ಟ್ರಾವೆಲ್ ಕಾರ್ಡ್ ಪರಿಚಯಿಸಿದ ಕೆ.ಎಸ್.ಆರ್.ಟಿ.ಸಿ: ರಿಚಾರ್ಜ್ ರೂ.50 ರಿಂದ ರೂ.2,000 ರವರೆಗೆ

          ತಿರುವನಂತಪುರಂ: ಟ್ರಾವೆಲ್ ಕಾರ್ಡ್ ಅಭಿಯಾನದೊಂದಿಗೆ ಕೆ.ಎಸ್.ಆರ್.ಟಿ.ಸಿ.ಹೊಸ ಶಕೆಗೆ ನಾಮದಿಹಾಡಿದೆ. ಟ್ರಾವೆಲ್ ಕಾರ್ಡ್‍ಗಳನ್ನು ಪ್ರಚುರಪಡಿಸುವ ಭಾಗವಾಗಿ ತಿರುವನಂತಪುರಂ ಸಿವಿಲ್ ಸ್ಟೇಷನ್‍ನಲ್ಲಿ ಅಭಿಯಾನವನ್ನು ನಡೆಸಲಾಯಿತು.
          ಕೆಎಸ್‍ಆರ್‍ಟಿಸಿ ವಾಣಿಜ್ಯ ವಿಭಾಗದ ನೇತೃತ್ವದಲ್ಲಿ ಸಿವಿಲ್ ಸ್ಟೇಷನ್‍ನಲ್ಲಿ ಅಭಿಯಾನವನ್ನು ಆಯೋಜಿಸಲಾಗಿತ್ತು.ಅಭಿಯಾನದ ಅಂಗವಾಗಿ 200 ಕಾರ್ಡ್‍ಗಳನ್ನು ವಿತರಿಸಲಾಯಿತು. 100 ರೂಪಾಯಿ ಜತೆಗೆ ಹೆಸರು ಮತ್ತು ಮೊಬೈಲ್ ಸಂಖ್ಯೆ ನೀಡಿದರೆ ಟ್ರಾವೆಲ್ ಕಾರ್ಡ್ ಸಿಗುತ್ತದೆ. ಟಿಕೆಟ್‍ಗಳಿಗೆ ಪಾವತಿಸುವ ಬದಲು ಕಾರ್ಡ್‍ಗಳನ್ನು ಬಳಸಬಹುದು. ಕೇವಲ ಟ್ರಾವೆಲ್ ಕಾರ್ಡ್ ಬಳಸಬಹುದಾದ ಫೀಡರ್ ಬಸ್ ಗಳ ವಿತರಣೆಯನ್ನು ಕೆಎಸ್ ಆರ್ ಟಿಸಿ ತೀವ್ರಗೊಳಿಸುತ್ತಿದೆ.
        ರೂ.50 ರಿಂದ ಪ್ರಾರಂಭವಾಗುವ ಪ್ರಯಾಣ ಕಾರ್ಡ್‍ಗಳಲ್ಲಿ ರೀಚಾರ್ಜ್ ಲಭ್ಯವಿದೆ. ಒಂದು ಬಾರಿಗೆ ಗರಿಷ್ಠ 2,000 ರೂ.ಗಳನ್ನು ರೀಚಾರ್ಜ್ ಮಾಡಬಹುದು. ಕಾರ್ಡ್ ಅನ್ನು ಪ್ರಸ್ತುತ ಕೆಎಸ್‍ಆರ್‍ಟಿಸಿಯ ಫೀಡರ್ ಬಸ್, ಸಿಟಿ ಸಕ್ರ್ಯುಲರ್ ಸೇವೆ ಮತ್ತು ಸಿಟಿ ಶಟಲ್ ಸೇವೆಗಳಲ್ಲಿ ಬಳಸಬಹುದು. ಎರಡು ತಿಂಗಳೊಳಗೆ ಎಲ್ಲಾ ಸೇವೆಗಳಲ್ಲಿ ಟ್ರಾವೆಲ್ ಕಾರ್ಡ್‍ಗಳ ಬಳಕೆಯನ್ನು ವಿಸ್ತರಿಸಲು ಆಡಳಿತ ಮಂಡಳಿ ನಿರ್ಧರಿಸಿದೆ. ರೂ 250 ರಿಂದ ರೂ 2,000 ವರೆಗೆ ರೀಚಾರ್ಜ್ ಮಾಡಿ ಮತ್ತು 10 ಶೇ. ಉಚಿತ ಪ್ರಯಾಣವನ್ನು ಪಡೆಯಬಹುದಂತೆ.
         ಪ್ರಯಾಣ ಕಾರ್ಡ್‍ಗಳು ಆರ್.ಎಫ್.ಐ.ಡಿ ತಂತ್ರಜ್ಞಾನವನ್ನು ಆಧರಿಸಿದ ಭದ್ರತಾ ವ್ಯವಸ್ಥೆಗಳೊಂದಿಗೆ ಅಳವಡಿಸಲ್ಪಟ್ಟಿವೆ. ಸ್ಮಾರ್ಟ್ ಕಾರ್ಡ್‍ಗಳನ್ನು ಕೆಎಸ್‍ಆರ್‍ಟಿಸಿ ಬಸ್‍ಗಳ ಕಂಡಕ್ಟರ್‍ಗಳು ರೀಚಾರ್ಜ್ ಮಾಡುತ್ತಾರೆ. ವಿಶೇಷವೆಂದರೆ ಒಮ್ಮೆ ಟ್ರಾವೆಲ್ ಕಾರ್ಡ್ ತೆಗೆದುಕೊಂಡರೆ ಅದನ್ನು ಕುಟುಂಬದ ಎಲ್ಲರೂ ಬಳಸಬಹುದು. ಅಭಿಯಾನದ ಅಂಗವಾಗಿ 200 ಕಾರ್ಡ್‍ಗಳನ್ನು ತರಿಸಲಾಯಿತು.