ಮಲಪ್ಪುರಂನ ತಾನೂರಿನಲ್ಲಿ ದೋಣಿ ಮಗುಚಿ 18 ಮಂದಿ ಸಾವು

              ಮಲಪ್ಪುರಂ: ತಾನೂರ್ ಅಕ್ಟೋಂಬರ ಬೀಚ್ ನಲ್ಲಿ ಹೌಸ್ ಬೋಟ್ ಮಗುಚಿ ಅವಘಡ ಸಂಭವಿಸಿದೆ. 18 ಮಂದಿ ಸಾವನ್ನಪ್ಪಿದ್ದಾರೆ. ಆರು ಮಂದಿಯನ್ನು ರಕ್ಷಿಸಲಾಗಿದೆ ಎಂದೂ ವರದಿಯಾಗಿದೆ.

              ಮೋಜಿನ ಯಾತ್ರೆಯ ವೇಳೆ ಈ ಅವಘಡ ಸಂಭವಿಸಿದೆ. ಮೃತರಲ್ಲಿ ಓರ್ವ ಮಹಿಳೆ ಮತ್ತು ಮಗು ಸೇರಿದ್ದಾರೆ. ಸ್ಥಳೀಯ ನಿವಾಸಿಗಳ ಪ್ರಕಾರ, ದೋಣಿಯಲ್ಲಿ ಮಕ್ಕಳು ಮತ್ತು ವಯಸ್ಕರು ಸೇರಿದಂತೆ 35 ಜನರು ಇದ್ದರು. ಸೇವೆಯಲ್ಲಿದ್ದ ಅತಿದೊಡ್ಡ ದೋಣಿ ಅವಘಡಕ್ಕೀಡಾಗಿದೆ. 

            ದೋಣಿಯಲ್ಲಿ ಪ್ರಯಾಣಿಸಲು ಸಾಧ್ಯವಿರುವುದಕ್ಕಿಂತ ಹೆಚ್ಚಿನ ಪ್ರಯಾಣಿಕರು ಇದ್ದದ್ದು ಅಪಘಾತಕ್ಕೆ ಕಾರಣ ಎಂದು ಸೂಚಿಸಲಾಗಿದೆ. ಘಟನಾ ಸ್ಥಳದಲ್ಲಿ ರಕ್ಷಣಾ ಕಾರ್ಯಾಚರಣೆ ಮುಂದುವರಿದಿದೆ. ಆದರೆ ಬೆಳಕಿನ ಕೊರತೆ ರಕ್ಷಣಾ ಕಾರ್ಯಾಚರಣೆಗೆ ಸವಾಲಾಗಿ ಪರಿಣಮಿಸುತ್ತಿದೆ.