ವ್ಯಾಪಕ ಸಹಕಾರಿ ಹಗರಣಗಳು? ಕೇರಳ ಸರ್ಕಾರದ ಸುಧಾರಣಾ ಪ್ರಸ್ತಾಪಗಳನ್ನು ತಳ್ಳಿಹಾಕಿದ ಯುಡಿಎಫ್

                    ತಿರುವನಂತಪುರಂ: ರಾಜ್ಯದ ಹಲವು ಸಹಕಾರ ಸಂಘಗಳಲ್ಲಿ ಹಗರಣಗಳು ಆವರಿಸಿರುವ ಸಂದರ್ಭದಲ್ಲಿ ಭ್ರಷ್ಟಾಚಾರ ತಡೆಗೆ ಕೇರಳ ಸಹಕಾರ ಸಂಘಗಳ (ತಿದ್ದುಪಡಿ) ಮಸೂದೆಯಲ್ಲಿ ಸರ್ಕಾರ ಸೂಚಿಸಿದ್ದ ಕ್ರಮಗಳನ್ನು ಯುಡಿಎಫ್ ಶಾಸಕರು ತಳ್ಳಿಹಾಕಿರುವರು.  

                    ಹಲವು ಸೂಚಿತ ಬದಲಾವಣೆ ಬಳಿಕ ಗುರುವಾರ ವಿಧೇಯಕವನ್ನು ಸರ್ವಾನುಮತದಿಂದ ಅಂಗೀಕರಿಸಲಾಯಿತು. ಪ್ರಮುಖ ಪ್ರಸ್ತಾವಿತ ತಿದ್ದುಪಡಿಗಳಲ್ಲಿ ಪದಾಧಿಕಾರಿಗಳಿಗೆ ಎರಡು ಅವಧಿಯ ಮಿತಿ ಹೇರಿದ್ದನ್ನು ತೆಗೆದುಹಾಕಲಾಯಿತು. ಇನ್ನೊಂದು,  ಅನುಮಾನದ ಮೋಡದ ಅಡಿಯಲ್ಲಿ ಸೊಸೈಟಿಗಳ ಆಡಳಿತ ಸಮಿತಿಗಳನ್ನು ಅಮಾನತುಗೊಳಿಸಲು ಸರ್ಕಾರಕ್ಕೆ ಅಧಿಕಾರ ನೀಡುವುದನ್ನೂ ಕೂಡ ಹಿಂಪಡೆಯಲಾಗಿದೆ.

                  ಸಾರ್ವಜನಿಕ ವಿಚಾರಣೆಯ ನಂತರ ನಡೆದ ಆಯ್ಕೆ ಸಮಿತಿ ಸಭೆಯಲ್ಲಿ, ಯುಡಿಎಫ್ ಸದಸ್ಯರು ಎರಡೂ ಷರತ್ತುಗಳನ್ನು ತೀವ್ರವಾಗಿ ಆಕ್ಷೇಪಿಸಿದರು. "ವಿವಿಧ ಸಹಕಾರಿ ಸಂಘಗಳ ದೀರ್ಘಾವಧಿಯ ಪದಾಧಿಕಾರಿಗಳ ವಿರುದ್ಧ ಭ್ರಷ್ಟಾಚಾರದ ಆರೋಪದ ನಂತರ ಸರ್ಕಾರವು ಅವಧಿ ಮಿತಿಗಳನ್ನು ಪ್ರಸ್ತಾಪಿಸಿದೆ" ಎಂದು ಸಚಿವ ವಿ ಎನ್ ವಾಸವನ್  ತಿಳಿಸಿರುವರು. “ಯುಡಿಎಫ್ ಶಾಸಕರು ಪ್ರಸ್ತಾವನೆಯನ್ನು ವಿರೋಧಿಸಿದರು. ಎರಡು ಅವಧಿಯ ಮಿತಿಯನ್ನು ಸ್ವೀಕಾರಾರ್ಹವಲ್ಲ ಎಂದು ಅವರು ಹೇಳಿದರು.

                   ಭ್ರಷ್ಟಾಚಾರ  ಆರೋಪ ಎದುರಿಸುತ್ತಿರುವ ಆಡಳಿತ ಸಮಿತಿಗಳನ್ನು ಅಮಾನತುಗೊಳಿಸುವ ಪ್ರಸ್ತಾವಿತ ತಿದ್ದುಪಡಿಯನ್ನೂ ಅವರು ವಿರೋಧಿಸಿದರು. ವಿರೋಧ ಪಕ್ಷದ ಶಾಸಕರು ಷರತ್ತಿನ ದುರ್ಬಳಕೆಗೆ ಬಗ್ಗೆ ಬೊಟ್ಟುಮಾಡಿರುವರು. ತಿದ್ದುಪಡಿಯ ಪ್ರಕಾರ, ಆರೋಪ ಸಾಬೀತಾಗದಿದ್ದಲ್ಲಿ ಅಮಾನತು ರದ್ದುಗೊಳಿಸಲಾಗುವುದು ಎಂದಿದೆ. ತಮ್ಮ ವಿರೋಧವನ್ನು ತಿಳಿಸಲು ಯುಡಿಎಫ್ ಶಾಸಕರು ಸಿಎಂ ಅವರನ್ನು ಭೇಟಿ ಮಾಡಿದ್ದರು,'' ಎಂದು ಸಚಿವರು ಹೇಳಿದರು.

                ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಕರೆದ ಸಭೆಯಲ್ಲಿ, ವಿರೋಧ ಪಕ್ಷದ ನಾಯಕ ವಿ ಡಿ ಸತೀಶನ್ ಮತ್ತು ಇತರ ಸಮಿತಿಯ ಸದಸ್ಯರು ಭಾಗವಹಿಸಿದ್ದರು. ತಿದ್ದುಪಡಿಯಲ್ಲಿ ಪ್ರಸ್ತಾಪಿಸಿದಂತೆ ಅಧಿಕಾರಾವಧಿಯನ್ನು ಎರಡರ ಬದಲು ಮೂರಕ್ಕೆ ಏರಿಸಿದರೆ ಯುಡಿಎಫ್ ಮಸೂದೆಯನ್ನು ಬೆಂಬಲಿಸುತ್ತದೆ ಎಂದು ಯುಡಿಎಫ್ ಸದಸ್ಯರು ಹೇಳಿದರು.

                    ಆದರೆ ಪ್ರತಿಪಕ್ಷಗಳು ತನ್ನ ಬೇಡಿಕೆಗೆ ಅಂಟಿಕೊಂಡು ಪಟ್ಟುಬಿಡದ ಕಾರಣ  ಆಡಳಿತ ಸಮಿತಿಗಳನ್ನು ಅಮಾನತುಗೊಳಿಸುವ ಪ್ರಸ್ತಾಪವನ್ನು ಕೈಬಿಡಲಾಯಿತು.

                   ಪ್ರಾಥಮಿಕ ತನಿಖೆಯು ಗಂಭೀರ ಭ್ರಷ್ಟಾಚಾರದ ಆರೋಪಗಳನ್ನು ಸಾಬೀತುಪಡಿಸಿದ ಡಿಬಾರಿಂಗ್ ಸಮಿತಿಗಳನ್ನು ಸರ್ಕಾರವು ಪ್ರಸ್ತಾಪಿಸಿತ್ತು. ಪ್ರಸ್ತಾವಿತ ತಿದ್ದುಪಡಿಯು ಕ್ಷೇತ್ರವನ್ನು ಮತ್ತಷ್ಟು ಪ್ರಜಾಪ್ರಭುತ್ವಗೊಳಿಸಲು ಸಹಾಯ ಮಾಡುತ್ತದೆ ಎಂದು ಅವರು ನಂಬಿದ್ದಾರೆ ಎಂದು ಸಹಕಾರ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಪದಾಧಿಕಾರಿಗಳ ಅವಧಿಯನ್ನು ನಿಗದಿಪಡಿಸುವ ಪ್ರಸ್ತಾವನೆಗೆ ಯಾವುದೇ ಕಾನೂನುಬದ್ಧತೆ ಇಲ್ಲ ಎಂದು ಯುಡಿಎಫ್ ಶಾಸಕರು ಪ್ರತಿಪಾದಿಸಿದರು.

                   ಶಾಸಕರು, ಸಂಸದರು, ಸ್ಥಳೀಯಾಡಳಿತ ಪ್ರತಿನಿಧಿಗಳು ತಮ್ಮ ಜೀವಿತಾವಧಿಯಲ್ಲಿ ಚುನಾವಣೆಗೆ ನಿಲ್ಲಬಹುದು. ಸಹಕಾರ ಕ್ಷೇತ್ರಕ್ಕೆ ಒಂದು ಅವಧಿಯನ್ನು ಮಾತ್ರ ಹೇಗೆ ಪ್ರಸ್ತಾಪಿಸಬಹುದು?" ಎಂದು ವಿಷಯ ಸಮಿತಿಯ ಕಾಂಗ್ರೆಸ್ ಸದಸ್ಯ ಸನ್ನಿ ಜೋಸೆಫ್ ಹೇಳಿದರು. “ಸಹಕಾರಿ ಸಂಘಗಳಲ್ಲಿ ಕೆಲಸ ಮಾಡುವ ಅನೇಕ ಜನರು ಈ ಸ್ವಾಭಾವಿಕ ನ್ಯಾಯದ ನಿರಾಕರಣೆಯನ್ನು ವಿಚಾರಣೆಯಲ್ಲಿ ನಮ್ಮ ಗಮನಕ್ಕೆ ತಂದರು ಎಂದಿರುವರು.

                ಆಡಳಿತಾತ್ಮಕ ಸಮಿತಿಗಳನ್ನು ಅಮಾನತುಗೊಳಿಸಲು ಸರ್ಕಾರಕ್ಕೆ ಅಧಿಕಾರ ನೀಡುವ ಪ್ರಸ್ತಾವಿತ ಷರತ್ತು ರಾಜಕೀಯ ಪ್ರೇರಿತ ರೀತಿಯಲ್ಲಿ ಬಳಸಬಹುದೆಂದು ನಾವು ಭಾವಿಸಿದ್ದೇವೆ. ಸಹಕಾರಿ ರಿಜಿಸ್ಟ್ರಾರ್ ಆಗಿ ಸರ್ಕಾರಿ ಅಧಿಕಾರಿಯನ್ನು ನೇಮಿಸುವ ಪ್ರಸ್ತಾವನೆಯನ್ನು ಬದಲಾಯಿಸಲು ನಾವು ಸಹಾಯ ಮಾಡಿದ್ದೇವೆ. ತಿದ್ದುಪಡಿಯ ಪ್ರಕಾರ ಐಎಎಸ್ ಅಧಿಕಾರಿಗಳನ್ನು ಮಾತ್ರ ನೇಮಿಸಬಹುದು,'' ಎಂದು ಅವರು ಹೇಳಿದರು.