ಕೊನ್ನಿ ವೈದ್ಯಕೀಯ ಕಾಲೇಜಿಗೆ ರಾಷ್ಟ್ರೀಯ ವೈದ್ಯಕೀಯ ಆಯೋಗದ ಅನುಮೋದನೆ

              ಪತ್ತನಂತಿಟ್ಟ: ಕೊನ್ನಿ ವೈದ್ಯಕೀಯ ಕಾಲೇಜಿನಲ್ಲಿ ಎಂಬಿಬಿಎಸ್ ಪ್ರವೇಶಕ್ಕೆ ರಾಷ್ಟ್ರೀಯ ವೈದ್ಯಕೀಯ ಆಯೋಗ ಅನುಮತಿ ನೀಡಿದೆ. 100 ಸೀಟು ಹಂಚಿಕೆ ಮಾಡಲಾಗಿದೆ.
          ಈ ವರ್ಷದಿಂದ ಪ್ರವೇಶ ಆರಂಭವಾಗಲಿದೆ ಎಂದು ರಾಜ್ಯ ಆರೋಗ್ಯ ಸಚಿವೆ ವೀಣಾ ಜಾರ್ಜ್ ತಿಳಿಸಿದ್ದಾರೆ. ಈ ಹಿಂದೆ ವೈದ್ಯಕೀಯ ಕಾಲೇಜಿನಲ್ಲಿ ನಡೆಸಿದ ತಪಾಸಣೆಗೆ ವೈದ್ಯಕೀಯ ಆಯೋಗ ತೃಪ್ತಿ ವ್ಯಕ್ತಪಡಿಸಿತ್ತು. ಇದಾದ ಬಳಿಕ ಅನುಮತಿ ನೀಡಲಾಗಿದೆ.
         ಸ್ಪೆμÁಲಿಟಿ ಮತ್ತು ಸೂಪರ್ ಸ್ಪೆμÁಲಿಟಿ ಸೇವೆಗಳನ್ನು ಸ್ಥಾಪಿಸಲಾಗುವುದು ಎಂದು ಆರೋಗ್ಯ ಸಚಿವರು ತಿಳಿಸಿದ್ದಾರೆ. ಲೇಬರ್ ರೂಮ್ ಮತ್ತು ಬ್ಲಡ್ ಬ್ಯಾಂಕ್ ಅನ್ನು ವಾಸ್ತವಿಕಗೊಳಿಸಲಾಗುತ್ತಿದೆ. ಎಂಆರ್‍ಐ, ನ್ಯೂರಾಲಜಿ ಸೇವೆಗಳು, ಐಸಿಯು, ಡಯಾಲಿಸಿಸ್ ಘಟಕಗಳು, ಕಾರ್ಡಿಯಾಲಜಿ ಮತ್ತು ಕಾರ್ಡಿಯೋ ಥೆರಪಿಯನ್ನೂ ಗುರಿಯಾಗಿಸಿಕೊಳ್ಳಲಾಗುವುದು ಎಂದು ಸಚಿವರು ಹೇಳಿದರು. ಪ್ರಸ್ತುತ, ಕೊನ್ನಿ ವೈದ್ಯಕೀಯ ಕಾಲೇಜಿನಲ್ಲಿ ಒಪಿ, ಐಪಿ ಮತ್ತು ತುರ್ತು ವಿಭಾಗವನ್ನು ಪ್ರಾರಂಭಿಸಲಾಗಿದೆ. ಶೈಕ್ಷಣಿಕ ಬ್ಲಾಕ್ ಪೂರ್ಣಗೊಂಡಿದೆ ಎಂದು ಸಚಿವರು ಹೇಳಿದರು.
           ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ವೈದ್ಯಕೀಯ ಕಾಲೇಜನ್ನು ಸೆಪ್ಟೆಂಬರ್ 14, 2020 ರಂದು ಉದ್ಘಾಟಿಸಲಾಯಿತು. ಒಪಿ ಮಾಟಲ್‍ಗೆ ಶೀಘ್ರವೇ ಪ್ರಮುಖ ಆಪರೇಷನ್ ಥಿಯೇಟರ್ ಅಳವಡಿಸಲಾಗುವುದು ಎಂದು ಅಂದಿನ ಆರೋಗ್ಯ ಸಚಿವೆ ಕೆ.ಕೆ.ಶೈಲಜಾ ಭರವಸೆ ನೀಡಿದ್ದರು.ಆದರೆ ಬಳಿಕ ಏನೂ ನಡೆದಿರಲಿಲ್ಲ. ನಂತರ ಪ್ರತಿಭಟನೆ ಹಿನ್ನೆಲೆಯಲ್ಲಿ ಆಸ್ಪತ್ರೆಯಲ್ಲಿ ಒಂದಷ್ಟು ಅಭಿವೃದ್ಧಿ ಕೆಲಸಗಳು ನಡೆಯುತ್ತಿದ್ದು, ಎರಡು ವರ್ಷ ಕಳೆದರೂ ಇನ್ನೂ ಒಪಿ ಪೂರ್ಣಗೊಂಡಿಲ್ಲ.
ಆಸ್ಪತ್ರೆಗೆ ದಾಖಲಾದರೂ ಪೂರಕ ಪರೀಕ್ಷಾ ಸೌಲಭ್ಯಗಳ ಕೊರತೆಯಿಂದ ಜನರು ಆಸ್ಪತ್ರೆಯತ್ತ ಸುಳಿಯುತ್ತಿಲ್ಲ.
           ಇದೇ ವೇಳೆ ಸಚಿವೆ ವೀಣಾ ಜಾರ್ಜ್ ಅವರು ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವ್ಯ ಅವರನ್ನು ಭೇಟಿ ಮಾಡಲಿದ್ದಾರೆ. ರಾಜ್ಯಕ್ಕೆ ಏಮ್ಸ್ ಮಂಜೂರು ಮಾಡುವಂತೆ ಕೋರಲಾಗುವುದು ಎಂದು ಸಚಿವರು ತಿಳಿಸಿದರು.