‘ಓರ್ಮೆಯುಂಡೋ ಈ ಮುಖಂ?’; ಸುದೀರ್ಘ ವಿರಾಮದ ಬಳಿಕ ಸುರೇಶ್ ಗೋಪಿ ಮತ್ತೆ ಖಾಕಿ ಖದರಿನಲ್ಲಿ!

                    ಕೊಚ್ಚಿ: ಸುದೀರ್ಘ ವಿರಾಮದ ನಂತರ ಸುರೇಶ್ ಗೋಪಿ ಮತ್ತೆ ಪೋಲೀಸ್ ಸಮವಸ್ತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಜೋಶಿ ನಿರ್ದೇಶನದ ‘ಪಾಪ್ಪನ್’ ಚಿತ್ರದಲ್ಲಿ ಸುರೇಶ್ ಗೋಪಿ ಪೋಲೀಸ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸುರೇಶ್ ಗೋಪಿ ಪೋಲೀಸ್ ಸಮವಸ್ತ್ರದಲ್ಲಿರುವ ಪಾಪ್ಪನ್ ಚಿತ್ರದ ಎರಡನೇ ಪೋಸ್ಟರ್ ನ್ನು ಬಿಡುಗಡೆಮಾಡಲಾಗಿದೆ. 

                    ನಟ ಅಬ್ರಹಾಂ ಮ್ಯಾಥ್ಯೂ ಮ್ಯಾಥೆನ್ ಪಾತ್ರವನ್ನು ಎರಡು ಗೆಟಪ್‍ಗಳಲ್ಲಿ ನಿರ್ವಹಿಸಲಿದ್ದಾರೆ. 2012 ರಲ್ಲಿ ತೆರೆಕಂಡ ಕಿಂಗ್ ಅಂಡ್ ಕಮಿಷನರ್ ಚಿತ್ರದಲ್ಲಿ ಸುರೇಶ್ ಗೋಪಿ ಕೊನೆಯ ಬಾರಿಗೆ ಪೊಲೀಸ್ ಸಮವಸ್ತ್ರದಲ್ಲಿ ಕಾಣಿಸಿಕೊಂಡಿದ್ದರು. ಈಗ ಪಾಪ್ಪನ್ ಈ ಗೆಟಪ್ ನೋಡಿ ಅಭಿಮಾನಿಗಳು ಬೆರಗಾಗಿದ್ದಾರೆ. ಪೊಲೀಸ್ ಪಾತ್ರದಲ್ಲಿ ಖ್ಯಾತಿ ಗಳಿಸಿದ್ದ ಸುರೇಶ್ ಗೋಪಿ ಮತ್ತೆ ಮೆರುಗು ನೀಡಲಿದ್ದಾರೆ ಎನ್ನುತ್ತಾರೆ ಅಭಿಮಾನಿಗಳು.

                   ಏಳು ವರ್ಷಗಳ ನಂತರ ಜೋಶಿ ಮತ್ತು ಸುರೇಶ್ ಗೋಪಿ ಒಂದಾಗುತ್ತಿರುವ ಚಿತ್ರ ಪಾಪ್ಪನ್. ಚಿತ್ರವು ಕ್ರೈಂ ಥ್ರಿಲ್ಲರ್ ಆಗಿ ಮೂಡಿಬರುತ್ತಿದೆ. ಪಾಪ್ಪನ್ ಸುರೇಶ್ ಗೋಪಿ ಅವರ 252 ನೇ ಚಿತ್ರ. ಚಿತ್ರದಲ್ಲಿ ಸನ್ನಿ ವೇನ್, ನೈಲಾ ಉಷಾ, ನೀತಾ ಪಿಳ್ಳೈ, ಆಶಾ ಶರತ್, ಕನಿಹಾ, ಚಂದುನಾಥ್, ವಿಜಯರಾಘವನ್, ಟಿನಿ ಟಾಮ್, ಶಮ್ಮಿ ತಿಲಕನ್ ಸೇರಿದಂತೆ ಹಲವರು ನಟಿಸಿದ್ದಾರೆ. ಡೇವಿಡ್ ಕಾಚಪ್ಪಿಲ್ಲಿ ನಿರ್ಮಿಸಿರುವ ಈ ಚಿತ್ರಕ್ಕೆ ಆರ್ ಜೆ ಶಾನ್ ಚಿತ್ರಕಥೆ ಬರೆದಿದ್ದಾರೆ.