ನವದೆಹಲಿ: ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ವಿಚಾರದಲ್ಲಿ ಐತಿಹಾಸಿಕ ಎನ್ನುವಂಥ ದಾಖಲೆ ಆಗಿದ್ದು, ಜಿಎಸ್ಟಿ ಆರಂಭವಾದ ಬಳಿಕ ಇದೇ ಮೊದಲ ಸಲ ಮಾಸಿಕವಾಗಿ ಅತ್ಯಧಿಕ ತೆರಿಗೆ ಸಂಗ್ರಹವಾಗಿದೆ. ಇಂಥದ್ದೊಂದು ಹೆಗ್ಗಳಿಕೆಗೆ ಈ ವರ್ಷದ ಏಪ್ರಿಲ್ ಪಾತ್ರವಾಗಿದೆ.
ಈ ವರ್ಷದ ಏಪ್ರಿಲ್ನಲ್ಲಿ 1.87 ಲಕ್ಷ ಕೋಟಿ ಜಿಎಸ್ಟಿ ಸಂಗ್ರಹಗೊಂಡಿದ್ದು, ಇದು ಜಿಎಸ್ಟಿ ಆರಂಭವಾದ ಬಳಿಕ ಮಾಸಿಕವಾಗಿ ಸಂಗ್ರಹವಾದ ತೆರಿಗೆ ಪೈಕಿ ಅತ್ಯಧಿಕ ಮೊತ್ತವಾಗಿದೆ. ಕಳೆದ ವರ್ಷದ ಏಪ್ರಿಲ್ಗೆ ಹೋಲಿಸಿದರೆ ಪ್ರಸಕ್ತ ಏಪ್ರಿಲ್ನಲ್ಲಿ ಜಿಎಸ್ಟಿ ಸಂಗ್ರಹದಲ್ಲಿ ಶೇ. 12 ಏರಿಕೆ ಆಗಿದೆ.
ಈ ವರ್ಷದ ಏಪ್ರಿಲ್ನಲ್ಲಿ 1,87,035 ಕೋಟಿ ರೂ. ಜಿಎಸ್ಟಿ ಸಂಗ್ರಹವಾಗಿದ್ದು, ಆ ಪೈಕಿ ಸಿಜಿಎಸ್ಟಿ 38,440 ಕೋಟಿ, ಎಸ್ಜಿಎಸ್ಟಿ 47,412 ಕೋಟಿ ರೂ. ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ. ಕಳೆದ ವರ್ಷದ ಏಪ್ರಿಲ್ನಲ್ಲಿ 1.68 ಲಕ್ಷ ಕೋಟಿ ರೂ. ಜಿಎಸ್ಟಿ ಸಂಗ್ರಹವಾಗಿತ್ತು.
DOCTYPE html>
