ಸಹಪಾಠಿಯ ಮನೆ ಜಪ್ತಿ ತಪ್ಪಿಸಿದ ವಿದ್ಯಾರ್ಥಿಗಳು: ಎರಡು ಲಕ್ಷ ಸಂಗ್ರಹಿಸಿ ನೆರವಾದ ವಿದ್ಯಾರ್ಥಿಗಳ ತಂಡ

            ತ್ರಿಶೂರ್: ಎನ್ ಎಸ್ ಎಸ್ ಸ್ವಯಂಸೇವಕ ವಿದ್ಯಾರ್ಥಿಗಳು ತಮ್ಮ ಸಹಪಾಠಿಯ ಮನೆ ಜಪ್ತಿ ತಪ್ಪಿಸಲು ಕೈ ಜೋಡಿಸಿ ಗಮನ ಸೆಳೆದರು.
          ನಾಥಿಕಾ ಎಸ್.ಎನ್.ಟ್ರಸ್ಟ್ ಹೈಯರ್ ಸೆಕೆಂಡರಿ ಶಾಲೆಯು ಲಾಟರಿ ಮಾರಾಟ, ಬಿರಿಯಾನಿ ಚಾಲೆಂಜ್ ಮತ್ತು ಸಾಬೂನು ಮಾರಾಟದಿಂದ 3 ತಿಂಗಳಲ್ಲಿ 2 ಲಕ್ಷ ರೂಪಾಯಿಗಳಿಗಿಂತ ಹೆಚ್ಚು ಸಾಲವನ್ನು ನಿವಾರಿಸಿ ಮತ್ತು ಮನೆಯ ಮೂಲ ದಾಖಲೆ  ಮರುಪಡೆಯುವ ಮೂಲಕ ನೀಡಿದ ಒಳ್ಳೆಯತನ ಮತ್ತು ಕಾಳಜಿಯ ಕಿರುನೋಟವನ್ನು ಪ್ರದರ್ಶಿಸಿತು.
            ಡಿಸೆಂಬರ್‍ನಲ್ಲಿ ಸಾಲ ಮರುಪಾವತಿ ಮಾಡದ ಹಿನ್ನೆಲೆಯಲ್ಲಿ ಶಾಲೆಯ 10ನೇ ತರಗತಿ ವಿದ್ಯಾರ್ಥಿಯ ಕುಟುಂಬಕ್ಕೆ ಚಾವಕ್ಕಾಡ್ ಪ್ರಾಥಮಿಕ ಗ್ರಾಮ ವಿಕಾಸ ಬ್ಯಾಂಕ್‍ನ ತ್ರಿಪ್ರಯಾರ್ ಶಾಖೆಯಿಂದ ಜಪ್ತಿ ನೋಟಿಸ್ ಬಂದಿತ್ತು. ಹೊಣೆಗಾರಿಕೆ 2,20,000 ರೂ. ಪಾವತಿಸಬೇಕಿತ್ತು. ಜಪ್ತಿ ನೋಟಿಸ್ ಬಂದ ನಂತರ ಆರ್ಥಿಕ ಸಂಕಷ್ಟದಲ್ಲಿರುವ ಕುಟುಂಬ ಸಂಕಷ್ಟಕ್ಕೆ ಸಿಲುಕಿತ್ತು.
             ಒಟ್ಟು 5 ಸೆಂಟ್ಸ್ ಜಮೀನಿನಲ್ಲಿ ಇವರ ಮನೆ ದುಸ್ಥಿತಿಯಲ್ಲಿದೆ. ವಿದ್ಯಾರ್ಥಿನಿಯರ ಸಮಸ್ಯೆಗಳನ್ನು ಅರ್ಥಮಾಡಿಕೊಂಡ ಶಾಲೆಯ ಎನ್‍ಎಸ್‍ಎಸ್ ಕಾರ್ಯಕ್ರಮ ಸಂಯೋಜಕಿ ಶಲಭಾ ಜ್ಯೋತಿಶ್ ಮತ್ತು ಸುಮಾರು 100 ಎನ್‍ಎಸ್‍ಎಸ್ ಸ್ವಯಂಸೇವಕರು ಜಪ್ತಿ ತಪ್ಪಿಸಲು ಮೊತ್ತ ಸಂಗ್ರಹಿಸಲು ಮುಂದಾದರು.
           ವಿದ್ಯಾರ್ಥಿಗಳು ಲಾಟರಿ ಖರೀದಿಸಿ ಸ್ಥಳೀಯ ಪರಿಚಯಸ್ಥರಿಗೆ ಮಾರಿದರು.  ಬಿರಿಯಾನಿ ಚಾಲೆಂಜ್ ಮಾಡಿ ಹಣ ಕೂಡ ಸಂಗ್ರಹಿಸಿದ್ದರು. ಹಲವೆಡೆ ಡಿಶ್ ವಾಶ್, ಹ್ಯಾಂಡ್ ವಾಶ್, ಪ್ಲೋರ್ ಕ್ಲೀನರ್ ಇತ್ಯಾದಿಗಳನ್ನೂ ಮಾರಾಟ ಮಾಡಲಾಗಿತ್ತು. ಅವರ 3 ತಿಂಗಳ ಪರಿಶ್ರಮ ಮೊನ್ನೆ ಸಫಲತೆಯೊಂದಿಗೆ ಕೊನೆಗೊಂಡಿದೆ. ಶಲಭಾ ಜ್ಯೋತಿಶ್ ಅವರು ಬ್ಯಾಂಕ್ ಬಾಕಿ ಪಾವತಿಸಿದ ನಂತರ ಮನೆಯ ಮೂಲ ದಾಖಲೆಯನ್ನು ಮರಳಿ ಪಡೆದರು. ಕೂಡಲೇ ಶಾಲೆಯಲ್ಲಿ ನಡೆಯುವ ಸಮಾರಂಭದಲ್ಲಿ ವಿದ್ಯಾರ್ಥಿಯ ಕುಟುಂಬಕ್ಕೆ ದಾಖಲೆ  ಹಸ್ತಾಂತರಿಸಲಾಗುವುದು.