ಪಡನ್ನ ಗ್ರಾಮ ಪಂಚಾಯಿತಿಗೆ ಮೂರನೇ ಬಾರಿಗೆ ಮಹಾತ್ಮ ಪ್ರಶಸ್ತಿ

           ಮುಳ್ಳೇರಿಯ: ಉದ್ಯೋಗ ಖಾತ್ರಿ ಯೋಜನೆ ಚಟುವಟಿಕೆಗಳಲ್ಲಿ ಅತ್ಯುತ್ತಮ ಗ್ರಾಮ ಪಂಚಾಯಿತಿ ಎಂಬ ಈ ವರ್ಷದ ಮಹಾತ್ಮ ಪ್ರಶಸ್ತಿ ಪಡನ್ನ ಪಂಚಾಯಿತಿಗೆ ಲಭಿಸಿದೆ. ರೈತರ ಅಭ್ಯುದಯಕ್ಕಾಗಿ 330 ವೈಯಕ್ತಿಕ ಆಸ್ತಿ ಕಾಮಗಾರಿಗಳನ್ನು ಪೂರ್ಣಗೊಳಿಸಲಾಗಿದೆ ಮತ್ತು ಮೇವು ಕೃಷಿ, ಸುಮಾರು 50 ಗೋಶಾಲೆಗಳು, ಕುರಿಗಳ ಸಾಕಾಣೆ, ಕೋಳಿ ಗೂಡುಗಳು, ಅಜೋಲಾ ಟ್ಯಾಂಕ್‍ಗಳು, ನಿರ್ಮಾಣ ಇತ್ಯಾದಿಗಳು ಮತ್ತು ಸುಮಾರು 30 ರಸ್ತೆ ಮತ್ತು ಒಳಚರಂಡಿ ನಿರ್ಮಾಣ ಕಾಮಗಾರಿಗಳು ಮತ್ತು ತೆಂಗಿನಸಿಪ್ಪೆ ಹೊದಿಕೆ ಯೋಜನೆಯ ಮೂಲಕ ಪಡನ್ನ ಗಮನ ಸೆಳೆದಿದೆ. ಪಂಚಾಯತಿ ವ್ಯಾಪ್ತಿಯ 1100 ಕಾರ್ಮಿಕರಿಗೆ 100 ಕೆಲಸದ ದಿನಗಳನ್ನು ಸಮರ್ಥವಾಗಿ ನೀಡುವಲ್ಲಿ ಪಡನ್ನ ಪಂಚಾಯತಿ ಯಶಸ್ವಿಯಾಗಿದೆ. ಮತ್ತು ಸರಾಸರಿ ಕೆಲಸದ ದಿನಗಳು 81 ದಿನಗಳು ಮತ್ತು ಹಿಂದಿನ ವರ್ಷಕ್ಕಿಂತ ಐವತ್ತು ಸಾವಿರ ಕೆಲಸದ ದಿನಗಳು ಹೆಚ್ಚು.
          ಮಹಾತ್ಮಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯು ಈ ಹಿಂದೆ 2015 ಮತ್ತು 2016 ರ ಆರ್ಥಿಕ ವರ್ಷದಲ್ಲಿ ಉದ್ಯೋಗದಲ್ಲಿ ನಿರಂತರ ಸಾಧನೆಗಾಗಿ ಜಿಲ್ಲೆಯಲ್ಲಿ ಎರಡನೇ ಸ್ಥಾನವನ್ನು ಪಡೆದಿತ್ತು. 18 ಮತ್ತು 19ರಂದು ತ್ರಿತಲದಲ್ಲಿ  ನಡೆಯುವ ಪಂಚಾಯಿತಿ ದಿನಾಚರಣೆ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ವಿತರಿಸಲಾಗುವುದು.
         2021-22ನೇ ಹಣಕಾಸು ವರ್ಷದಲ್ಲಿ ನಡೆಸಿದ ಪ್ರತ್ಯೇಕ ಚಟುವಟಿಕೆಗಳೇ ಜಿಲ್ಲೆಯಲ್ಲಿ ಪ್ರಥಮ ಸ್ಥಾನ ಪಡೆದು ಮಹಾತ್ಮ ಪ್ರಶಸ್ತಿಗೆ ಭಾಜನವಾಗಿವೆ. ಪಂಚಾಯಿತಿ ಅಧ್ಯಕ್ಷ ಪಿ.ವಿ.ಮುಹಮ್ಮದ್ ಅಸ್ಲಂ ಮಾತನಾಡಿ, ವ್ಯವಸ್ಥಾಪನಾ ಸಮಿತಿ, ನೌಕರರ, ಸಾರ್ವಜನಿಕರ,  ಕಾರ್ಮಿಕರ ಸಾಮೂಹಿಕ ಶ್ರಮದ ಫಲವಾಗಿ ಈ ಮನ್ನಣೆ ಲಭಿಸಿದ್ದು, ಇದರ ಹಿಂದೆ ದುಡಿದ ಎಲ್ಲರಿಗೂ ಅಭಿನಂದನೆಗಳು ಎಂದಿದ್ದಾರೆ.
       ಮಡಿಕೈ ಗ್ರಾಮ ಪಂಚಾಯಿತಿಯು ಆಸ್ತಿ ಅಭಿವೃದ್ಧಿ ಮತ್ತು ಕೃಷಿ ಕ್ಷೇತ್ರದಲ್ಲಿ ಉದ್ಯೋಗ ಖಾತ್ರಿ ಯೋಜನೆಯನ್ನು ಪರಿಣಾಮಕಾರಿಯಾಗಿ ಬಳಸಿಕೊಂಡಿದೆ. ಗೋಶಾಲೆ, ಕುರಿಗಳ ಗೂಡು, ಕೋಳಿ ಗೂಡು, ರಸ್ತೆ ನಿರ್ಮಾಣ ಚಟುವಟಿಕೆಗಳು ಗಮನ ಸೆಳೆದವು. ಎಸ್.ಪ್ರೀತಾ ನೇತೃತ್ವದ ಆಡಳಿತ ಸಮಿತಿಯ ನೇತೃತ್ವದಲ್ಲಿ ಮಡಿಕೈ ಗ್ರಾಮ ಮಂಚಾಯ್ತಿ ಕಾರ್ಯ ನಿರ್ವಹಿಸುತ್ತಿದೆ. ಮಡಿಕೈ ಗ್ರಾಮ ಪಂಚಾಯತ್‍ನಲ್ಲಿ ಮಹಾತ್ಮಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯು 2021-22ನೇ ಹಣಕಾಸು ವರ್ಷದಲ್ಲಿ 228065 ಉದ್ಯೋಗ ದಿನಗಳನ್ನು ಸೃಷ್ಟಿಸಿದೆ ಮತ್ತು ತ್ಯಾಜ್ಯ ನಿರ್ವಹಣೆ, ರಸ್ತೆ ನಿರ್ಮಾಣ, ಒಳಚರಂಡಿ ಭಾಗವಾಗಿ 1630 ಕುಟುಂಬಗಳಿಗೆ 100 ಉದ್ಯೋಗ ದಿನಗಳು, ವೈಯಕ್ತಿಕ ಆಸ್ತಿ, ಸಾಕ್‍ಪಿಟ್, ಕಾಂಪೆÇೀಸ್ಟ್ ಪಿಟ್, ಕಾಲುದಾರಿ, ಶಾಲೆಗಳಲ್ಲಿ ಕ್ಯಾಂಟೀನ್‍ಗಳು, ತೊರೆಗಳ ರಕ್ಷಣೆಗೆ ಹಗ್ಗದ ಹೊದಿಕೆ ಮೊದಲಾದ ಕಾಮಗಾರಿ ನಡೆಸಲಾಗಿದೆ. ವನ ಅಭಿವೃದ್ದಿ ಯೋಜನೆ ಅಂಗವಾಗಿ ನರ್ಸರಿ, ಬಿದಿರು ತೋಟದಂತಹ ಚಟುವಟಿಕೆಗಳ ಮೂಲಕ 10 ಕೋಟಿ 65 ಲಕ್ಷ ರೂಪಾಯಿಗಳನ್ನು ಖರ್ಚು ಮಾಡಿ ಅತ್ಯುತ್ತಮ ಗ್ರಾಮ ಮಹಾತ್ಮ ಪ್ರಶಸ್ತಿಗೆ ಜಿಲ್ಲೆಗೆ ಎರಡನೇ ಸ್ಥಾನ ಪಡೆದಿದೆ.