ಕೊಚ್ಚಿ: ಕೋವಿಡ್ ಮಹಾಮಾರಿ ನಮ್ಮಲ್ಲಿ ಯಕ್ಷಗಾನ ಸಹಿತ ವಿವಿಧ ವಲಯದಂತೆ ಕಥಕ್ಕಳಿ ಕಲಾವಿದರನ್ನೂ ಸಂಕಷ್ಟಕ್ಕೀಡುಮಾಡಿದೆ. ಹಬ್ಬಗಳ ನಿಷೇಧದಿಂದ ಅವರ ಜೀವನೋಪಾಯವನ್ನು ಕಸಿದುಕೊಳ್ಳುವುದರೊಂದಿಗೆ, ಅನೇಕರನ್ನು ಪೇಚಿಗೆ ಸಿಲುಕಿಸಿತು. ಕೆಲವರು ತಮ್ಮ ಕುಟುಂಬಗಳನ್ನು ಪೋಷಿಸಲು ಕಟ್ಟಡ ಕೆಲಸ ಮತ್ತು ಹೊಲಗಳಲ್ಲಿ ದುಡಿಯಲು ತೊಡಗಿಸಿಕೊಂಡರು. ಈ ಕಷ್ಟದ ಹಂತದಲ್ಲಿಯೇ ಕೆಲವು ಕಲಾವಿದರು ವಾಟ್ಸಾಪ್ ಗುಂಪನ್ನು ರಚಿಸಿ ಕಲಾ ಪ್ರಕಾರದ ಪೋಷಕರ ಸಹಾಯದಿಂದ ಕಷ್ಟದಲ್ಲಿರುವ ಸಹೋದ್ಯೋಗಿಗಳಿಗೆ ಆರ್ಥಿಕವಾಗಿ ಬೆಂಬಲ ನೀಡಿದರು.
ಲಾಕ್‍ಡೌನ್‍ನಿಂದ ಜೀವನ ಪಾಠಗಳು ಕಲಾವಿದರ ಗುಂಪನ್ನು ಪರಸ್ಪರ ಬೆಂಬಲಿಸಲು ವೇದಿಕೆಯನ್ನು ರೂಪಿಸಲು ಪ್ರೇರೇಪಿಸಿತು. ಕಥಕ್ಕಳಿ ಕಲಾವಿದರ ವಾಟ್ಸ್ ಆಫ್ ಸಂಘ - ಅಣಿಯಾರದಲ್ಲಿ ನೋಂದಾಯಿಸಿದ ಎರಡು ವರ್ಷಗಳ ನಂತರ, ಅವರು ಇದೀಗ ಮೊದಲ ಬಾರಿಗೆ ಭೇಟಿಯಾಗುತ್ತಿದ್ದಾರೆ. ಆಗಸ್ಟ್ 26 ರಂದು ಮಧ್ಯಾಹ್ನ 3 ಗಂಟೆಗೆ ಕಲಾಮಂಡಲಂ ಕೂತಂಬಲದಲ್ಲಿ ದೇವಸ್ವಂ ಸಚಿವ ಕೆ ರಾಧಾಕೃಷ್ಣನ್ ಮೊದಲ ರಾಜ್ಯ ಸಮ್ಮೇಳನವನ್ನು ಉದ್ಘಾಟಿಸಲಿದ್ದಾರೆ.
“ಎಲ್ಲ ಕಥಕ್ಕಳಿ ಕಲಾವಿದರನ್ನು ಒಂದೇ ಛತ್ರಿಯಡಿಯಲ್ಲಿ ತರಲು ಇದು ಒಂದು ಉದಾತ್ತ ಸಾಹಸವಾಗಿದೆ, ಇದರಿಂದ ನಾವು ನಮ್ಮ ಸಹೋದ್ಯೋಗಿಗಳು ಮತ್ತು ಅವರ ಕುಟುಂಬಗಳ ಕಲ್ಯಾಣಕ್ಕಾಗಿ ಒಗ್ಗಟ್ಟಿನಿಂದ ಕೆಲಸ ಮಾಡಬಹುದು. ಕಲಾವಿದರಿಗೆ ಹೆಚ್ಚಿನ ಅವಕಾಶ ಕಲ್ಪಿಸಲು ಶ್ರಮಿಸುತ್ತೇವೆ. ಸಂಕಷ್ಟದಲ್ಲಿರುವ ಕಲಾವಿದರಿಗೆ ಆರ್ಥಿಕ ನೆರವು ನೀಡುವಂತೆ ಸಂಘದ ಮುಖ್ಯಸ್ಥರನ್ನು ಒತ್ತಾಯಿಸಿದ್ದೇನೆ. ಇದು ಹೊಸ ಆರಂಭ ಎಂದು ನಾನು ನಿರೀಕ್ಷಿಸುತ್ತೇನೆ ಎಂದು ಖ್ಯಾತ ಹಿರಿಯ ಕಲಾವಿದ ಮತ್ತು ಸಂಸ್ಥೆಯ ಪೋಷಕರಾದ ಕಲಾಮಂಡಲಂ ಗೋಪಿ ಹೇಳಿರುವರು.
“ರಾಜ್ಯದಲ್ಲಿ 800 ಕ್ಕೂ ಹೆಚ್ಚು ಕಥಕ್ಕಳಿ ಕಲಾವಿದರಿದ್ದು, ಅವರಲ್ಲಿ ಸುಮಾರು 90% ರಷ್ಟು ಸಾಮಾನ್ಯ ಆದಾಯವನ್ನು ಹೊಂದಿಲ್ಲ. ನವೆಂಬರ್‍ನಲ್ಲಿ ಪ್ರಾರಂಭವಾಗಿ ಏಪ್ರಿಲ್‍ವರೆಗೆ ಹಬ್ಬ-ಉತ್ಸವಗಳ ಸಮಯದಲ್ಲಿ ನಾವು ಗಳಿಸುವ ಹಣದಲ್ಲಿ ನಾವು ಬದುಕುತ್ತೇವೆ. ಕಥಕ್ಕಳಿಯನ್ನು ಜನಪ್ರಿಯಗೊಳಿಸಲು ಮತ್ತು ಬೆಂಬಲ ಅಗತ್ಯವಿರುವ ಕಲಾವಿದರಿಗೆ ಹೆಚ್ಚಿನ ಅವಕಾಶಗಳನ್ನು ಖಚಿತಪಡಿಸಿಕೊಳ್ಳಲು ಸಂಘವು ಗುರಿಯನ್ನು ಹೊಂದಿದೆ. ಹೊಸ ಪೀಳಿಗೆಯನ್ನು ಕಲಾ ಪ್ರಕಾರದತ್ತ ಸೆಳೆಯಲು ಯೋಜನೆ ರೂಪಿಸಲಾಗಿದೆ’ ಎಂದು ಸಂಸ್ಥಾಪಕ ಕಾರ್ಯದರ್ಶಿ ಕಲಾಮಂಡಲಂ ಪ್ರಶಾಂತ್ ಹೇಳಿದರು.
560 ಜನರ ಸಂಘವು ಎಲ್ಲಾ ಕಥಕ್ಕಳಿ ಕಲಾವಿದರನ್ನು ಮಂಡಳಿಗೆ ತರಲು ಪ್ರಯತ್ನಗಳನ್ನು ಮಾಡುತ್ತಿದೆ. “ಚೆಟ್ಟಿಕುಳಂಗರ ಉಣ್ಣಿಕೃಷ್ಣನ್ ನೇತೃತ್ವದ ಜೀವಾಮೃತಂ, ಚಂಗನಾಶ್ಶೇರಿ ಸೌಹೃದ ಕೂಟಂ, ತ್ರಿಶೂರ್ ಮುದ್ರಾ ಅಸೋಸಿಯೇಷನ್ ಮತ್ತು ವಿವಿಧ ಕಥಕ್ಕಳಿ ಕ್ಲಬ್‍ಗಳ ಸಹಾಯದಿಂದ ನಾವು ಸಂಕಷ್ಟದಲ್ಲಿರುವ ಕಲಾವಿದರಿಗೆ 28 ಲಕ್ಷ ರೂಪಾಯಿಗಳ ಆರ್ಥಿಕ ಸಹಾಯವನ್ನು ವಿತರಿಸಿದ್ದೇವೆ. ಸಂಘವು ಕಲಾವಿದರನ್ನು ಬೆಂಬಲಿಸಲು ಪ್ರಯತ್ನಿಸುತ್ತದೆ ಮತ್ತು ಅವರಿಗೆ ಹೆಚ್ಚಿನ ಕಾರ್ಯಕ್ರಮಗಳನ್ನು ಮಾಡಲು ಸಹಾಯ ಮಾಡುತ್ತದೆ, ”ಎಂದು ಅವರು ಹೇಳಿದರು.
ಕಲಾಮಂಡಲಂ ಗೋಪಿ ಮತ್ತು ಕೇರಳ ಕಲಾಮಂಡಲಂ ಕುಲಪತಿ ಮಲ್ಲಿಕಾ ಸಾರಾಭಾಯಿ ಬೆಳಗಿನ ಅಧಿವೇಶನದಲ್ಲಿ ಭಾಗವಹಿಸಿ ಕಲಾವಿದರೊಂದಿಗೆ ಸಂವಾದ ನಡೆಸಲಿದ್ದಾರೆ. ಚೆಂಡೆ ಗುರು ಮಟ್ಟನ್ನೂರು ಶಂಕರನ್‍ಕುಟ್ಟಿ, ಕಲಾಮಂಡಲಂ ರಿಜಿಸ್ಟ್ರಾರ್ ರಾಜೇಶ್ ಕುಮಾರ್ ಪಿ ಹಾಗೂ ರಾಜ್ಯಾದ್ಯಂತದ ಪ್ರಮುಖ ಕಲಾವಿದರು ಸಮ್ಮೇಳನದಲ್ಲಿ ಪಾಲ್ಗೊಳ್ಳಲಿದ್ದಾರೆ.
DOCTYPE html>
