ರಾಜ್ಯದಲ್ಲಿ ಪೋಕ್ಸೋ ಪ್ರಕರಣಗಳಲ್ಲಿ ಭಾರೀ ಏರಿಕೆ; ಕಳೆದ ವರ್ಷ 4215 ಪ್ರಕರಣಗಳು ವರದಿ

             ತಿರುವನಂತಪುರಂ: ರಾಜ್ಯದಲ್ಲಿ ಪೋಕ್ಸೋ ಪ್ರಕರಣಗಳಲ್ಲಿ ಭಾರೀ ಏರಿಕೆಯಾಗಿದೆ. ಕಳೆದ ವರ್ಷ ಕೇರಳದಲ್ಲಿ 4215 ಪ್ರಕರಣಗಳು ವರದಿಯಾಗಿದ್ದವು.
         ತಿರುವನಂತಪುರಂ ಜಿಲ್ಲೆಯಲ್ಲಿ ಹೆಚ್ಚಿನ ಪ್ರಕರಣಗಳು ವರದಿಯಾಗಿದ್ದು, ವಯನಾಡು ಜಿಲ್ಲೆಯಲ್ಲಿ ಕನಿಷ್ಠ ಪ್ರಕರಣಗಳು ವರದಿಯಾಗಿವೆ.
          2018ರ ಪೋಲೀಸ್ ಅಂಕಿ-ಅಂಶಗಳನ್ನು ಗಮನಿಸಿದರೆ, ರಾಜ್ಯದಲ್ಲಿ ಪ್ರತಿ ವರ್ಷ ಕಿರುಕುಳಕ್ಕೆ  ಬಲಿಯಾಗುವ ಮಕ್ಕಳ ಸಂಖ್ಯೆಯಲ್ಲಿ ಭಾರೀ ಏರಿಕೆಯಾಗುತ್ತಿದೆ. ರಾಜ್ಯದಲ್ಲಿ 2018 ರಲ್ಲಿ 3161 ಪ್ರಕರಣಗಳು ವರದಿಯಾಗಿದ್ದು, 2019 ರಲ್ಲಿ 3640 ಪ್ರಕರಣಗಳು ವರದಿಯಾಗಿವೆ. 2020 ರಲ್ಲಿ 3056, 2021 ರಲ್ಲಿ 3559 ಮತ್ತು 2022 ರಲ್ಲಿ 4215 ಪ್ರಕರಣಗಳು ವರದಿಯಾಗಿವೆ.
          ಕಳೆದ ವರ್ಷ ತಿರುವನಂತಪುರಂ ಜಿಲ್ಲೆಯಲ್ಲಿ 530 ಪ್ರಕರಣಗಳು ವರದಿಯಾಗಿದ್ದವು. 508 ಪ್ರಕರಣಗಳೊಂದಿಗೆ ಮಲಪ್ಪುರಂ ಜಿಲ್ಲೆ ಎರಡನೇ ಸ್ಥಾನದಲ್ಲಿದೆ. 413 ಪ್ರಕರಣಗಳೊಂದಿಗೆ ಕೋಝಿಕ್ಕೋಡ್ ಜಿಲ್ಲೆ ಮೂರನೇ ಸ್ಥಾನದಲ್ಲಿದೆ. ವಯನಾಡು ಜಿಲ್ಲೆಯಲ್ಲಿ 168 ಪ್ರಕರಣಗಳು ವರದಿಯಾಗಿವೆ.