ಆಗಸ್ಟ್‌ 2ರಂದು ಸಂಸದರೊಂದಿಗೆ ಪ್ರಧಾನಿ ನರೇಂದ್ರ ಮೋದಿ ಸಭೆ

               ನವದೆಹಲಿ: ಲೋಕಸಭಾ ಚುನಾವಣೆಗೆ ಪೂರ್ವತಯಾರಿಯ ಭಾಗವಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ಆಗಸ್ಟ್‌ 2ರಂದು ಕರ್ನಾಟಕದ ಸಂಸದರ ಜತೆಗೆ ಸಭೆ ನಡೆಸಲಿದ್ದಾರೆ.

                   ಜುಲೈ 31ರಿಂದ ಆಗಸ್ಟ್‌ 10ರವರೆಗೆ ಎನ್‌ಡಿಎ ಮೈತ್ರಿಕೂಟದ ಎಲ್ಲ ಸಂಸದರ ಜತೆಗೆ ಸರಣಿ ಸಭೆಗಳು ನಡೆಯಲಿವೆ.

                ರಾಜ್ಯದ ಸಂಸದರ ಜತೆಗೆ ತೆಲಂಗಾಣ, ಆಂಧ್ರ ಪ್ರದೇಶ, ತಮಿಳುನಾಡು, ಕೇರಳ, ಪುದುಚೇರಿ, ಅಂಡಮಾನ್‌ ಹಾಗೂ ನಿಕೋಬಾರ್, ಲಕ್ಷದ್ವೀಪದ ಸಂಸದರು, ಆಯಾ ರಾಜ್ಯಗಳ ಉಸ್ತುವಾರಿಗಳು ಸಭೆಯಲ್ಲಿ ಭಾಗಿಯಾಗಲಿದ್ದಾರೆ. ಸಂಸತ್‌ ಅಧಿವೇಶನ ಮುಗಿದ ಬಳಿಕ ಪ್ರತಿದಿನ ಸಂಜೆ ಮೈತ್ರಿಕೂಟದ ಸಂಸದರ ಜತೆಗೆ ಸಭೆ ನಡೆಯಲಿದೆ.