ನಗ್ನ ಯೋಗದ ವಿಡಿಯೋ ಕಳುಹಿಸಿದ ಶಿವಗಿರಿ ಮಠದ ಸ್ವಾಮಿ: ಸ್ವಾಮಿ ಗುರುಪ್ರಸಾದ್ ವಿರುದ್ಧ ಅಮೇರಿಕದ ಕೇರಳ ಮೂಲದ ನರ್ಸ್ ಕಿರುಕುಳ ದೂರು

 

                   ಕೊಚ್ಚಿ: ಶಿವಗಿರಿ ಧರ್ಮ ಸಂಗಮ ಟ್ರಸ್ಟ್ ಬೋರ್ಡ್ ಸದಸ್ಯ ಸ್ವಾಮಿ ಗುರುಪ್ರಸಾದ್ ವಿರುದ್ಧ ಕಿರುಕುಳ ದೂರು ದಾಖಲಾಗಿದೆ. ಪತ್ತನಂತಿಟ್ಟದ ಅಮೇರಿಕನ್ ಮಲಯಾಳಿ ನರ್ಸ್ ಗುರುಪ್ರಸಾದ್ ವಿರುದ್ಧ ಕಿರುಕುಳದ ದೂರು ದಾಖಲಿಸಿದ್ದಾರೆ. ಯುವತಿ ಊರಿಗೆ ಮರಳಿ ಮುಖ್ಯಮಂತ್ರಿ ಹಾಗೂ ಡಿಜಿಪಿಗೆ ದೂರು ನೀಡಿದ್ದಾಳೆ.

                   ದೂರಿನ ಪ್ರಕಾರ, ಉತ್ತರ ಅಮೆರಿಕಾದ ಶಿವಗಿರಿ ಮಠದ ಅಡಿಯಲ್ಲಿ ಆಶ್ರಮವನ್ನು ಸ್ಥಾಪಿಸಲು ಯುಎಸ್‍ನ ಟೆಕ್ಸಾಸ್‍ಗೆ ಬಂದಿದ್ದಾಗ ಸ್ವಾಮಿ ಗುರುಪ್ರಸಾದ್ ತನ್ನ ಮೇಲೆ ದೌರ್ಜನ್ಯ ಎಸಗಲು ಪ್ರಯತ್ನಿಸಿದರು. ಜುಲೈ 19, 2019 ರಂದು, ಸ್ವಾಮಿ ಗುರುಪ್ರಸಾದ್ ಅವರು ಟೆಕ್ಸಾಸ್‍ನಲ್ಲಿರುವ ತಮ್ಮ ಮನೆಗೆ ಅತಿಥಿಯಾಗಿ ಬಂದಾಗ, ತನ್ನನ್ನು ಕಿರುಕುಳಕ್ಕೆ ಯತ್ನಿಸಿದರು ಮತ್ತು ದೈಹಿಕವಾಗಿ ಹಲ್ಲೆ ನಡೆಸಿದ್ದರು ಎಂದು ದೂರಿದ್ದಾರೆ. 

                 ನಂತರ, ಸ್ವಾಮಿ ತನಗೆ ಅವರ ನಗ್ನ ವೀಡಿಯೊಗಳನ್ನು  ಕಳುಹಿಸಿದ್ದರು. ದೂರಿನ ಪ್ರಕಾರ ಅವರು ಮಹಿಳೆಗೆ ಬೆತ್ತಲೆ ಯೋಗ ಮಾಡುತ್ತಿರುವ ವಿಡಿಯೋವನ್ನು ವಾಟ್ಸಾಪ್ ನಲ್ಲಿ ಕಳುಹಿಸಿದ್ದಾರೆ. ಈತನ ವಿರುದ್ಧ ಮಹಿಳೆ ಶಿವಗಿರಿ ಮಠದಲ್ಲಿ ದೂರು ದಾಖಲಿಸಿದ್ದರು. ಮಹಿಳೆ ಮತ್ತು ಆಕೆಯ ಪತಿಯನ್ನು ಕೊಂದು ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಸ್ವಾಮಿ ಗುರುಪ್ರಸಾದ್ ಬೆದರಿಕೆ ಹಾಕಿದ್ದರು.  ಶಿವಗಿರಿ ಮಠವು ಕ್ರಮ ಕೈಗೊಳ್ಳಲು ಮುಂದಾದ ಹಂತದಲ್ಲಿ ಸ್ವಾಮಿ ಅವರು ತಮ್ಮ ವಿರುದ್ಧ ಅಮೆರಿಕದ ನ್ಯಾಯಾಲಯದಲ್ಲಿ ಮಾನನಷ್ಟ ಮೊಕದ್ದಮೆ ಹೂಡಿದ್ದರು ಎಂದು ಮಹಿಳೆ ದೂರಲ್ಲಿ ಉಲ್ಲೇಖಿಸಿದ್ದಾರೆ.