ಬಹುನಿರೀಕ್ಷಿತ 'ಚಾಟ್​ಲಾಕ್' ಫೀಚರ್​​ನ್ನು ಪರಿಚಯಿಸಿದ ವ್ಯಾಟ್ಸ್‌ಆಯಪ್

                 ದೆಹಲಿ: ಜಗತ್ತಿನಾದ್ಯಂತ ಸಾವಿರಾರು ಮಿಲಿಯನ್​ ಬಳಕೆದಾರರನ್ನು ಹೊಂದಿರುವ ಮೆಟಾ ಒಡೆತನದ ವ್ಯಾಟ್ಸ್​ಆಯಪ್ ಕಂಪನಿಯು ತನ್ನ ಬಳಕೆದಾರರಿಗೆ ಹೊಸ ಹೊಸ ಪೀಚರ್​​ಗಳನ್ನು ನೀಡುತ್ತಲೇ ಬಂದಿದೆ. ಸದ್ಯ, ಖಾಸಗಿತನ ಮತ್ತು ಗೌಪ್ಯತೆಯನ್ನು ಗಮನದಲ್ಲಿಟ್ಟುಕೊಂಡು 'ವ್ಯಾಟ್ಸ್​​ಆಯಪ್ ಚಾಟ್​​ಲಾಕ್' ಎಂಬ ಫೀಚರ್​ನ್ನು ನೀಡಿದೆ.

                ಈ ಹೊಸ ಫೀಚರ್​​ ಪ್ರಕಾರ, ಜನರು ತಮ್ಮ ಖಾಸಗಿ ಚಾಟ್‌ಗಳನ್ನು ಸಂರಕ್ಷಿಸಿಕೊಳ್ಳಬಹುದಾಗಿದ್ದು, ತಮಗೆ ಬೇಕಾದ ಚಾಟ್​ಗಳನ್ನು ಮಾತ್ರ ಲಾಕ್​ ಮತ್ತು ಹೈಡ್​ ಮಾಡಬಹುದಾಗಿದೆ. ಹೀಗೆ ಲಾಕ್​ ಅಥವಾ ಹೈಡ್​ ಮಾಡಿದ ಚಾಟ್​​ನ್ನು ಫಿಂಗರ್‌ಪ್ರಿಂಟ್ ಅಥವಾ ಪಾಸ್‌ಕೋಡ್​ನ ಮೂಲಕ ತೆರೆಯಲು ಸಾಧ್ಯವಾಗುತ್ತದೆ.

                  ಹಾಗಾಗಿ ಇದನ್ನು ಬೇರೆ ಯಾರೂ ಸಹ ವೀಕ್ಷಣೆ ಮಾಡಲು ಸಾಧ್ಯವಾಗುವುದಿಲ್ಲ. ಈ ಫೀಚರ್​ ಜತೆ​ ಖಾಸಗಿತನ ರಕ್ಷಿಸುವ ಸಲುವಾಗಿ ಆರ್ಕೈವ್ ಚಾಟ್‌ಗಳು, ಎಂಡ್-ಟು-ಎಂಡ್ ಎನ್‌ಕ್ರಿಪ್ಶನ್, ಎನ್‌ಕ್ರಿಪ್ಟ್ ಬ್ಯಾಕಪ್, ಕಣ್ಮರೆಯಾಗುತ್ತಿರುವ ಸಂದೇಶಗಳು(Disappearing messges), ಸ್ಕ್ರೀನ್‌ಶಾಟ್ ನಿರ್ಬಂಧಿಸುವಿಕೆ ಇತರ ವೈಶಿಷ್ಟ್ಯಗಳನ್ನು ವ್ಯಾಟ್ಸ್​​ಆಯಪ್ ಕಂಪನಿಯು ತನ್ನ ಬಳಕೆದಾರರಿಗೆ ನೀಡಿದೆ.