ತಿರುವನಂತಪುರಂ: ಕೇಂದ್ರ ಮೇಲ್ಮೈ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಅವರು ರಾಜ್ಯದಲ್ಲಿ 40,453 ಕೋಟಿ ರೂಪಾಯಿಗಳ ರಾಷ್ಟ್ರೀಯ ಹೆದ್ದಾರಿ ಯೋಜನೆಗಳನ್ನು ಉದ್ಘಾಟಿಸಿ, ಶಂಕುಸ್ಥಾಪನೆ ಮಾಡಿದರು.
ದೇಶಾದ್ಯಂತ ಎಲೆಕ್ಟ್ರಿಕ್ ವಾಹನಗಳಿಗೆ ಉತ್ತೇಜನ ನೀಡಲಾಗುವುದು ಎಂದರು. ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡುವ ಯೋಜನೆಗಳಿಗೆ ಎಲ್ಲರೂ ಬೆಂಬಲ ನೀಡಬೇಕೆಂದು ಕೇಂದ್ರ ಸಚಿವರು ವಿನಂತಿಸಿದರು.
ಕೇರಳವು ಎಲೆಕ್ಟ್ರಿಕ್ ಕಾರುಗಳು ಮತ್ತು ಬಸ್‍ಗಳನ್ನು ಪ್ರೋತ್ಸಾಹಿಸಬೇಕು. ಭೂಸ್ವಾಧೀನಕ್ಕೆ ಹಣ ನೀಡುವ ವಿಚಾರ ಮುಖ್ಯಮಂತ್ರಿ ಗಮನಕ್ಕೆ ಬಂದಿದೆ. ಈ ನಿಟ್ಟಿನಲ್ಲಿ ಕೇಂದ್ರ ಮತ್ತು ರಾಜ್ಯ ಸಮಾಲೋಚಿಸಿ ಪರಿಹಾರ ಕಂಡುಕೊಳ್ಳಬಹುದು ಎಂದು ನಿತಿನ್ ಗಡ್ಕರಿ ಹೇಳಿದ್ದಾರೆ.
ಅಭಿವೃದ್ಧಿ ವಿಚಾರದಲ್ಲಿ ಜೊತೆಯಾಗಿ ನಿಂತಿರುವ ರಾಜ್ಯಕ್ಕೆ ಧನ್ಯವಾದಗಳು. 2025 ರ ವೇಳೆಗೆ ಕೇರಳದ ರಸ್ತೆಗಳು ಅಮೆರಿಕದ ರಸ್ತೆಗಳಿಗೆ ಸಮನಾಗಿರುತ್ತದೆ ಎಂದು ಘೋಷಿಸಿದರು. ಅಭಿವೃದ್ಧಿ ವಿಚಾರದಲ್ಲಿ ರಾಜ್ಯದ ಚಹರೆಯೇ ಬದಲಾಗಲಿದೆ. ತಿರುವನಂತಪುರಂ ಹೊರ ವರ್ತುಲ ರಸ್ತೆ ಬಹಳ ಮುಖ್ಯ. 2023ರ ಮಾರ್ಚ್‍ಗಿಂತ ಮೊದಲು ಯೋಜನೆಗೆ ಹಣ ನೀಡಲಾಗುವುದು ಎಂದು ಕೇಂದ್ರ ಸಚಿವರು ಭರವಸೆ ನೀಡಿದರು.
ಮೂಲಸೌಕರ್ಯ ಮತ್ತು ಉದ್ಯೋಗಾವಕಾಶಗಳನ್ನು ಹೆಚ್ಚಿಸುವುದು ಕೇಂದ್ರ ಸರ್ಕಾರದ ಕಾರ್ಯಸೂಚಿಯಾಗಿದೆ. ಕೇರಳದ ಮೂಲಕ ಕೈಗಾರಿಕಾ ಕಾರಿಡಾರ್ ಬರುತ್ತಿರುವುದು ತುಂಬಾ ಖುಷಿ ತಂದಿದೆ. ಅರೂರ್ ಹೈವೇ ದೇಶದಲ್ಲೇ ಅತಿ ಉದ್ದವಾಗಿದೆ. ಇದಲ್ಲದೇ ಕೊಚ್ಚಿ-ತುಟಿಕೋರಿನ್ ಕಾರಿಡಾರ್ ಕೂಡ ಅಸ್ತಿತ್ವಕ್ಕೆ ಬರಲಿದೆ. ಮೈಸೂರು-ಮಲಪ್ಪುರಂ ಕಾರಿಡಾರ್ ಮೂರನೇಯದ್ದು ಎಂದೂ ಕೇಂದ್ರ ಸಚಿವರು ಹೇಳಿದರು.
DOCTYPE html>
