ಕೊಚ್ಚಿ: ಕೆಲವು ಹಣಕಾಸು ವಿಚಾರಗಳಿಗೆ ಸಂಬಂಧಿಸಿದಂತೆ ಚಲಚಿತ್ರ ನಟ ಮೋಹನ್ ಲಾಲ್ ಅವರಿಂದ ಸ್ಪಷ್ಟನೆ ಕೇಳಿರುವುದಾಗಿ ಆದಾಯ ತೆರಿಗೆ ಇಲಾಖೆಗೆ ಸಂಬಂಧಿಸಿದ ಮೂಲಗಳು ತಿಳಿಸಿವೆ.
ವಿದೇಶಿ ಆಸ್ತಿ ಮತ್ತು ಹಣಕಾಸು ವಹಿವಾಟಿನ ವಿವರ ಕೇಳಲಾಗಿದೆ. ಈ ಸಂಬಂಧ ನಿರ್ಮಾಪಕ ಅಂಥೋನಿ ಪೆರುಂಬವೂರ್ ಹೇಳಿಕೆ ದಾಖಲಿಸಿಕೊಳ್ಳಲಾಗಿದೆ. ಮೋಹನ್ ಲಾಲ್ ಗೆ ಸಂಬಂಧಿಸಿದ ಹಣಕಾಸಿನ ವ್ಯವಹಾರಗಳ ವಿಚಾರಣೆಗಳೂ ನಡೆದಿದ್ದವು ಎನ್ನಲಾಗಿದೆ.
ಎರಡು ತಿಂಗಳ ಹಿಂದೆ ಆದಾಯ ತೆರಿಗೆ ಇಲಾಖೆ ಮಲಯಾಳಂ ಚಿತ್ರರಂಗಕ್ಕೆ ಸಂಬಂಧಿಸಿದ ಪ್ರಮುಖರ ಕಚೇರಿ, ಮನೆಗಳ ಮೇಲೆ ದಾಳಿ ನಡೆಸಿತ್ತು. ಆದಾಯ ತೆರಿಗೆ ಇಲಾಖೆ ಇದರಲ್ಲಿ ಕೆಲವು ವಂಚನೆಯನ್ನು ಕಂಡುಹಿಡಿದಿತ್ತು.
ಒಟಿಟಿ ಮತ್ತು ಸಾಗರೋತ್ತರ ಹಕ್ಕುಗಳ ಹೆಸರಿನಲ್ಲಿ ದೊಡ್ಡ ಪ್ರಮಾಣದ ಕಪ್ಪು ಹಣವನ್ನು ಬಿಳಿ ಮಾಡಿರುವುದು ಆದಾಯ ತೆರಿಗೆ ಇಲಾಖೆಯ ತನಿಖೆಯ ಮೂಲಕ ಕಂಡುಬಂದಿದೆ. ಕತಾರ್, ಒಮಾನ್, ದುಬೈ ಮುಂತಾದ ವಿದೇಶಗಳಲ್ಲಿ ಇದು ನಡೆಯುತ್ತಿದೆ ಎಂದು ಆರೋಪಿಸಲಾಗಿದೆ. ಇದರ ಬೆನ್ನಲ್ಲೇ ಮಲಯಾಳಂ ಚಿತ್ರರಂಗಕ್ಕೆ ಸಂಬಂಧಿಸಿದ ಕೆಲವರ ನಿವೇಶನಗಳ ಮೇಲೆ ಆದಾಯ ತೆರಿಗೆ ಇಲಾಖೆ ದಾಳಿ ನಡೆಸಿತ್ತು.
ನಟ ಮೋಹನ್ ಲಾಲ್ ಅವರಿಂದ ಹೇಳಿಕೆ ದಾಖಲಿಸಿದ ಆದಾಯ ತೆರಿಗೆ ಇಲಾಖೆ
0
February 17, 2023
Tags