮತ್ತು ಚೈನೀಸ್ ತೈಪೆ ಸ್ಪರ್ಧಿಸದ ವಿಶ್ವ ಶ್ರೇಯಾಂಕದ ಹಂತ 1 ಪಂದ್ಯಾವಳಿಯಲ್ಲಿ ಭಾರತವು ಈಗ ಏಳು ಫೈನಲ್‌ ಹಾಗೂ ಎರಡು ಕಂಚಿನ ಪ್ಲೇ-ಆಫ್ ಪಂದ್ಯಗಳಿಗೆ ಎಂಟ್ರಿ ಕೊಟ್ಟಿದೆ.

              ಅಗ್ರ ಶ್ರೇಯಾಂಕದ ಜೋಡಿ ಸಲುಂಖೆ ಮತ್ತು ರಿಧಿ ಸೆಮಿಫೈನಲ್‌ನಲ್ಲಿ ತಮ್ಮ ಮಲೇಷಿಯಾದ ಎದುರಾಳಿಗಳನ್ನು 6-2 (35–36, 39–33, 39–34, 39– 38) ಸೋಲಿಸಿದರು. ಶನಿವಾರ ನಡೆಯಲಿರುವ ಚಿನ್ನದ ಪದಕಕ್ಕಾಗಿ ಬಾಂಗ್ಲಾದೇಶವನ್ನು ಎದುರಿಸಲಿದೆ.