ಕಾರು ಮಾತ್ರವಲ್ಲ, ಬೈಕ್ ಗಳ ಬೆಲೆ ಏರಿಕೆಯಾಗಲಿದೆ; ವಾಹನ ಖರೀದಿಯ ಮೇಲಿನ ಒಂದು ಬಾರಿ ತೆರಿಗೆ ಇನ್ನು ದ್ವಿಗುಣ

              ತಿರುವನಂತಪುರಂ: ರಾಜ್ಯ ಬಜೆಟ್ ನಲ್ಲಿ ಮೋಟಾರು ವಾಹನ ತೆರಿಗೆ ಹೆಚ್ಚಿಸಲಾಗಿದೆ ಎಂಬ ಘೋಷಣೆ ಹೊರಬಿದ್ದಿದೆ. ದ್ವಿಚಕ್ರ ವಾಹನ ಸೇರಿದಂತೆ ಪೆಟ್ರೋಲ್-ಡೀಸೆಲ್ ಇಂಧನ ವಾಹನಗಳ ಮೇಲಿನ ತೆರಿಗೆಯನ್ನೂ ಹೆಚ್ಚಿಸಲಾಗಿದೆ.
           2 ಲಕ್ಷದವರೆಗಿನ ಹೊಸದಾಗಿ ಖರೀದಿಸಿದ ಮೋಟಾರ್‍ಸೈಕಲ್‍ಗಳ ಮೇಲಿನ ತೆರಿಗೆಯನ್ನು ಶೇಕಡಾ ಎರಡರಷ್ಟು ಹೆಚ್ಚಿಸಲಾಗುವುದು ಎಂದು ಹಣಕಾಸು ಸಚಿವರು ಘೋಷಿಸಿದರು. ತೆರಿಗೆ ಹೆಚ್ಚಳದ ಮೂಲಕ ಸರ್ಕಾರದ ಬೊಕ್ಕಸಕ್ಕೆ ಕೋಟಿಗಟ್ಟಲೆ ಹಣ ಹರಿದು ಬರಲಿದ್ದು, ಇದರಿಂದ ಜನಸಾಮಾನ್ಯರಿಗೆ ಕತ್ತರಿ ಬೀಳಲಿದೆ.
             ದ್ವಿಚಕ್ರ ವಾಹನಗಳಲ್ಲದೆ, ಹೊಸದಾಗಿ ಖರೀದಿಸಿದ ಕಾರುಗಳು ಮತ್ತು ವೈಯಕ್ತಿಕ ಬಳಕೆಗಾಗಿ ಖರೀದಿಸಿದ ಇತರ ವಾಹನಗಳ ಮೇಲಿನ ತೆರಿಗೆಯನ್ನು ಹೆಚ್ಚಿಸಲಾಗಿದೆ. 5 ಲಕ್ಷದವರೆಗಿನ ಬೆಲೆಯ ಕಾರುಗಳ ಮೇಲೆ ಶೇಕಡಾ ಒಂದರಷ್ಟು, 5 ಲಕ್ಷದಿಂದ 15 ಲಕ್ಷದವರೆಗಿನ ಕಾರುಗಳ ಮೇಲೆ ಶೇಕಡಾ ಎರಡು ಮತ್ತು 15 ಲಕ್ಷದಿಂದ 30 ಲಕ್ಷದವರೆಗಿನ ಬೆಲೆಯ ಕಾರುಗಳ ಮೇಲೆ ಶೇಕಡಾ ಒಂದು ತೆರಿಗೆ ಹೆಚ್ಚಳವಾಗಲಿದೆ. ಈ ಮೂಲಕ 340 ಕೋಟಿ ಹೆಚ್ಚುವರಿ ಆದಾಯ ನಿರೀಕ್ಷಿಸಲಾಗಿದೆ.