ಡಿಜಿಲಾಕರ್ ಆನ್ಲೈನ್ ಡಾಕ್ಯುಮೆಂಟ್ ಸ್ಟೋರೇಜ್ ಮತ್ತು ಶೇರಿಂಗ್ ಪ್ಲಾಟ್ಫಾರ್ಮ್ ಆಗಿದ್ದು ಅದು ನಮ್ಮ ಪ್ರಮುಖ ದಾಖಲೆಗಳನ್ನು ಡಿಜಿಟಲ್ ರೂಪದಲ್ಲಿ ಸಂಗ್ರಹಿಸಲು ಅನುವು ಮಾಡಿಕೊಡುತ್ತದೆ. ಡಿಜಿಲಾಕರ್ ಈಗ 20 ಕೋಟಿ ಬಳಕೆದಾರರ ಮೈಲಿಗಲ್ಲನ್ನು ದಾಟಿದೆ.
ಡಿಜಿಲಾಕರ್ ಸೌಲಭ್ಯವನ್ನು ಕೇಂದ್ರ ಸರ್ಕಾರವು 2015 ರಲ್ಲಿ ಪ್ರಾರಂಭಿಸಿತು. ಡಿಜಿ ಲಾಕರ್ ಡಿಜಿಟಲ್ ಇಂಡಿಯಾ ಅಭಿಯಾನದ ಅಡಿಯಲ್ಲಿ ವಿವಿಧ ಸರ್ಕಾರಿ ಸೇವೆಗಳಿಗೆ ಕಾಗದರಹಿತ ಮತ್ತು ತಡೆರಹಿತ ಅನುಭವವನ್ನು ಒದಗಿಸುತ್ತದೆ.
ಡಿಜಿಲಾಕರ್ ಪೇಪರ್ ಲೆಸ್ ವ್ಯವಸ್ಥೆಯಾಗಿರುವುದರಿಂದ ಪರಿಸರಕ್ಕೆ ಹಾನಿಯಾಗದಿರುವುದು ವಿಶೇಷ. ಈ ವ್ಯವಸ್ಥೆಯು ದಾಖಲೆಗಳ ಸುರಕ್ಷಿತ ಸಂಗ್ರಹಣೆಗೆ ಸಹ ಅನುಮತಿಸುತ್ತದೆ. ಡಿಜಿಲಾಕರ್ನಲ್ಲಿ ಸಂಗ್ರಹವಾಗಿರುವ ದಾಖಲೆಗಳನ್ನು ಕಳೆದುಕೊಳ್ಳುವ ಬಗ್ಗೆ ಚಿಂತಿಸಬೇಕಾಗಿಲ್ಲ. ಫೈಲ್ಗಳು ಒಂದುವೇಳೆ ಕಳೆದುಹೋದರೆ ಬ್ಯಾಕಪ್ನಿಂದ ಮರುಸ್ಥಾಪಿಸುವ ಆಯ್ಕೆಯೂ ಇದೆ. ಈ ವ್ಯವಸ್ಥೆಯಲ್ಲಿ ಡಿಜಿಟಲ್ ಸಹಿಯನ್ನು ಸಹ ಸೇರಿಸಲಾಗಿದೆ.
ಭಾರತದಲ್ಲಿ ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ಹೊಂದಿರುವ ಯಾರಾದರೂ ಡಿಜಿಲಾಕರ್ನಲ್ಲಿ ಖಾತೆಯನ್ನು ತೆರೆಯಬಹುದು. ಕೇವಲ ಆಧಾರ್ ಮತ್ತು ಮೊಬೈಲ್ ಸಂಖ್ಯೆಯನ್ನು ಲಿಂಕ್ ಮಾಡಿ.
ಡಿಜಿಲಾಕರ್ ಖಾತೆ ತೆರೆಯುವುದು ಹೇಗೆ?
ಡಿಜಿಲಾಕರ್ ವೆಬ್ಸೈಟ್
ನೋಂದಣಿ ಪ್ರಕ್ರಿಯೆಯನ್ನು ಪ್ರಾರಂಭಿಸಲು "ಸೈನ್ ಅಪ್" ಅಥವಾ "ರಿಜಿಸ್ಟರ್" ಬಟನ್ ಮೇಲೆ ಕ್ಲಿಕ್ ಮಾಡಿ. ನಂತರ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ. ಪರಿಶೀಲನೆಗಾಗಿ ನೀಡಿರುವ ಸಂಖ್ಯೆಯಲ್ಲಿ OTP ಸ್ವೀಕರಿಸಲಾಗುತ್ತದೆ. OTP ಅನ್ನು ನಮೂದಿಸಿ ಮತ್ತು ಬಳಕೆದಾರರ ಹೆಸರು ಮತ್ತು ಪಾಸ್ವರ್ಡ್ ಅನ್ನು ರಚಿಸಿ.
ಡಿಜಿಲಾಕರ್ ಖಾತೆಯನ್ನು ಆಧಾರ್ ಸಂಖ್ಯೆ ಅಥವಾ ಮೊಬೈಲ್ ಸಂಖ್ಯೆಯನ್ನು ಬಳಸಿ ಲಿಂಕ್ ಮಾಡಬಹುದು. ಒಮ್ಮೆ ನೋಂದಾಯಿಸಿದ ನಂತರ, ನಿಮ್ಮ ಬಳಕೆದಾರಹೆಸರು ಮತ್ತು ಪಾಸ್ವರ್ಡ್ ಬಳಸಿ ನಿಮ್ಮ ಡಿಜಿಲಾಕರ್ ಖಾತೆಗೆ ನೀವು ಲಾಗಿನ್ ಮಾಡಬಹುದು.
ಡಿಜಿಲಾಕರ್ ಖಾತೆಯಲ್ಲಿ ಡಾಕ್ಯುಮೆಂಟ್ಗಳನ್ನು ಅಪ್ಲೋಡ್ ಮಾಡುವುದು ಹೇಗೆ?
ಆಧಾರ್ ಕಾರ್ಡ್ ಲಿಂಕ್ ಮಾಡಲು
ಡಿಜಿಲಾಕರ್ನೊಂದಿಗೆ ನಿಮ್ಮ ಆಧಾರ್ ಕಾರ್ಡ್ ಅನ್ನು ಲಿಂಕ್ ಮಾಡಲು, ನಿಮ್ಮ ಡಿಜಿಲಾಕರ್ ಖಾತೆಯ ಮುಖಪುಟದಲ್ಲಿರುವ "ಲಿಂಕ್ ಯುವರ್ ಆಧಾರ್" ಬಟನ್ ಅನ್ನು ಕ್ಲಿಕ್ ಮಾಡಿ. ಆಧಾರ್ ಸಂಖ್ಯೆಯನ್ನು ನಮೂದಿಸಿ. ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಕಳುಹಿಸಲಾದ ಒಟಿಪಿಯೊಂದಿಗೆ ಪರಿಶೀಲಿಸಿ.
ಪಾನ್ ಕಾರ್ಡ್ ಅನ್ನು ಲಿಂಕ್ ಮಾಡಲು
ಡಿಜಿಲಾಕರ್ನೊಂದಿಗೆ ಪ್ಯಾನ್ ಕಾರ್ಡ್ ಅನ್ನು ಲಿಂಕ್ ಮಾಡಲು, ಡಿಜಿಲಾಕರ್ ಖಾತೆಯ ಮುಖಪುಟದಲ್ಲಿ "ಲಿಂಕ್ ಯುವರ್ ಪ್ಯಾನ್" ಬಟನ್ ಕ್ಲಿಕ್ ಮಾಡಿ. ಪಾನ್ ಸಂಖ್ಯೆ ಮತ್ತು ಹುಟ್ಟಿದ ದಿನಾಂಕವನ್ನು ನಮೂದಿಸಿ. ನಂತರ ಪ್ಯಾನ್ ಕಾರ್ಡ್ ಅನ್ನು ಲಿಂಕ್ ಮಾಡಲು "ಉಳಿಸು" ಕ್ಲಿಕ್ ಮಾಡಿ.
ಇತರ ಪ್ರಮುಖ ದಾಖಲೆಗಳನ್ನು ಲಿಂಕ್ ಮಾಡಲು
ಚಾಲನಾ ಪರವಾನಗಿಗಳು, ಪ್ರಮಾಣಪತ್ರಗಳು ಮತ್ತು ಇತರ ದಾಖಲೆಗಳಂತಹ ಇತರ ಪ್ರಮುಖ ದಾಖಲೆಗಳನ್ನು ಲಿಂಕ್ ಮಾಡಲು ಡಿಜಿಲಾಕರ್ ಖಾತೆಯ ಮುಖಪುಟದಲ್ಲಿ "ಅಪ್ಲೋಡ್" ಬಟನ್ ಕ್ಲಿಕ್ ಮಾಡಿ. ಡಾಕ್ಯುಮೆಂಟ್ಗಳನ್ನು ಪಿ.ಡಿ.ಎಫ್, ಜೆ.ಪಿ.ಜಿ ಅಥವಾ ಪಿ.ಎನ್.ಜಿ. ರೂಪದಲ್ಲಿ ಅಪ್ಲೋಡ್ ಮಾಡಬಹುದು. ಒಮ್ಮೆ ನೀವು ಡಾಕ್ಯುಮೆಂಟ್ಗಳನ್ನು ಅಪ್ಲೋಡ್ ಮಾಡಿದ ನಂತರ, ಅವುಗಳನ್ನು ನಿಮ್ಮ ಡಿಜಿಲಾಕರ್ ಖಾತೆಯಲ್ಲಿ ಉಳಿಸಲಾಗುತ್ತದೆ.