ಆಹಾರ ಸಂಸ್ಕರಣೆ ಕ್ಷೇತ್ರದಲ್ಲಿ ರೈತರ ಹಕ್ಕುಗಳನ್ನು ಖಾತ್ರಿಪಡಿಸಲಾಗುವುದು: ಕೇಂದ್ರ ಸಚಿವ ಪ್ರಹ್ಲಾದ್ ಸಿಂಗ್ ಪಟೇಲ್

              ತಿರುವನಂತಪುರ: ದೇಶದ ಆಹಾರ ಸಂಸ್ಕರಣಾ ವಲಯವನ್ನು ಆಧುನೀಕರಣಗೊಳಿಸುವುದರ ಜತೆಗೆ ರೈತರ ಹಕ್ಕುಗಳನ್ನು ಖಾತ್ರಿಪಡಿಸಲಾಗುವುದು ಎಂದು ಕೇಂದ್ರ ಆಹಾರ ಸಂಸ್ಕರಣಾ, ಜಲಶಕ್ತಿ ಜಂಟಿ ಸಚಿವ ಪ್ರಹ್ಲಾದ್ ಸಿಂಗ್ ಪಟೇಲ್ ಹೇಳಿದ್ದಾರೆ.
              ಅವರು ತಿರುವನಂತಪುರಂನ ಪಪ್ಪನಂಕೋಟೆಯ CSIR NIIST ಗೆ ನಿನ್ನೆ ಭೇಟಿ ನೀಡಿ ಮಾತನಾಡಿದರು.
          ಕೇಂದ್ರದ ರಾಜ್ಯ ಸಚಿವರು NIIST ನ ಚಟುವಟಿಕೆಗಳನ್ನು ಮೌಲ್ಯಮಾಪನ ಮಾಡಿದರು. ಅವರು ವಿವಿಧ ಯೋಜನೆಗಳ ಪ್ರಗತಿಯ ಪ್ರಸ್ತುತಿಯನ್ನು ವೀಕ್ಷಿಸಿದರು.
         ಪ್ರಹ್ಲಾದ್ ಸಿಂಗ್ ಪಟೇಲ್ ಅವರು NIIST ಕ್ಯಾಂಪಸ್‍ನಲ್ಲಿ ಸಸಿ ನೆಟ್ಟರು. ಅವರು NIIST ನಲ್ಲಿ ವಿವಿಧ ಪ್ರಯೋಗಾಲಯಗಳಿಗೆ ಭೇಟಿ ನೀಡಿದರು. ಅಲ್ಲಿ ಅಭಿವೃದ್ಧಿಪಡಿಸಲಾದ ಪರಿಸರ ಸ್ನೇಹಿ ಉತ್ಪನ್ನಗಳ ಬಗ್ಗೆ ಅಧಿಕಾರಿಗಳು ಪ್ರಹ್ಲಾದ್ ಸಿಂಗ್ ಪಟೇಲ್ ಅವರಿಗೆ ವಿವರಿಸಿದರು. ಕೇಂದ್ರ ವಿದೇಶಾಂಗ ಮತ್ತು ಸಂಸದೀಯ ವ್ಯವಹಾರಗಳ ರಾಜ್ಯ ಸಚಿವ ವಿ. ಮುರಳೀಧರನ್ ಅವರನ್ನು ಭೇಟಿ ಮಾಡಿ ಯೋಗಕ್ಷೇಮ ತಿಳಿಸಿದರು.