ನವದೆಹಲಿ (PTI): ಸಿಬಿಐ ತನಿಖೆ ನಡೆಸಿರುವ ಪ್ರಕರಣಗಳಲ್ಲಿ, ಶಿಕ್ಷೆಯ ಪ್ರಮಾಣ 2022ರಲ್ಲಿ ಶೇ 74.59ಕ್ಕೆ ಏರಿಕೆಯಾಗಿತ್ತು. ಈ ಪ್ರಮಾಣ 2018ರಲ್ಲಿ ಶೇ 68ರಷ್ಟು ಇತ್ತು ಎಂದು ಕೇಂದ್ರ ಸರ್ಕಾರ ಗುರುವಾರ ತಿಳಿಸಿದೆ.
ಕೇಂದ್ರ ಸಿಬ್ಬಂದಿ ಖಾತೆ ರಾಜ್ಯ ಸಚಿವ ಜಿತೇಂದ್ರ ಸಿಂಗ್ ಅವರು ರಾಜ್ಯಸಭೆಯಲ್ಲಿ ಈ ಕುರಿತು ಲಿಖಿತ ಉತ್ತರ ನೀಡಿದ್ದಾರೆ.
ಶಿಕ್ಷೆ ಪ್ರಮಾಣ 2019ರಲ್ಲಿ ಶೇ 69.19, 2020ರಲ್ಲಿ ಶೇ 69.83 ಹಾಗೂ 2021ರಲ್ಲಿ ಶೇ 67.56ರಷ್ಟಿತ್ತು ಎಂದು ಅವರು ಸದನಕ್ಕೆ ತಿಳಿಸಿದರು.
ಸಿಬಿಐನ ಉಪನಿರ್ದೇಶನಾಲಯಗಳು ದೆಹಲಿ, ಮುಂಬೈ, ಕೋಲ್ಕತ್ತ ಹಾಗೂ ಚೆನ್ನೈ ನಗರಗಳಲ್ಲಿ ಇವೆ. ಈ ಕಚೇರಿಗಳು ವಿಚಾರಣಾ ಕೋರ್ಟ್ ಅಥವಾ ಹೈಕೋರ್ಟ್
ಗಳಲ್ಲಿ ನಡೆಯುವ ಪ್ರಕರಣಗಳ ವಿಚಾರಣೆ, ಮೇಲ್ಮನವಿ ಅಥವಾ ಮರುಪರಿಶೀಲನಾ ಅರ್ಜಿಗಳಿಗೆ ಸಂಬಂಧಿಸಿ ಮೇಲ್ವಿಚಾರಣೆ ನಡೆಸುತ್ತವೆ ಎಂದೂ ತಿಳಿಸಿದರು.