ಕೊಚ್ಚಿ: ವರದಿಗಳ ಪ್ರಕಾರ, ರಾಜ್ಯಾದ್ಯಂತ ಯೂಟ್ಯೂಬರ್‍ಗಳ ಮನೆಗಳ ಮೇಲೆ ನಡೆಸಿದ ದಾಳಿಯಲ್ಲಿ ಸುಮಾರು 25 ಕೋಟಿ ರೂಪಾಯಿಗಳ ತೆರಿಗೆ ವಂಚನೆ ಕಂಡುಬಂದಿದೆ.
ತಿಂಗಳ ಕಣ್ಗಾವಲಿನ ನಂತರ, ಆದಾಯ ತೆರಿಗೆ ಇಲಾಖೆ ಗುರುವಾರ ವ್ಲಾಗರ್‍ಗಳ ಮನೆಗಳ ಮೇಲೆ ಗಂಟೆಗಳ ಕಾಲ ದಾಳಿ ನಡೆಸಿತು. ದಾಳಿ ನಡೆಸಲಾದ 13 ವ್ಲಾಗರ್‍ಗಳಿಗೆ ಆದಾಯ ತೆರಿಗೆ ಇಲಾಖೆ ತಮ್ಮ ಆದಾಯದ ಮೂಲಗಳನ್ನು ಬಹಿರಂಗಪಡಿಸುವಂತೆ ಕೇಳಿದೆ. ಅವರು ಒದಗಿಸಿದ ಅಂಕಿ-ಅಂಶವನ್ನು ಆದಾಯ ಮೂಲಗಳಿಂದ ಪಡೆದ ಅಂಕಿ ಅಂಶದೊಂದಿಗೆ ತಾಳೆ ಮಾಡಲಾಗುತ್ತದೆ. ತೆರಿಗೆ ಪಾವತಿಸದ ವ್ಲಾಗರ್‍ಗಳ ಖಾತೆಗಳನ್ನು ಅಳಿಸಲು ಆದಾಯ ತೆರಿಗೆ ಇಲಾಖೆ ಕ್ರಮ ಕೈಗೊಳ್ಳಲಿದೆ ಎಂದು ವರದಿಯಾಗಿದೆ.
ಆದಾಯ ತೆರಿಗೆ ಅಧಿಕಾರಿಗಳು ರಾಜ್ಯದ 30 ಪ್ರಸಿದ್ಧ ವ್ಲಾಗರ್‍ಗಳ ಖಾತೆಗಳ ಮೇಲೆ ತಿಂಗಳುಗಟ್ಟಲೆ ನಿಗಾ ಇರಿಸಿತ್ತು. 30 ಜನರ ಪೈಕಿ 13 ಜನರ ಕಿರುಪಟ್ಟಿ ಸಿದ್ಧಪಡಿಸಲಾಗಿತ್ತು. ಯೂಟ್ಯೂಬರ್‍ಗಳ ವಾರ್ಷಿಕ ಆದಾಯ ಎರಡು ಕೋಟಿಗೂ ಹೆಚ್ಚು ಎಂಬುದು ಪರಿಶೀಲನೆಗಳಿಂದ ತಿಳಿದುಬಂದಿದೆ. ಆದರೆ ಕೆಲವರು ಇದುವರೆಗೆ ಒಂದು ಪೈಸೆ ತೆರಿಗೆಯನ್ನೂ ಪಾವತಿಸಿಲ್ಲ ಎಂದು ಆದಾಯ ತೆರಿಗೆ ಇಲಾಖೆ ಪತ್ತೆ ಮಾಡಿದೆ.
ಇದರೊಂದಿಗೆ ತೆರಿಗೆ ಪಾವತಿಸಲು ಸಿದ್ಧವಿಲ್ಲದ ವ್ಲಾಗರ್‍ಗಳ ವಿರುದ್ಧ ಕಠಿಣ ಕ್ರಮಕ್ಕೆ ಮುಂದಾಗುವುದಾಗಿ ಆದಾಯ ತೆರಿಗೆ ಇಲಾಖೆ ಘೋಷಿಸಿದೆ. ಕೆಲವು ವ್ಲಾಗರ್‍ಗಳು ತಮ್ಮ ಆದಾಯ ತೆರಿಗೆ ರಿಟನ್ರ್ಸ್ ಅನ್ನು ನಿಖರವಾಗಿ ಸಲ್ಲಿಸಿದರೆ, ಅನೇಕರು ತಮ್ಮ ಆದಾಯವನ್ನು ಮರೆಮಾಚಿರುವುದು ಕಂಡುಬಂದಿದೆ.
DOCTYPE html>
