ಮಧ್ಯರಾತ್ರಿಯಲ್ಲಿ ಕೇರಳದ ಲೂ ಲೂ ಮಾಲ್​ನಲ್ಲಿ ಜನವೋ ಜನ, ಸಿಬ್ಬಂದಿಯೇ ಶಾಕ್​​! ಕಾರಣ ಇಲ್ಲಿದೆ

              ಕೊಚ್ಚಿನ್​: ಮಧ್ಯರಾತ್ರಿಯಲ್ಲಿ ಮಾಲ್​ನಲ್ಲಿ ಸಾವಿರಾರು ಜನರನ್ನು ಕಂಡು ಸ್ವತಃ ಸಿಬ್ಬಂದಿಯೇ ಶಾಕ್​ ಆಗಿದ್ದಾರೆ. ರಾತ್ರಿ 11.50ರ ನಂತರ ಮಾಲ್​ ಬಾಗಿಲ ಮುಂದೆ ಜನರು ಜಮಾಯಿಸಿದ್ದಾರೆ. ಸಿಬ್ಬಂದಿ ಬಾಗಿಲು ತೆಗೆದ ಕೂಡಲೇ ಗುಂಪು ಗುಂಪಾಗಿ ಒಳನುಗ್ಗಿದ್ದಾರೆ.

            ಇಷ್ಟು ಜನರನ್ನು ನಿರೀಕ್ಷಿಸದ ಸಿಬ್ಬಂದಿಗಳೇ ದಂಗಾಗಿದ್ದಾರೆ.

            ಅರೇ… ಏನಿದು ಇಷ್ಟು ಜನರು ಮಧ್ಯರಾತ್ರಿ ಏಕೆ ಮಾಲ್​​ಗೆ ಬಂದಿದ್ದಾರೆ. ಅಷ್ಟಕ್ಕೂ ಅಷ್ಟು ಆತುರವಾದರೂ ಏನಿತ್ತು ಎಂಬುದಕ್ಕೆ ಇಲ್ಲಿದೆ ಉತ್ತರ. ಮಾಲ್​ ಮಾಡಿದ ಈ ಒಂದೇ ಯೋಜನೆಗೆ ಸಾವಿರಾರು ಗ್ರಾಹಕರನ್ನು ಪಡೆದು ಲಾಭ ಮಾಡಿಕೊಂಡಿದ್ದಂತೂ ಸತ್ಯ.

           ಅಂದಹಾಗೆ ಜುಲೈ 7 ರಂದು ಈ ಘಟನೆ ನಡೆದಿದೆ. ಜುಲೈ 6 ರ ರಾತ್ರಿ 11.59ಕ್ಕೆ ಮಾಲ್​ನಲ್ಲಿ ಶೇ.50ರಷ್ಟು ರಿಯಾಯಿತಿಯನ್ನು ಘೋಷಿಸಿತ್ತು. ಈ ರಿಯಾಯಿತಿ ಕೇವಲ ಒಂದು ರಾತ್ರಿಯವರೆಗೆ ಮಾತ್ರ ಅವಕಾಶ ನೀಡಿತ್ತು. ಇದೇ ಕಾರಣಕ್ಕೆ ರಾತ್ರೋ ರಾತ್ರಿ ಮಾಲ್​ಗೆ ಪ್ರವಾಹದ ರೀತಿಯಲ್ಲಿ ಜನರು ಜಮಾಯಿಸಿದ್ದಾರೆ. ಸದ್ಯ ಈ ವಿಡಿಯೋ ಭಾರೀ ವೈರಲ್​ ಆಗುತ್ತಿದೆ. ಕೊಚ್ಚಿನ್​ ಹಾಗೂ ತಿರುವನಂತಪುರಂನಲ್ಲಿರುವ ಎರಡೂ ಮಾಲ್​ನಲ್ಲೂ ಸಾವಿರಾರು ಜನರು ಸೇರಿದ್ದರು.