ಫೆಬ್ರವರಿ 23ರಿಂದ ಮುನ್ನಾಡ್ ಇಎಂಎಸ್ ಅಕ್ಷರ ಗ್ರಾಮದಲ್ಲಿ ಸಮಂ ಸಾಂಸ್ಕøತಿಕೋತ್ಸವ

 


            ಕಾಸರಗೋಡು: ಮಹಿಳಾ ಸಮಾನತೆಗಾಗಿ ಸಾಂಸ್ಕೃತಿಕ ಮುನ್ನಡೆ ಎಂಬ ಸಂದೇಶದೊಂದಿಗೆ ಸಂಸ್ಕೃತಿ ಇಲಾಖೆ, ಕೇರಳ ಭಾಷಾ ಸಂಸ್ಥೆ ಹಾಗೂ ಕಾಸರಗೋಡು ಜಿಲ್ಲಾ ಪಂಚಾಯತ್ ಜಂಟಿಯಾಗಿ ಆಯೋಜಿಸಿರುವ 'ಸಮಂ ಸಂಸ್ಕತಿಕೋತ್ಸವ' ಫೆಬ್ರವರಿ 23ರಿಂದ 26ರ ವರೆಗೆ ಬೇಡಡ್ಕ ಗ್ರಾಮ ಪಂಚಾಯತ್‍ನ ಮುನ್ನಾಡ್ ಪೀಪಲ್ಸ್ ಕಾಲೇಜು ವಠಾರದ ಇಎಂಎಸ್ ಅಕ್ಷರ ಗ್ರಾಮದಲ್ಲಿ ನಡೆಯಲಿದೆ. ಎರಡು ವೇದಿಕೆಗಳಲ್ಲಿ ಮೂರು ದಿನಗಳ ಕಾಲ ದೃಶ್ಯ ವಿಸ್ಮಯ ನಡೆಯಲಿದೆ. ಗಝಲ್, ನಾಟಕ, ಚಿತ್ರಕಲಾವಿದರ ಸಂಗಮ, ಏಕಪಾತ್ರ ಅಭಿನಯ, "ಪಾಟ್ಟುಂ ಚುಟ್ಟುಂ" ಜಾನಪದ ಕಲಾ ಸಂಗಮ, ಗಾನ ಮೇಳ ಹಾಗೂ ಮೆಗಾ ಶೋ ಕಾರ್ಯಕ್ರಮ ನಡೆಯಲಿದೆ. ಕೇರಳದ ಪ್ರಮುಖ ಸಾಂಸ್ಕೃತಿಕ ಪ್ರತಿಭೆಗಳು ಭಾಗವಹಿಸುವ ಕಾರ್ಯಕ್ರಮಗಳು, ವಿವಿಧ ಕ್ಷೇತ್ರಗಳ ಮಹಿಳೆಯರನ್ನು ಸಮಂ ಪ್ರಶಸ್ತಿ ನೀಡಿ ಗೌರವಾರ್ಪಣೆ, ಕವನ ವಾಚನ ಸ್ಪರ್ಧೆ, ಶೈಕ್ಷಣಿಕ ವಿಚಾರ ಸಂಕಿರಣ ಮುಂತಾದವುಗಳು ನಡೆಯಲಿದೆ.
           ಸಮಂ ಸಾಂಸ್ಕೃತಿಕ ಉತ್ಸವದ ಪ್ರಚಾರಾರ್ಥ ಫೆಬ್ರವರಿ 23ರಂದು ಬೆಳಗ್ಗೆ 10:00 ಗಂಟೆಯಿಂದ ಸಂಜೆ 5 ಗಂಟೆಯವರೆಗೆ ಜಿಲ್ಲೆಯ ಪ್ರಮುಖ ಚಿತ್ರಕಲಾವಿದರು ಭಾಗವಹಿಸುವ 'ಗೆರೆಗಳು, ಚುಕ್ಕೆಗಳು ಸಮಂ ಚಿತ್ರ ರಚನೆ' ನಡೆಯಲಿದೆ.
24ರಂದು ಮಧ್ಯಾಹ್ನ 3 ಗಂಟೆಗೆ ಮುನ್ನಾಡ್ ಪೆÇಲೀಸ್ ಠಾಣೆ ಆವರಣದಿಂದ ಸಿಂಗಾರಿ ಮೇಳ, ಒಳಗೊಂಡ ಸಾಂಸ್ಕೃತಿಕ ಮೆರವಣಿಗೆ ನಂತರ ಉದ್ಘಾಟನಾ ಸಮಾರಂಭ ಹಾಗೂ ಸಮಂ ವನಿತಾ ಪುರಸ್ಕಾರ ನಡೆಯಲಿದೆ. 25 ರಂದು ಬೆಳಗ್ಗೆ 10 ಗಂಟೆಗೆ ಪೀಪಲ್ಸ್ ಸಭಾಂಗಣದಲ್ಲಿ ಕವನ ವಾಚನ ಸ್ಪರ್ಧೆ, ಸಂಜೆ 6ರಿಂದ ಜಾನಪದ ಕಲಾ ಸಂಗಮ "ಪಾಟ್ಟುಂ ಚುಟ್ಟುಂ" ಮದರು ಅಮ್ಮ ನಗರದಲ್ಲಿ ನಡೆಯಲಿದೆ.
              ಕುತ್ತಿಕೋಲ್ ದುಡಿ ತಾಳ ಜಾನಪದ ಕಲಾ ಸಂಘದಿಂದ ಮಂಗಳಂಕಳಿ, ಪುಳಿಕ್ಕುನ್ನ್ ಮರುವಮ್ಮ ಕಲಾಸಮಿತಿಯಿಂದ ಎರ್ದುಂಕಳಿ, ನಂದನಂ ಪೆರ್ಲಡ್ಕದವರಿಂದ ಕೋಲ್ಕಳಿ, ಬೇಡಗಂ ವಿನ್ನರ್ಸ್ ವನಿತಾ ಸಂಘದಿಂದ ತಿರುವಾದಿರ, ಕನ್ನಂಗೈ ಯುವಶಕ್ತಿ ವನಿತಾ ಸಂಘದಿಂದ ಅಲಮಿಕಲಿ ಮುಂತಾದ ಜಾನಪದ ಕಲೆಗಳು ಪ್ರದರ್ಶನಗೊಳ್ಳಲಿವೆ. 26ರಂದು ಸಂಜೆ 5.30ಕ್ಕೆ ಸಮಾರೋಪ ಸಮಾರಂಭ ನಡೆಯಲಿದೆ.