ಕಣ್ಣೂರು: ಬಿಜೆಪಿಯ ಬೆಳವಣಿಗೆಗೆ ಸಿಪಿಐ (ಎಂ) ಪ್ರಧಾನ ಕಾರ್ಯದರ್ಶಿ ಸೀತಾರಾಂ ಯೆಚೂರಿ ಕಳವಳ ವ್ಯಕ್ತಪಡಿಸಿದ್ದಾರೆ. ಸೀತಾರಾಂ ಯೆಚೂರಿ, ಬಿಜೆಪಿಯನ್ನು ಪ್ರತ್ಯೇಕಿಸಿ ಸೋಲಿಸುವುದು ಒಂದೇ ಗುರಿ ಎಂದು ಹೇಳಿರುವÀರು. ಪಕ್ಷದ ಕಾಂಗ್ರೆಸ್(ಸಮ್ಮೇಳನ) ಅಂಗವಾಗಿ ಮಾಧ್ಯಮದವರೊಂದಿಗೆ ಅವರು ಮಾತನಾಡಿದರು. ಮೊದಲು ಪಕ್ಷ ತನ್ನನ್ನು ತಾನು ಬಲಪಡಿಸಿಕೊಳ್ಳಬೇಕು ಎಂದು ಕರಡು ರಾಜಕೀಯ ನಿರ್ಣಯ ಸೂಚಿಸುತ್ತದೆ. ಇದಕ್ಕಾಗಿ ಎಡಪಕ್ಷಗಳ ಒಗ್ಗಟ್ಟು ಬಲಗೊಳ್ಳಬೇಕು ಎಂದು ಯೆಚೂರಿ ಹೇಳಿದರು.
ವಿಶಾಲ ಜಾತ್ಯತೀತ ಮೈತ್ರಿಕೂಟ ರಚನೆಯಾಗಬೇಕು ಎಂದು ಸೀತಾರಾಂ ಯೆಚೂರಿ ಹೇಳಿದರು. ಜಾತ್ಯತೀತ ಪ್ರಜಾಪ್ರಭುತ್ವ ನಿರ್ಮಾಣವಾಗಬೇಕು. ಬಿಜೆಪಿ ವಿರುದ್ಧ ಸಿಪಿಎಂ ರಾಜಿಯಿಲ್ಲದ ನಿಲುವು ತಳೆದಿದೆ. ಕೋಮು ಧ್ರುವೀಕರಣವನ್ನು ಬಲಪಡಿಸುವುದು ಬಿಜೆಪಿಯ ಅಜೆಂಡಾ ಎಂದು ಯೆಚೂರಿ ಹೇಳಿದರು. ಯೆಚೂರಿ ಕಾಂಗ್ರೆಸ್ ವಿರುದ್ಧವೂ ಟೀಕೆ ಮಾಡಿದ್ದಾರೆ. ಜಾತ್ಯತೀತ ಪಕ್ಷಗಳು ಆದಷ್ಟು ಒಟ್ಟಾಗಿ ನಿಲ್ಲಬೇಕು. ಆದರೆ ಜಾತ್ಯತೀತತೆಯ ವಿಚಾರ ಸಂಕಿರಣದಲ್ಲಿ ಕಾಂಗ್ರೆಸ್ ಭಾಗವಹಿಸುತ್ತಿಲ್ಲ. ಜಾತ್ಯತೀತತೆಯ ಹೋರಾಟದಲ್ಲಿ ಇಂತಹವರನ್ನು ಹೇಗೆ ಆಹ್ವಾನಿಸಬಹುದು ಎಂದೂ ಯೆಚೂರಿ ಪ್ರಶ್ನಿಸಿದ್ದಾರೆ.
ಸಿಲ್ವರ್ ಲೈನ್ ಬಿಕ್ಕಟ್ಟಿನಲ್ಲಿ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರನ್ನು ಸೀತಾರಾಮ್ ಯೆಚೂರಿ ಸಂಪೂರ್ಣವಾಗಿ ಬೆಂಬಲಿಸಲಿಲ್ಲ. ಪಿಣರಾಯಿ ವಿಜಯನ್ ಅವರು ಯೋಜನೆ ಮುಂದುವರಿಸುವುದಾಗಿ ಹೇಳಿದರೆ ಕೇಂದ್ರದ ಒಪ್ಪಿಗೆ ಸಿಕ್ಕಿದೆ ಎಂದರ್ಥವಲ್ಲ. ಇದು ಸರ್ಕಾರದ ಆಶಯ ಎಂದು ಮುಖ್ಯಮಂತ್ರಿ ಹೇಳಿದರು. ಸಮೀಕ್ಷೆ ನಂತರ ಪರಿಸ್ಥಿತಿ ತಿಳಿಯಲಿದೆ ಎಂದರು.
ಬಿಜೆಪಿಯನ್ನು ಕಿತ್ತೊಗೆಯಲು ವಿಶಾಲ ಜಾತ್ಯತೀತ ಮೈತ್ರಿಯ ಅಗತ್ಯವಿದೆ. ಆದರೆ ಲೋಕಸಭೆ ಚುನಾವಣೆಗೂ ಮುನ್ನ ರಾಷ್ಟ್ರೀಯ ನಾಯಕತ್ವ ಮೈತ್ರಿ ಮಾಡಿಕೊಳ್ಳುವುದಿಲ್ಲ. ಚುನಾವಣೆಯ ನಂತರ ಯುಪಿಎ ರಚನೆಯಾಯಿತು. ಸಿಪಿಎಂ ಬಿಜೆಪಿಯೊಂದಿಗೆ ಸಮಾಧಾನ ಮಾಡಿಕೊಂಡಿಲ್ಲ. ಎಡಪಕ್ಷಗಳ ಐಕ್ಯತೆ ಬಲಪಡಿಸಲು ಸಿಪಿಎಂ ಮುಂದಾಗಲಿದೆ. ಕರಡು ರಾಜಕೀಯ ನಿರ್ಣಯದ ಕುರಿತು ಚರ್ಚೆಗಳು ನಡೆಯುತ್ತಿವೆ. ಇಲ್ಲಿಯವರೆಗೆ 12 ಪ್ರತಿನಿಧಿಗಳು ಮಾತನಾಡಿದ್ದಾರೆ. ರಾಜಕೀಯ ನಿರ್ಣಯದಲ್ಲಿ ಇದುವರೆಗೆ 4001 ತಿದ್ದುಪಡಿಗಳನ್ನು ಪ್ರಸ್ತಾಪಿಸಲಾಗಿದೆ. ಈ ಕುರಿತ ಚರ್ಚೆ ಇಂದು ಪೂರ್ಣಗೊಳ್ಳಲಿದೆ ಎಂದು ಸೀತಾರಾಂ ಯೆಚೂರಿ ಹೇಳಿದ್ದಾರೆ.
DOCTYPE html>
.png)
.jpg)
