ರಾಜ್ಯದಲ್ಲಿ ಆ್ಯಂಟಿ ರೇಬಿಸ್ ಲಸಿಕೆಗೆ ತೀವ್ರ ಕೊರತೆ

                ತಿರುವನಂತಪುರಂ: ರಾಜ್ಯದಲ್ಲಿ ಆ್ಯಂಟಿ ರೇಬಿಸ್ ಲಸಿಕೆಯಾದ ಇಮ್ಯುನೊಗ್ಲಾಬ್ಯುಲಿನ್‍ನ ತೀವ್ರ ಕೊರತೆಯಿದೆ. ಲಸಿಕೆ ಹಾಕಿಸಿಕೊಳ್ಳಲು ಸರ್ಕಾರಿ ಆಸ್ಪತ್ರೆಗಳಿಗೆ ಬರುವವರು ಪರದಾಡುವ ಸ್ಥಿತಿ ಇದೆ. ನಾಯಿ, ಬೆಕ್ಕು ಕಚ್ಚಿದ ಜನರು ಆಸ್ಪತ್ರೆಗಳಲ್ಲಿ ಕಾಯುವಂತಾಗಿದೆ. 

               ವೈದ್ಯಕೀಯ ಕಾಲೇಜುಗಳಲ್ಲಿಯೂ ರೇಬಿಸ್ ಲಸಿಕೆಗಳು ಲಭ್ಯವಿಲ್ಲ. ಬೆಕ್ಕು ಅಥವಾ ನಾಯಿ ಕಚ್ಚಿದಾಗ, ಇಮ್ಯುನೊಗ್ಲಾಬ್ಯುಲಿನ್ ಲಸಿಕೆ ಹಾಕಿಸಲಾಗುತ್ತದೆ. ವಿಷ ಮೆದುಳಿಗೆ ತಲುಪದಂತೆ ಗಾಯಕ್ಕೆ ಇಮ್ಯುನೊಗ್ಲಾಬ್ಯುಲಿನ್ ಅನ್ನು ಚುಚ್ಚಲಾಗುತ್ತದೆ. ಇಮ್ಯುನೊಗ್ಲಾಬ್ಯುಲಿನ್ ಸುರಕ್ಷತೆಯೊಂದಿಗೆ ತಕ್ಷಣದ ರಕ್ಷಣೆಗೆ ಕಾರಣವಾಗುತ್ತದೆ. ಆದರೆ ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ಲಸಿಕೆ ಕಾಯ್ದಿರಿಸುವಲ್ಲಿ ಆರೋಗ್ಯ ಇಲಾಖೆಯಿಂದ ಗಂಭೀರ ವೈಫಲ್ಯ ಕಂಡುಬಂದಿದೆ.

              ಕೇರಳ ವೈದ್ಯಕೀಯ ಸೇವಾ ನಿಗಮವು ಇಮ್ಯುನೊಗ್ಲಾಬ್ಯುಲಿನ್‍ಗೆ ಆರ್ಡರ್ ಮಾಡಿದೆ ಎಂಬುದು ಪ್ರಾಥಮಿಕ ಮಾಹಿತಿ. ಅದೇ ರೀತಿ, ಇಮ್ಯುನೊಗ್ಲಾಬ್ಯುಲಿನ್ ಮತ್ತು ರೇಬೀಸ್ ಲಸಿಕೆಗಳು ಹಿಂದೆ ತೀವ್ರ ಕೊರತೆಯನ್ನು ಅನುಭವಿಸಿದ್ದವು. ನಂತರ ತಮಿಳುನಾಡು ವೈದ್ಯಕೀಯ ಸೇವಾ ನಿಗಮದಿಂದ ಔಷಧಿಗಳನ್ನು ಖರೀದಿಸಲಾಗಿತ್ತು. ಔಷಧಗಳ ಪೂರ್ವ ದಾಸ್ತಾನು ಮಾಡುವ ಲೋಪಗಳು ಪುನರಾವರ್ತನೆಯಾಗಬಾರದು ಎಂಬ ಬೇಡಿಕೆ ಹೆಚ್ಚುತ್ತಿದೆ. ಇದೇ ವೇಳೆ ಕಳೆದ ಆರು ತಿಂಗಳಲ್ಲಿ 1.62 ಲಕ್ಷ ಮಂದಿಗೆ ಬೀದಿ ನಾಯಿಗಳು ಕಚ್ಚಿವೆ. ಕಳೆದ ಮೂರು ದಿನಗಳಲ್ಲಿ ಬೀದಿನಾಯಿ ದಾಳಿಯಲ್ಲಿ 1631 ಮಂದಿ ಗಾಯಗೊಂಡಿದ್ದಾರೆ.