ಕೇರಳದಲ್ಲಿ 64,006 ಅತ್ಯಂತ ಬಡ ಕುಟುಂಬಗಳು: ಸಮೀಕ್ಷಾ ವರದಿ

          ತಿರುವನಂತಪುರಂ: ರಾಜ್ಯದಲ್ಲಿ 64,006 ಕುಟುಂಬಗಳು ಕಡು ಬಡತನದಲ್ಲಿವೆ ಎಂದು ಆರ್ಥಿಕ ಪರಿಶೀಲನಾ ವರದಿ ಹೇಳಿದೆ. ಆರೋಗ್ಯ, ಆಹಾರ, ಆದಾಯ ಮತ್ತು ವಸತಿಯಂತಹ ನಾಲ್ಕು ಅಂಶಗಳನ್ನು ಆಧರಿಸಿ ಸಮೀಕ್ಷೆಯಲ್ಲಿ ಇದನ್ನು ಉಲ್ಲೇಖಿಸಲಾಗಿದೆ.
           ಬಜೆಟ್‍ಗೂ ಮುನ್ನ ಸಮೀಕ್ಷೆ ನಡೆಸಲಾಗಿತ್ತು. ಸಮೀಕ್ಷೆಯ ಮೂಲಕ ಗುರುತಿಸಲಾದ ಅತ್ಯಂತ ಬಡ ಕುಟುಂಬಗಳ ಪೈಕಿ ಶೇ.35ರಷ್ಟು ಆದಾಯದ ಕೊರತೆ, ಶೇ.24ರಷ್ಟು ಆರೋಗ್ಯದ ಕೊರತೆ, ಶೇ.21ರಷ್ಟು ಆಹಾರದ ಕೊರತೆ ಮತ್ತು ಶೇ.15ರಷ್ಟು ವಸತಿ ಕೊರತೆಯಿದೆ.
           8553 ಕಡು ಬಡ ಕುಟುಂಬಗಳೊಂದಿಗೆ ಮಲಪ್ಪುರಂ ಈ ವಿಭಾಗದಲ್ಲಿ ಅತಿ ಹೆಚ್ಚು ಸಂಖ್ಯೆಯನ್ನು ಹೊಂದಿರುವ ಜಿಲ್ಲೆಯಾಗಿದೆ. 7278 ಕುಟುಂಬಗಳಿರುವ ತಿರುವನಂತಪುರ ಎರಡನೇ ಸ್ಥಾನದಲ್ಲಿದೆ. 1071 ಕುಟುಂಬಗಳನ್ನು ಹೊಂದಿರುವ ಕೊಟ್ಟಾಯಂ ಅತ್ಯಂತ ಬಡವರ ವಿಷಯದಲ್ಲಿ ಕೊನೆಯ ಸ್ಥಾನದಲ್ಲಿದೆ.
            ಕಡು ಬಡವರಲ್ಲಿ ಶೇ.81ರಷ್ಟು ಗ್ರಾಮ ಪಂಚಾಯಿತಿಗಳಲ್ಲಿ, ಶೇ.15ರಷ್ಟು ಮುನ್ಸಿಪಾಲಿಟಿಗಳಲ್ಲಿ ಮತ್ತು ಶೇ.4ರಷ್ಟು ಮಂದಿ ನಗರಪಾಲಿಕೆಗಳಲ್ಲಿ ವಾಸಿಸುತ್ತಿದ್ದಾರೆ. ಕೇರಳದ ಗ್ರಾಮೀಣ ಪ್ರದೇಶಗಳಲ್ಲಿ ಕಡು ಬಡತನವು ಹೆಚ್ಚು ತೀವ್ರವಾಗಿದೆ ಎಂಬುದನ್ನು ಇದು ಸೂಚಿಸುತ್ತದೆ.
          ಕಡು ಬಡತನ ಸಮೀಕ್ಷೆ ಮೂಲಕ ಗುರುತಿಸಲಾದ 64,006 ಕುಟುಂಬಗಳಲ್ಲಿ ಶೇ.75 ಸಾಮಾನ್ಯ ವರ್ಗ, ಶೇ.20 ಪರಿಶಿಷ್ಟ ಜಾತಿ ವರ್ಗದಲ್ಲಿದ್ದಾರೆ.
           ಕಳೆದ 40 ವರ್ಷಗಳಲ್ಲಿ ಸಂಪೂರ್ಣ ಬಡತನದಲ್ಲಿ ಗಮನಾರ್ಹ ಇಳಿಕೆ ಕಂಡುಬಂದಿದ್ದರೂ, ಆರ್ಥಿಕ ಪರಿಶೀಲನಾ ವರದಿಯ ಪ್ರಕಾರ ರಾಜ್ಯದ ಬಡತನದ ಪ್ರಮಾಣವು ಪ್ರಸ್ತುತ ಶೇ.11.3 ರಷ್ಟಿದೆ.