ಆಲಂಪಾಡಿ ಅರಿಯಪಾಡಿಯಲ್ಲಿ ಭತ್ತದ ಕೊಯ್ಲು ಉತ್ಸವ

          ಕಾಸರಗೋಡು: ಚೆಂಗಳ ಪಂಚಾಯತಿ ಅರಿಯಪಾಡಿ ಪಟ್ಲದಲ್ಲಿ ಹಬ್ಬದ ವಾತಾವರಣವಿತ್ತು. ಚೆಂಗಳ ಕೃಷಿ ಭವನ ಅರಿಯಪಾಡಿ ಕೃಷಿ ಸಮಿತಿ(ಪಾಡಶೇಕರ ಸಮಿತಿ) ವತಿಯಿಂದ 15 ಹೆಕ್ಟೇರ್ ಪ್ರದೇಶದಲ್ಲಿ ಬೆಳೆದ ಭತ್ತದ ಕೊಯ್ಲು ಉತ್ಸವ ನಿನ್ನೆ ನಡೆಯಿತು.
   ಕೃಷಿ ಸಮಿತಿ, ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳ ನೇತೃತ್ವದಲ್ಲಿ ಕಟಾವು ಮಾಡಲಾಯಿತು. ಪ್ರಧಾನ ಕೃಷಿ ಅಧಿಕಾರಿ ಆರ್.ವೀಣಾರಾಣಿ ಕಟಾವು ಉದ್ಘಾಟಿಸಿದರು. ಕೃಷಿ ಭವನದ ಮೂಲಕ ಪಡೆದ ಹೆಚ್ಚಿನ ಇಳುವರಿ ನೀಡುವ ಶ್ರೇಯಸ್ ಬೀಜಗಳನ್ನು ಕೃಷಿಗೆ ಬಳಸಲಾಗಿತ್ತು. ಕಳೆದ ಜುಲೈನಲ್ಲಿ ಬೆಳೆ ಹಾಕಲಾಗಿತ್ತು. 130 ದಿನಗಳ ನಂತರ ಕೊಯ್ಲು ಪ್ರಾರಂಭವಾಯಿತು. ಆಧುನಿಕ ಕೊಯ್ಲು ಯಂತ್ರಗಳನ್ನು ಬಳಸಿ ಕೊಯ್ಲು ಮಾಡಲಾಗುತ್ತದೆ.
     ಚೆಂಗಳ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷೆ ಸಫಿಯಾ ಹಾಶಿಂ, ಅಭಿವೃದ್ಧಿ ಸ್ಥಾಯಿ ಸಮಿತಿ ಅಧ್ಯಕ್ಷ ಹಸೈನಾರ್ ಬದ್ರಿಯಾ, ಕೃಷಿ ಸಹಾಯಕ ನಿರ್ದೇಶಕಿ ಅನಿತಾ.ಕೆ.ಮೆನನ್, ಕೃಷಿ ಅಧಿಕಾರಿ ಕೇಜಿಯಾ ಚೆರಿಯನ್, ಕೃಷಿ ಸಹಾಯಕರು, ಪಟಶೇಖರ ಸಮಿತಿ ಸದಸ್ಯರು ಮೊದಲಾದವರು ಭಾಗವಹಿಸಿದ್ದರು.