ನವದೆಹಲಿ: ಆರ್ಬಿಐ ರೆಪೋ ದರ 35 ಮೂಲಾಂಶದಷ್ಟು ಏರಿಸಿರುವ ಹಿನ್ನೆಲೆಯಲ್ಲಿ ಹಲವು ಬ್ಯಾಂಕ್ಗಳು ಗೃಹ ಸಾಲಗಳ ಬಡ್ಡಿ ದರಗಳನ್ನು ಏರಿಸಿವೆ. ಪಂಜಾಬ್ ನ್ಯಾಷನಲ್ ಬ್ಯಾಂಕ್ (ಪಿಎನ್ಬಿ) ಮತ್ತು ಕೆನರಾ ಬ್ಯಾಂಕ್ ಬಡ್ಡಿ ದರ ಏರಿಸಿವೆ. ಪಿಎನ್ಬಿ ಗೃಹ ಸಾಲ ಬಡ್ಡಿ ದರಗಳನ್ನು 35 ಬಿಪಿಎಸ್ನಷ್ಟು ಹೆಚ್ಚು ಮಾಡಿದೆ.
ಆರ್ಎಲ್ಎಲ್ಆರ್ಅನ್ನು ಹಾಲಿ ಶೇಕಡ 8.40ರಿಂದ ಶೇ. 8.75ಕ್ಕೆ ಬದಲಾಯಿಸಲಾಗಿದೆ ಎಂದು ಬ್ಯಾಂಕ್ ತಿಳಿಸಿದೆ.
ಡಿಸೆಂಬರ್ 8ರಿಂದಲೇ ಇದು ಅನ್ವಯಿಸುತ್ತದೆೆ. ಮನೆ ಸಾಲದ ಬಡ್ಡಿ ಶೇ. 9 ಆಗಲಿದೆ. ಇದಕ್ಕೂ ಮುನ್ನ ಅದು ಶೇ. 8.65 ಆಗಿತ್ತು. ಬಡ್ಡಿ ಪರಿಷ್ಕರಣೆಯಿಂದಾಗಿ ವಾರ್ಷಿಕ ಬಡ್ಡಿ ದರ ಶೇಕಡ 8.55ರಿಂದ ಶೇಕಡ 10.80 ವರೆಗೆ ಆಗಲಿದೆ ಎಂದು ಕೆನರಾ ಬ್ಯಾಂಕ್ ತಿಳಿಸಿದೆ. ಬ್ಯಾಂಕ್ ಆಫ್ ಬರೋಡಾ, ಬ್ಯಾಂಕ್ ಆಫ್ ಇಂಡಿಯಾ ಮತ್ತು ಇಂಡಿಯನ್ ಓವರ್ಸೀಸ್ ಬ್ಯಾಂಕ್ ಸಹಿತ ಹಲವು ಬ್ಯಾಂಕ್ಗಳು ಈಗಾಗಲೇ ಬಡ್ಡಿ ದರ ಏರಿಸಿವೆ.