ವಿದ್ಯುತ್ ಉತ್ಪಾದನೆಯಲ್ಲಿ ಸ್ವಾವಲಂಬನೆ ಮುಖ್ಯ ಗುರಿ: ಇಂಧನ ಸಚಿವ ಕೆ.ಕೃಷ್ಣನ್ ಕುಟ್ಟಿ: ವಿದ್ಯುತ್ ವಿಭಾಗೀಯ ಕಚೇರಿಗಳ ಉದ್ಘಾಟನೆ

          ಕಾಸರಗೋಡು: ವಿದ್ಯುತ್ ಉತ್ಪಾದನಾ ವಲಯವನ್ನು ಸ್ವಾವಲಂಬಿಯನ್ನಾಗಿಸಲು ಸರ್ಕಾರ ಪ್ರಯತ್ನಿಸುತ್ತಿರುವುದಗಿ ರಾಜ್ಯ ಇಂಧನ ಖಾತೆ ಸಚಿವ ಕೆ.ಕೃಷ್ಣನ್ ಕುಟ್ಟಿ  ತಿಳಿಸಿದ್ದಾರೆ. ಅವರು ಜಿಲ್ಲೆಯ ಕೆಎಸ್‍ಇಬಿ ನಲ್ಲೊಂಬುಳ ವಿದ್ಯುತ್ ವಿಭಾಗ ಕಚೇರಿಯನ್ನು ಉದ್ಘಾಟಿಸಿ ಸಚಿವರು ಮಾತನಾಡಿದರು.
           ಸರ್ಕಾರ ಅಧಿಕಾರ ವಹಿಸಿಕೊಂಡ ನಂತರ  ಜಲವಿದ್ಯುತ್ ಉತ್ಪಾದನಾ ವಲಯದ ಅಭಿವೃದ್ಧಿಗೆ  ವಿಶೇಷ ಗಮನ ಹರಿಸುತ್ತಿದೆ. ರಾಜ್ಯದಲ್ಲಿ 38.5 ಮೆಗಾವ್ಯಾಟ್ ಸಾಮಥ್ರ್ಯದ ನಾಲ್ಕು ಜಲವಿದ್ಯುತ್ ಯೋಜನೆಗಳನ್ನು ಕಡಿಮೆ ಅವಧಿಯಲ್ಲಿ ಪೂರ್ಣಗೊಳಿಸಲಾಗಿದೆ. ಈ ಆರ್ಥಿಕ ವರ್ಷದಲ್ಲಿಯೇ 124 ಮೆಗಾವ್ಯಾಟ್ ಜಲವಿದ್ಯುತ್ ಯೋಜನೆಗಳು ಪೂರ್ಣಗೊಳ್ಳಲಿವೆ. 800 ಮೆಗಾ ವ್ಯಾಟ್ ಸಾಮಥ್ರ್ಯದ ಇಡುಕ್ಕಿ ಎರಡನೇ ಸ್ಥಾವರ, 200 ಮೆಗಾವ್ಯಾಟ್‍ನ ಶಬರಿಗಿರಿ ಯೋಜನೆಯ ಎರಡನೇ ಸ್ಥಾವರ ಸೇರಿದಂತೆ 1500 ಮೆಗಾವ್ಯಾಟ್‍ನ ಹೊಸ ಜಲವಿದ್ಯುತ್ ಯೋಜನೆಗಳು ಮತ್ತು ನವೀಕರಿಸಬಹುದಾದ ಇಂಧನ ಮೂಲಗಳಿಂದ 3000 ಮೆಗಾವ್ಯಾಟ್‍ನ ಹೊಸ ಯೋಜನೆಗಳಿಗೆ ಚಾಲನೆ ನೀಡಲಾಗುವುದು ಎಂದು ತಿಳಿಸಿದರು.
            ಶಾಸಕ ಎಂ.ರಾಜಗೋಪಾಲನ್ ಅಧ್ಯಕ್ಷತೆ ವಹಿಸಿದ್ದರು. ಸಂಸದ ರಾಜಮೋಹನ್ ಉಣ್ಣಿತ್ತಾನ್ ಮುಖ್ಯ ಅತಿಥಿಯಾಗಿದ್ದರು. ಕೆಎಸ್‍ಇಬಿ ಸ್ವತಂತ್ರ ನಿರ್ದೇಶಕ ವಕೀಲ ವಿ.ಮುರುಗದಾಸ್, ಪರಪ್ಪ ಬ್ಲಾಕ್ ಪಂಚಾಯಿತಿ ಅಧ್ಯಕ್ಷೆ ಎಂ.ಲಕ್ಷ್ಮಿ, ಈಸ್ಟ್ ಎಳೇರಿ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಜೇಮ್ಸ್ ಪಂಟಮಕಲ್, ಜಿಲ್ಲಾ ಪಂಚಾಯಿತಿ ಸದಸ್ಯ ಜೋಮೋನ್ ಜೋಸ್, ಬ್ಲಾಕ್ ಪಂಚಾಯಿತಿ ಸದಸ್ಯರಾದ ಜೋಸ್ ಕುತ್ತಿಯತೊಟ್ಟಿಲ್, ಅನ್ನಮ್ಮ ಮ್ಯಾಥ್ಯೂ, ಈಸ್ಟ್ ಎಳೇರಿ ಪಂಚಾಯಿತಿ ಉಪಾಧ್ಯಕ್ಷೆ ಫಿಲೋಮಿನಾ ಜಾನಿ, ಈಸ್ಟ್ ಎಳೇರಿ ಪಂಚಾಯಿತಿ ಸದಸ್ಯ ವಿನೀತ್ ಟಿ.ಜೋಸೆಫ್, ರಾಜಕೀಯ ಮತ್ತು ವ್ಯಾಪಾರ ಸಂಸ್ಥೆಗಳ ಪ್ರತಿನಿಧಿಗಳು ಇತರರು ಭಾಗವಹಿಸಿದ್ದರು.
            ತೃಕರಿಪುರ ವಿದ್ಯುತ್ ವಿಭಾಗೀಯ ಕಚೇರಿ ಉದ್ಘಾಟನೆ:
ಕೆಎಸ್‍ಇಬಿ ತೃಕರಿಪುರ ವಿದ್ಯುತ್ ವಿಭಾಗ ಕಚೇರಿಯನ್ನು ರಾಜ್ಯ ಇಂಧನ ಖಾತೆ ಸಚಿವ ಕೆ.ಕೃಷ್ಣನ್ ಕುಟ್ಟಿ  ಸೋಮವಾರ ಉದ್ಘಾಟಿಸಿದರು. ಕಾಸರಕೋಟ್ ಎಲೆಕ್ಟ್ರಿಕಲ್ ಸರ್ಕಲ್ ಮತ್ತು ಕಾಞಂಗಾಡ್ ಎಲೆಕ್ಟ್ರಿಕಲ್ ವಿಭಾಗೀಯ ಕಛೇರಿಗಳ ಅಧೀನದಲ್ಲಿ ಕಾರ್ಯಾಚರಿಸುತ್ತಿರುವ ತ್ರಿಕರಿಪರ್ ಎಲೆಕ್ಟ್ರಿಕಲ್ ವಿಭಾಗ ಕಚೇರಿ ಕಟ್ಟಡವನ್ನು ರೂ.70 ಲಕ್ಷ ಮೊತ್ತಕ್ಕೆ ಕೆಎಸ್‍ಇಬಿಯಿಂದ ಆಡಳಿತಾತ್ಮಕ ಅನುಮತಿಯನ್ನು ಪಡೆದ ನಂತರ, ಇಳಂಬಚಿಯಲ್ಲಿ 219.05 ಚದರ ಮೀಟರ್ ಕಟ್ಟಡವನ್ನು ರೂ.56 ಲಕ್ಷ ವೆಚ್ಚದಲ್ಲಿ ನಿರ್ಮಿಸಲಾಗಿದೆ.