ಎರ್ನಾಕುಳಂ: ಹಿರಿಯ ಪೊಲೀಸ್ ಅಧಿಕಾರಿಗಳ ಮಕ್ಕಳು ಮಾದಕ ವಸ್ತುಗಳ ಸೇವನೆಯ ಕೊಂಡಿಗಳಾಗಿದ್ದಾರೆ ಎಂದು ಕೊಚ್ಚಿ ನಗರ ಪೊಲೀಸ್ ಆಯುಕ್ತ ಕೆ.ಸೇತುರಾಮನ್ ಹೇಳಿದ್ದಾರೆ.
ಎಲ್ಲಾ ಮಟ್ಟದ ಪೊಲೀಸ್ ಅಧಿಕಾರಿಗಳ ಮಕ್ಕಳು ಡ್ರಗ್ಸ್ ಬಳಸುತ್ತಾರೆ ಎಂದರು. ಇದರಲ್ಲಿ ರಾಜ್ಯದ ಎಸ್ಪಿಯ ಇಬ್ಬರು ಪುತ್ರರೂ ಸೇರಿದ್ದಾರೆ. ಅಧಿಕಾರಿಗಳು ಸಮಸ್ಯೆ ಬಗೆಹರಿಸಬೇಕು ಎಂದು ಹೇಳಿದರು. ಪೊಲೀಸ್ ಅಸೋಸಿಯೇಶನ್ ರಾಜ್ಯ ಸಮ್ಮೇಳನದಲ್ಲಿ ಕಮಿಷನರ್ ಈ ವಿಷಯ ತಿಳಿಸಿದರು. ಕೇರಳದಲ್ಲಿ ಗಾಂಜಾ ಮತ್ತು ಎಂಡಿಎಎ ಬಳಕೆ ಹೆಚ್ಚುತ್ತಿದೆ. ಮಾದಕ ವಸ್ತುಗಳ ವಿರುದ್ಧ ಪ್ರಬಲವಾದ ಪ್ರತಿತಂತ್ರಕ್ಕೆ ಅವರು ಕರೆ ನೀಡಿದರು. ಸಿನಿಮಾ ತಾರೆಯರಲ್ಲಿ ಹೆಚ್ಚಿದ ಡ್ರಗ್ಸ್ ಸೇವನೆ ಬಗ್ಗೆ ಈಗಾಗಲೇ ಅರಿವಿದೆ ಎಂದರು. ಆದರೆ ಈ ವಿಷಯದಲ್ಲಿ ಮಿತಿ ಏನೆಂದರೆ, ಅವರು ಡ್ರಗ್ಸ್ ಹೊಂದಿರುವಾಗ ಅಥವಾ ಬಳಸಿದಾಗ ಮಾತ್ರ ಅವರನ್ನು ಹಿಡಿಯಬಹುದು. ಸಹಾಯಕರು ಅವರಿಗೆ ಡ್ರಗ್ಸ್ ಗಳನ್ನು ತಲುಪಿಸುತ್ತಾರೆ. ಪೊಲೀಸರು ಈ ಸ್ಟಾರ್ಗಳ ಬೆನ್ನತ್ತಿದ್ದು, ಅವರನ್ನು ಬಂಧಿಸಲಾಗುವುದು ಎಂದು ಆಯುಕ್ತರು ಹೇಳಿದರು.
ಡ್ರಗ್ಸ್ ಎಲ್ಲಿ ಬಳಸಿದರೂ ಅದು ಅಪರಾಧವೇ. ಹಾಗಾಗಿ ಸಿನಿಮಾ ಸೆಟ್ ಪರಿಶೀಲಿಸಲು ಯಾವುದೇ ತೊಂದರೆ ಇಲ್ಲ. ಕೇರಳದ ಜಗತ್ಪ್ರಸಿದ್ಧ ಕಲಾವಿದರು ಯಾರೂ ಮಾದಕ ದ್ರವ್ಯ ಸೇವಿಸಿ ಸ್ಟಾರ್ಗಳಾಗಲಿಲ್ಲ ಮತ್ತು ಅವರಲ್ಲಿ ಅನೇಕರು ಸ್ವತಃ ಈ ಪಿಡುಗಿನ ವಿರುದ್ದ ಪೊಲೀಸರಿಗೆ ಸಹಾಯ ಮಾಡುತ್ತಾರೆ ಎಂದು ಹೇಳಿದರು.