ತುಂಚನಾಚಾರ್ಯ ಪ್ರತಿಮೆ ಸ್ಥಾಪಿಸಲು ಪಾಣಕ್ಕಾಡ್ ಕುಟುಂಬದವರು ಅಸಹಿಷ್ಣುತೆ ವಹಿಸುತ್ತಿರುವುದು ಏಕೆ?: ಪ್ರತಿಮೆ ಸ್ಥಾಪನೆಯಾದರೆ ಯಾವ ಪುನರುತ್ಥಾನ ಕಣ್ಮರೆ: ಕೆ.ಸುರೇಂದ್ರನ್

           ಮಲಪ್ಪುರಂ: ಕೇರಳದಲ್ಲಿ ಎಲ್ಲೆಡೆ ಸಾಕಷ್ಟು ಪ್ರತಿಮೆಗಳು ತುಂಬಿ ತುಳುಕುತ್ತಿವೆ. ಆದರೆ ತುಂಚನಾಚಾರ್ಯರ ಬಗ್ಗೆ ಯಾಕೆ ಅಷ್ಟೊಂದು ನಿರ್ಲಕ್ಷ್ಯ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಕೆ.ಸುರೇಂದ್ರನ್ ಕೇಳಿದ್ದಾರೆ.
            ಮಲಪ್ಪುರಂ ಸಾಂಸ್ಕøತಿಕ ಶ್ರೇಷ್ಠತೆಯ ನಾಡು. ಕೇರಳದಲ್ಲಿ ಈ ರೀತಿಯ ಭೂಮಿ ಬೇರೊಂದಿಲ್ಲ. ಇತಿಹಾಸದಿಂದ ಕೂಡಿದ ನಾಡು. ಇಲ್ಲಿರುವ ಮಲಯಾಳಂ ಭಾಷೆಯ  ಪಿತಾಮಹರ ಪ್ರತಿಮೆಗೆ ವಿರೋಧ ವ್ಯಕ್ತವಾಗಲು ಕಾರಣವೇನು ಎಂದು ಪ್ರಶ್ನಿಸಿದ ಅವರು, ಈ ಬಗ್ಗೆ ಮುಸ್ಲಿಂ ಲೀಗ್ ತನ್ನ ನಿಲುವನ್ನು ಸ್ಪಷ್ಟಪಡಿಸುವಂತೆ ಕೆ ಸುರೇಂದ್ರನ್ ಕೇಳಿದ್ದಾರೆ.
        ಜಾತ್ಯತೀತತೆಯ ಪ್ರತಿಪಾದಕರು ಎಂದು ಹೇಳಿಕೊಳ್ಳುವ ಪಾಣಕ್ಕಾಡ್ ಕುಟುಂಬ ಈ ಅಸಹಿಷ್ಣುತೆಯನ್ನು ಏಕೆ ತೋರಿಸುತ್ತಿದೆ, ಈ ನಿಟ್ಟಿನಲ್ಲಿ ಪಾಣಕ್ಕಾಡ್ ಸಾದಿಖಲಿ ಶಿಹಾಬ್ ಅವರು ಉತ್ತರಿಸಬೇಕು ಎಂದು ಕೆ ಸುರೇಂದ್ರನ್ ಹೇಳಿದರು. ಪಾಣಕ್ಕಾಡ್ ಅವರು ಪ್ರತಿಮೆ ನಿರ್ಮಾಣದ ಹಳೆಯ ನಿರ್ಧಾರವನ್ನು ಜಾರಿಗೆ ತರಲು ಮುಂದಾಗಬೇಕು.ಜಾತ್ಯತೀತ ಪಕ್ಷದ ನಾಯಕರಾಗಿರುವ ಮುಖ್ಯಮಂತ್ರಿಗಳು ಈ ಬಗ್ಗೆ ತಮ್ಮ ನಿಲುವನ್ನು ಸ್ಪಷ್ಟಪಡಿಸಬೇಕು ಎಂದು ಹೇಳಿದರು.
          ನಮ್ಮ ದೇಶವನ್ನು ಮಾನವ ಮಾಂಸ ತಿನ್ನುವ ನರಭಕ್ಷಕರ ನಾಡಾಗಿ ಪರಿವರ್ತಿಸುತ್ತಿರುವವರು ಯಾರು, ತುಂಚನಾಚಾರ್ಯರ ಪ್ರತಿಮೆ ಸ್ಥಾಪನೆಯಾದರೆ ಆಗುವ ಸವಾಲುಗಳೇನು ಎಂದು ಪ್ರಶ್ನಿಸಿದ ಕೆ ಸುರೇಂದ್ರನ್, ಪಾಣಕ್ಕಾಡ್ ಮತ್ತು ಪಿಣರಾಯಿ ವಿಜಯನ್ ಪ್ರತಿಮೆ ಸ್ಥಾಪಿಸಲು ಪ್ರಯತ್ನಿಸಿದರೆ ನಾವು ಅವರೊಂದಿಗೆ ಇರುತ್ತೇವೆ, ಇಲ್ಲದಿದ್ದರೆ ನೀವಿಲ್ಲದೆ ನಾವೇ ಅದನ್ನು ನಿರ್ಮಿಸುತ್ತೇವೆ ಎಂದು ಸುರೇಂದ್ರನ್ ತಿಳಿಸಿದ್ದಾರೆ.