1.67 ಕೋಟಿ ವಾಹನಗಳಿಗೆ 368 ಅಧಿಕಾರಿಗಳು!: ರೂ 5000 ದಂಡ ಮತ್ತು ಪರವಾನಗಿ ಅಮಾನತು ಹೊರತು ಯಾವುದೇ ಕ್ರಮಗಳಿಲ್ಲ: ಹೈಕೋರ್ಟ್ ನಲ್ಲಿ ಸಾರಿಗೆ ಆಯುಕ್ತ ಎಸ್ ಶ್ರೀಜಿತ್

          ಕೊಚ್ಚಿ: ರಸ್ತೆ ನಿಯಮ ಉಲ್ಲಂಘನೆಗೆ ನಿರ್ಲಕ್ಷ್ಯದ ಚಾಲನೆಯೇ ಕಾರಣ ಎಂದು ಸಾರಿಗೆ ಆಯುಕ್ತ ಎಸ್.ಶ್ರೀಜಿತ್ ಹೇಳಿದ್ದಾರೆ.
          80 ರಷ್ಟು ಉಲ್ಲಂಘನೆಗಳು ನಿರ್ಲಕ್ಷ್ಯದ ಚಾಲನೆಯಿಂದ ಎಂದು ಶ್ರೀಜಿತ್ ಹೈಕೋರ್ಟ್‍ಗೆ ತಿಳಿಸಿದರು. ಲೈಸನ್ಸ್ ಅಮಾನತುಗೊಳಿಸಿ 5000 ರೂ.ದಂಡ ವಸೂಲಿ ಮಾಡಿದ್ದು, ವಾಹನ ಮಾಲೀಕರೇ ದಂಡ ಕಟ್ಟುತ್ತಿದ್ದು, ಚಾಲಕರು ಪರವಾನಿಗೆ ಇಲ್ಲದೆ ವಾಹನ ಚಲಾಯಿಸುವುದನ್ನು ಮುಂದುವರಿಸಿದ್ದಾರೆ ಎಂದು ಹೈಕೋರ್ಟ್ ಗೆ ತಿಳಿಸಿರುವರು.
         ರಾಜ್ಯದಲ್ಲಿ 1.67 ಕೋಟಿ ವಾಹನಗಳ ನಿರ್ವಹಣೆಗೆ ಮೋಟಾರು ವಾಹನ ಇಲಾಖೆಯಲ್ಲಿ ಕೇವಲ 368 ಅಧಿಕಾರಿಗಳಿದ್ದಾರೆ ಎಂದು ಶ್ರೀಜಿತ್ ಗಮನ ಸೆಳೆದರು. ಜಾಗೃತಿಯಿಂದ ರಾಜ್ಯದಲ್ಲಿ ಶೇ.13.7ರಷ್ಟು ಅಪಘಾತ ಸಾವು ಕಡಿಮೆಯಾಗಿದೆ ಎಂದರು. ಹೈಯರ್ ಸೆಕೆಂಡರಿ ಪಠ್ಯಕ್ರಮದಲ್ಲಿ ಸಂಚಾರ ನಿಯಮಗಳನ್ನು ಸೇರಿಸಬೇಕು ಎಂಬ ಸಲಹೆಯನ್ನೂ ಮುಂದಿಟ್ಟರು.
         ವಡಕಂಚೇರಿ ಅಪಘಾತದ ಹಿನ್ನೆಲೆಯಲ್ಲಿ ಕಾನೂನು ಉಲ್ಲಂಘಿಸುವ ಬಸ್‍ಗಳನ್ನು ಪತ್ತೆಹಚ್ಚಲು ರಾಜ್ಯಾದ್ಯಂತ ತಪಾಸಣೆ ನಡೆಸಲಾಗುತ್ತಿದೆ. ಕಾನೂನು ಉಲ್ಲಂಘಿಸುವ ಟೂರಿಸ್ಟ್ ಬಸ್ ಸೇರಿದಂತೆ ಎಲ್ಲ ವಾಹನಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು. ಕಾಂಟ್ರಾಕ್ಟ್ ಕ್ಯಾರೇಜ್‍ಗಳ ಅನಧಿಕೃತ ಮಾರ್ಪಾಡು, ಮಿತಿಮೀರಿದ ವೇಗ, ಸ್ಪೀಡ್ ಗವರ್ನರ್‍ಗಳನ್ನು ಟ್ಯಾಂಪರಿಂಗ್ ಮಾಡುವುದು, ಅವ್ಯವಸ್ಥಿತ ಲೈಟ್ ಗಳು, ಡ್ಯಾನ್ಸ್ ಪ್ಲೋರ್, ಅತಿಯಾದ ಶಬ್ದ ವ್ಯವಸ್ಥೆ ಮುಂತಾದ ಅಪರಾಧಗಳನ್ನು ಪತ್ತೆ ಮಾಡಿ ಕ್ರಮ ಕೈಗೊಳ್ಳಲಾಗುವುದು. ಪೋಕಸ್ 3 ಸ್ಪೆಷಲ್ ಡ್ರೈವ್ ಎಂಬ ಪರೀಕ್ಷೆ ಇದೇ 16ರವರೆಗೆ ನಡೆಯಲಿದೆ.