ದೆಹಲಿ ಮೆಟ್ರೊದಲ್ಲಿ ಪ್ರಯಾಣಿಸಿದ ಜಪಾನ್‌ ವಿದೇಶಾಂಗ ಸಚಿವ

              ನವದೆಹಲಿ: ಜಪಾನ್‌ ವಿದೇಶಾಂಗ ಸಚಿವ ಯೋಶಿಮಾಸ ಹಯಾಶಿ ಅವರು ದೆಹಲಿಗೆ ಭೇಟಿ ನೀಡಿದ್ದು, ಮೆಟ್ರೊದಲ್ಲಿ ಪ್ರಯಾಣ ಮಾಡಿದ್ದಾರೆ. ‌

                 ದೆಹಲಿ ಮೆಟ್ರೊದ ಹಳದಿ ಲೈನ್‌ನಲ್ಲಿ ಸೆಂಟ್ರಲ್ ಸೆಕ್ರೆಟರಿಯೇಟ್ ಸ್ಟೇಷನ್ ನಿಂದ ಚಾವ್ರಿ ಬಜಾರ್‌ಗೆ ಪ್ರಯಾಣ ಮಾಡಿದ್ದಾರೆ.

                 ಅವರ ಪ್ರಯಾಣದ ಸಮಯದಲ್ಲಿ ಭಾರತದಲ್ಲಿನ ಜಪಾನ್‌ ರಾಯಭಾರಿ ಹಿರೋಶಿ ಸುಜುಕಿ ಮತ್ತು ಡಿಎಂಆರ್‌ಸಿ ನಿರ್ದೇಶಕ ಅಮಿತ್ ಕುಮಾರ್ ಜೈನ್ ಅವರ ಜೊತೆಗಿದ್ದರು.

                ಅದರ ಫೋಟೊಗಳನ್ನು ದೆಹಲಿ ಮೆಟ್ರೊ ಟ್ವಿಟರ್‌ನಲ್ಲಿ ಹಂಚಿಕೊಂಡಿದೆ. ದೆಹಲಿ ಮೆಟ್ರೊ ಯೋಜನೆ ಇಂಡೋ- ಜಪಾನ್‌ ಸಹಯೋಗದ ಗುರುತಾಗಿದೆ. ಜಪಾನ್‌ ಸರ್ಕಾರ ದೆಹಲಿ ಮೆಟ್ರೊ ಯೋಜನೆಗೆ ಗಣನೀಯವಾಗಿ ಹಣಕಾಸಿನ ನೆರವು ನೀಡಿದೆ, ಅಲ್ಲದೆ ಫೇಸ್‌-4 ನೇ ಯೋಜನೆಗೂ ನೆರವು ನೀಡುತ್ತಿದೆ ಎಂದು ದೆಹಲಿ ಮೆಟ್ರೊ ರೈಲು ಪ್ರಾಧಿಕಾರ (DMRCL) ಹೇಳಿದೆ.

                   ಭಾರತ-ಜಪಾನ್ ಕಾರ್ಯತಂತ್ರದ ಸಂಬಂಧಗಳನ್ನು ಪರಿಶೀಲಿಸಲು ಮತ್ತು ಬಲಪಡಿಸುವ ಉದ್ದೇಶದಿಂದ ಗುರುವಾರ ಎರಡು ದಿನಗಳ ಭೇಟಿಗಾಗಿ ಜಪಾನ್‌ ವಿದೇಶಾಂಗ ಸಚಿವ ದೆಹಲಿಗೆ ಆಗಮಿಸಿದ್ದರು.