ಮೃತ ಯೋಧನಿಗೆ ಅಂತಿಮ ನಮನ: ಸಿಆರ್‍ಪಿಎಫ್ ಜವಾನ್ ಎಸ್ ಮೊಹಮ್ಮದ್ ಹಕೀಮ್ ಪತ್ನಿ ಮತ್ತು ಮಗಳಿಂದ ಅಂತಿಮ ನಮನ

               ಪಾಲಕ್ಕಾಡ್; ವೀರ ಮರಣವನ್ನಪ್ಪಿದ ಸಿಆರ್ ಪಿಎಫ್ ಯೋಧ ಎಸ್.ಮಹಮ್ಮದ್ ಹಕೀಮ್ ಅವರಿಗೆ ಅಂತಿಮ ವಿದಾಯ ನೀಡಲಾಯಿತು. ಜುಮಾ ಮಸೀದಿ  ಕಬರ್ ಸ್ತಾನದಲ್ಲಿ  ಅಧಿಕೃತ ಗೌರವಗಳೊಂದಿಗೆ ಅಂತ್ಯಕ್ರಿಯೆ ನಡೆಸಲಾಯಿತು.
            ಪಾಲಕ್ಕಾಡ್‍ನ ಉಮ್ಮಿನಿ ಶಾಲೆಯಲ್ಲಿ ಅವರ ಪಾರ್ಥಿವ ಶರೀರವನ್ನು ಸಾರ್ವಜನಿಕ ದರ್ಶನಕ್ಕೆ ಇರಿಸಿದಾಗ ಅವರ ಪತ್ನಿ ರಮ್ಸೀನಾ ಮತ್ತು ಮಗಳು ಅಫ್ಶಿನ್ ಫಾತಿಮಾ ಅವರು ಹಕೀಮ್‍ಗೆ ಅಂತಿಮ ನಮನ ಸಲ್ಲಿಸಿದರು.
           ಛತ್ತೀಸ್‍ಗಢದ ಸುಕುಮಾದಲ್ಲಿ ನಡೆದ ಎನ್‍ಕೌಂಟರ್ ಮಧ್ಯೆ ನಕ್ಸಲ್ ಗುಂಡೇಟಿಗೆ  ಮೊಹಮ್ಮದ್ ಹಕೀಮ್ ಬಲಿಯಾಗಿದ್ದರು.  ಹಕೀಮ್ ಆರ್‍ಪಿಎಫ್‍ನ ಕಮಾಂಡೋ ಬೆಟಾಲಿಯನ್ ಫಾರ್ ರೆಸಲ್ಯೂಟ್ ಆಕ್ಷನ್ (ಕೋಬ್ರಾ) ನಲ್ಲಿ ಹೆಡ್ ಕಾನ್‍ಸ್ಟೆಬಲ್ ಆಗಿದ್ದರು.
           ಮೃತದೇಹವನ್ನು ಛತ್ತೀಸ್‍ಗಢದಿಂದ ವಿಶೇಷ ಸಿಆರ್‍ಪಿಎಫ್ ವಿಮಾನದಲ್ಲಿ ಕೊಯಮತ್ತೂರು ವಿಮಾನ ನಿಲ್ದಾಣಕ್ಕೆ ತರಲಾಯಿತು ಮತ್ತು ಆಂಬುಲೆನ್ಸ್‍ನಲ್ಲಿ ಮೊನ್ನೆ ಪಾಲಕ್ಕಾಡ್‍ಗೆ ಮನೆಗೆ ತರಲಾಯಿತು. ರಾಜ್ಯ ಸರ್ಕಾರ ಮತ್ತು ಸಿಆರ್‍ಪಿಎಫ್‍ನಿಂದ ಅಧಿಕೃತ ಗೌರವ ವಂದನೆ ನಡೆಯಿತು.