ಒಂದೇ ಕುಟುಂಬದ ಮೂವರು ಲಾಡ್ಜ್​ನಲ್ಲಿ ಶವವಾಗಿ ಪತ್ತೆ

               ತ್ರಿಶೂರ್: ಒಂದೇ ಕುಟುಂಬದ ಮೂವರು ಲಾಡ್ಜ್ ಕೊಠಡಿಯೊಳಗೆ ಶವವಾಗಿ ಪತ್ತೆಯಾಗಿರುವ ಘಟನೆ ಕೇರಳದ ತ್ರಿಶೂರ್ ನಲ್ಲಿ ನಡೆದಿದೆ.

                ಘಟನೆಯು ಕೆಎಸ್​ಆರ್​ಟಿಸಿ ಬಸ್ ಡಿಪೋ ಬಳಿಯ ಲಾಡ್ಜ್​​ನಲ್ಲಿ ನಡೆದಿದ್ದು, ಚೆನ್ನೈ ಮೂಲದ ಸಂತೋಷ್ ಪೀಟರ್, ಸುನಿ ಪೀಟರ್ ಮತ್ತು ಅವರ ಮಗಳು (ಗುರುತು ಪತ್ತೆಯಾಗಿಲ್ಲ) ಮೃತಪಟ್ಟ ದುರ್ದೈವಿಗಳು. ಸ್ಥಳದಲ್ಲಿ ಡೆತ್​ನೊಟ್​ ಪತ್ತೆಯಾಗಿದ್ದು, ಹಣಕಾಸಿನ ಸಮಸ್ಯೆಯೇ ಸಾವಿಗೆ ಕಾರಣ ಎಂದು ಪೊಲೀಸರು ತಿಳಿಸಿದ್ದಾರೆ.

             ಜೂನ್ 4ರಂದು ಮಧ್ಯಾಹ್ನ 12 ಗಂಟೆ ಸುಮಾರಿಗೆ ಲಾಡ್ಜ್‌ನಲ್ಲಿ ಕೊಠಡಿ ತೆಗೆದುಕೊಂಡ ಕುಟುಂಬಸ್ಥರು, ಜೂನ್ 7ರ ರಾತ್ರಿ ಚೆಕ್​ ಔಟ್ ಮಾಡುವುದಾಗಿ ಹೋಟೆಲ್ ಸಿಬ್ಬಂದಿಗೆ ಮೊದಲೇ ತಿಳಿಸಿದ್ದರು. ಆ ದಿನ ಲಾಡ್ಜ್​​ ಸಿಬ್ಬಂದಿ ಸಂತೋಷ್​​ಗೆ ಕರೆ ಮಾಡಲು ಪದೇ ಪದೇ ಪ್ರಯತ್ನಿಸಿದರೂ ಆತನಿಂದ ಯಾವುದೇ ಪ್ರತಿಕ್ರಿಯೆ ಬಂದಿರಲಿಲ್ಲ.

                    ಕೊನೆಗೆ ಲಾಡ್ಜ್​ ಸಿಬ್ಬಂದಿ ರೂಮ್​ ಬಳಿ ಹೋದಾಗ ಬಾಗಿಲು ಒಳಗಿನಿಂದ ಲಾಕ್​ ಆಗಿತ್ತು. ಅನುಮಾನಗೊಂಡು ಪೊಲೀಸರಿಗೆ ಕರೆ ಮಾಡಿದ ತಿಳಿಸಿದಾಗ ಘಟನೆ ಬೆಳಕಿಗೆ ಬಂದಿದೆ. ಪೊಲೀಸರು ಈ ಕುರಿತು ದೂರು ದಾಖಲಿಸಿಕೊಂಡಿದ್ದು, ಇದು ಆತ್ಮಹತ್ಯೆ ಪ್ರಕರಣ ಎಂದು ತಿಳಿಸಿದ್ದಾರೆ.