ಬೆಂಗಳೂರು: ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ಅಂಗ ಸಂಸ್ಥೆಯಾಗಿರುವ ಗಡಿನಾಡು ಕಾಸರಗೋಡು ಘಟಕ ಪ್ರದಾನ ಮಾಡಲಿರುವ ದತ್ತಿನಿಧಿ ಪ್ರಶಸ್ತಿಗಳನ್ನು ನಿನ್ನೆ ಬೆಂಗಳೂರಲಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಘೋಷಿಸಲಾಗಿದೆ.
ಅವ್ವ ಹಸನ್ ಫೌಂಡೇಶನ್ ಪ್ರಶಸ್ತಿಗೆ ಕಲಬುರ್ಗಿ ಆಕಾಶವಾಣಿಯ ನಿರ್ದೇಶಕ ಡಾ. ಸದಾನಂದ ಪೆರ್ಲ, ಮೊಗದೋಡಿ ಗೋಪಾಲಕೃಷ್ಣ ಮೇಲಾಂಟ ಪ್ರಶಸ್ತಿಗೆ ಪತ್ರಕರ್ತ ಮಹಮ್ಮದ್ ಆರೀಫ್ ಪಡುಬಿದ್ರೆ, ಕೆ.ವಿ.ಆರ್.ಟ್ಯಾಗೋರ್ ಪ್ರಶಸ್ತಿಗೆ ಮಂಗಳೂರಿನ ಪತ್ರಕರ್ತ ಎಸ್.ಜಗದೀಶ್ ಚಂದ್ರ ಅಂಚನ್, ಡಾ.ಸೋಮಶೇಖರ್ ಪ್ರಶಸ್ತಿಗೆ ಸುವರ್ಣ ನ್ಯೂಸ್ ನ ಜಯಪ್ರಕಾಶ್ ಶೆಟ್ಟಿ ಉಪ್ಪಳ, ಪ್ರಚೋದಯ ಪ್ರಶಸ್ತಿಗೆ ಕಾಸರಗೋಡಿನ ಹಿರಿಯ ಪತ್ರಕರ್ತ ರಾಧಾಕೃಷ್ಣ ಕೆ. ಉಳಿಯತ್ತಡ್ಕ, ಎಡನೀರು ಕೇಶವಾನಂದ ಭಾರತೀ ಸ್ವಾಮೀಜಿ ಸ್ಮರಣಾರ್ಥ ಪ್ರಶಸ್ತಿಗೆ ಡಾ. ವಾಣಿಶ್ರೀ ಉಚ್ಚಿಲ್ಕರ್, ಪ್ರಭಾಕರ್ ಕಲ್ಲೂರಾಯ ಬನದಗದ್ದೆ ಪ್ರಶಸ್ತಿಗೆ ಕೊಡಗಿನ ಹಿರಿಯ ಪತ್ರಕರ್ತೆ ಆರ್.ಸವಿತಾ ರೈ ಭಾಜನರಾಗಿದ್ದಾರೆ.
ಪತ್ರಿಕಾರಂಗದಲ್ಲಿ ವಿವಿಧ ಸಾಧಕರನ್ನು ಗುರುತಿಸಿ ಈ ಪ್ರಶಸ್ತಿಗಳನ್ನು ನೀಡಲಾಗುತ್ತಿದೆ ಎಂದು ಪತ್ರಕರ್ತರ ಸಂಘದ ಕಾಸರಗೋಡು ಘಟಕಾಧ್ಯಕ್ಷ ಎ.ಆರ್.ಸುಬ್ಬಯ್ಯಕಟ್ಟೆ ತಿಳಿಸಿದರು.
ಪ್ರಶಸ್ತಿಯು 25 ಸಾವಿರ ನಗದು, ಫಲಕ, ಪ್ರಶಸ್ತಿ ಪತ್ರವನ್ನೊಳಗೊಂಡಿದೆ ಎಂದರು. ಪ್ರಶಸ್ತಿ ಪ್ರಧಾನ ಸಮಾರಂಭವು ಕಾಸರಗೋಡಿನ ಕುಂಬಳೆ ಸಮೀಪದ ನಾರಾಯಣಮಂಗಲ ಕಿರಿಯ ಪ್ರಾಥಮಿಕ ಶಾಲಾ ಪರಿಸರದಲ್ಲಿ ಮೇ. 22ರಂದು ನಡೆಯಲಿದೆ. ವಿವಿಧ ವಲಯಗಳ ಬಹುಶೃತ ಗಣ್ಯರು ಉಪಸ್ಥಿತರಿರುವರು.ಹಿರಿಯ ಸಾಧಕ ಪತ್ರಕರ್ತರನ್ನು ಗುರುತಿಸಿ ಸನ್ಮಾನ, ಅಶಕ್ತರಿಗೆ ನೆರವು, ಪ್ರತಿಕೋದ್ಯಮ ಶಿಬಿರಗಳು, ಕನ್ನಡ ಜಾಗೃತಿ ಮೂಡಿಸುವ ಕಾರ್ಯಕ್ರಮಗಳು, ಪ್ರತಿಭಾ ಪುರಸ್ಕಾರ, ಪ್ರಶಸ್ತಿ ಪ್ರದಾನ ಮೊದಲಾದವುಗಳು ನಡೆಯುತ್ತಿದೆ. ಉಚಿತ ವೈದ್ಯಕೀಯ ನೆರವು ನೀಡುವ ಯೋಜನೆ ಖಾಸಗಿ ಆಸ್ಪತ್ರೆಗಳ ಸಹಕಾರದೊಂದಿಗೆ ಪ್ರಾಬಲ್ಯಕ್ಕೆ ಬಂದಿದೆ. ಕಲೆ ಸಾಹಿತ್ಯ ಸಂವರ್ಧನೆಗಾಗಿ ಸರಕಾರದ ಮತ್ತು ಖಾಸಗಿ ಸಂಸ್ಥೆಗಳ ನೆರವು ಪಡೆದು ಜನಪರ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತದೆ. ಕರಾವಳಿಯ ಗಂಡು ಮೆಟ್ಟಿನ ಕಲೆ ಯಕ್ಷಗಾನವನ್ನು ಮನೆಮನೆಗಳಲ್ಲಿ ಪ್ರದರ್ಶಿಸಿ ಅಭಿಮಾನಿಗಳ ವಲಯವನ್ನೇ ಸೃಷ್ಟಿಸಿದೆ. ಕರ್ನಾಟಕ ಜಾನಪದ ಪರಿಷತ್ತು, ಗಡಿನಾಡು ಸಾಹಿತ್ಯ ಸಾಂಸ್ಕøತಿಕ ಅಕಾಡೆಮಿ ಮೊದಲಾದ ಸಂಸ್ಥೆಗಳೊಂದಿಗೆ ಕೈ ಜೋಡಿಸಿ ಸದಾ ಕ್ರಿಯಾಶೀಲ ಯೋಜನೆಗಳನ್ನು ಸಾಕಾರಗೊಳಿಸುತ್ತಿದೆ.
DOCTYPE html>
.jpeg)
