ರಿಷಿ ಸುನಕ್ ಭಾರತದಲ್ಲಿ ಇರುತ್ತಿದ್ದರೆ ರಾಜಕೀಯದ ಹಿಂಬಾಲಕರಾಗಿ ಇರುತ್ತಿದ್ದರು; ಶಶಿ ತರೂರ್

 

            ನವದೆಹಲಿ: ಬ್ರಿಟನ್​ನ ನೂತನ ಪ್ರಧಾನಿ ರಿಷಿ ಸುನಕ್ ಭಾರತದ ರಾಜಕೀಯದಲ್ಲಿರುತ್ತಿದ್ದರೆ, ರಾಜಕೀಯದ ಹಿಂಬಾಲಕರಾಗಿ ಅಷ್ಟೇ ಇರುತ್ತಿದ್ದರು ಎಂದು ಕಾಂಗ್ರೆಸ್​ ಸಂಸದ ಶಶಿ ತರೂರ್ ಹೇಳಿದ್ದಾರೆ.

                ಖಾಸಗಿ ಸಂದರ್ಶನದಲ್ಲಿ ಶಶಿ ತರೂರ್ ಮಾತನಾಡುತ್ತಾ, ಭಾರತೀಯ ಮೂಲದ ವ್ಯಕ್ತಿಯೊಬ್ಬ ವಿಶ್ವದ ಅತ್ಯಂತ ಶಕ್ತಿಯುತ ಕಚೇರಿಯನ್ನು ಪ್ರವೇಶಿಸುವುದು ಅಪರೂಪದ ಘಟನೆ.

ಬ್ರಿಟನ್​ನಂತಹ ದೇಶದಲ್ಲಿ ರಿಷಿ ಸುನಕ್ ಪ್ರಧಾನಿಯಾಗಿದ್ದಾರೆ. ಇದನ್ನು ಅಲ್ಲಿಯ ಜನ ಸ್ವೀಕರಿಸಿದ್ದಾರೆ. ಈ ಘಟನೆಯಿಂದ ಭಾರತ ಕಲಿಯುವುದು ಬಹಳಷ್ಟಿದೆ ಎಂದು ಶಶಿ ತರೂರ್ ಅಭಿಪ್ರಾಯ ಪಟ್ಟಿದ್ದಾರೆ.

               ಬ್ರಿಟನ್​ನ ಆರ್ಥಿಕತೆ ಸಮರ್ಥವಾಗಿ ಮುನ್ನಡೆಯುವವರೆಗೂ ರಿಷಿ ಸುನಕ್​ ಅವರನ್ನು ಅಲ್ಲಿನ ಜನರು ಸ್ವೀಕರಿಸುತ್ತಾರೆ. ಮುಖ್ಯವಾಗಿ ಸುನಕ್ ಭಾರತೀಯ ಮೂಲದವರೇ ಆಗಿರಬಹುದು. ಹೀಗಾಗಿ ಭಾರತದತ್ತ ಒಲವು ಇರುವುದು ಸಹಜ. ಆದರೆ ಭಾರತವನ್ನು ಗಮನದಲ್ಲಿಟ್ಟುಕೊಂಡು ಬ್ರಿಟನ್​ನಲ್ಲಿ ಆಡಳಿತ ಮಾಡಲು ಸಾಧ್ಯವಿಲ್ಲ. ಬ್ರಿಟನ್​ನ ಆದ್ಯತೆಗಳಿಗೆ ಅನುಗುಣವಾಗಿ ನೀತಿ, ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕಾಗುತ್ತದೆ ಎಂದು ಶಶಿ ತರೂರ್ ಹೇಳಿದ್ದಾರೆ.