ಮುಳುಗಿದ ಮೀನುಗಾರರಿಗಾಗಿ ಶೋಧ ನಡೆಸುತ್ತಿರುವ ಕೋಸ್ಟ್ ಗಾರ್ಡ್; ನಾಲ್ವರು ನಾಪತ್ತೆ

               ಕೊಚ್ಚಿ: ನಿನ್ನೆ ಮುನಂಬತ್ ಸಮುದ್ರದಲ್ಲಿ ನಾಪತ್ತೆಯಾಗಿರುವ ಮೀನುಗಾರರಿಗಾಗಿ ಕರಾವಳಿ ಕಾವಲು ಪಡೆ ಶೋಧ ಕಾರ್ಯ ಮುಂದುವರೆಸಿದೆ.

                ನಿನ್ನೆ ರಾತ್ರಿ ಏಳು ಮಂದಿ ನಾಪತ್ತೆಯಾಗಿದ್ದರು. ಇವರಲ್ಲಿ ಮೂವರು ಪತ್ತೆಯಾಗಿದ್ದು, ನಾಲ್ವರಿಗಾಗಿ ಶೋಧ ಕಾರ್ಯ ಮುಂದುವರಿದಿದೆ.

                ಕೋಸ್ಟ್‍ಗಾರ್ಡ್ ಮತ್ತು ಮೆರೈನ್ ಎನ್ ಪೋರ್ಸ್‍ಮೆಂಟ್, ಕರಾವಳಿ ಪೋಲೀಸರು ಮತ್ತು ಮೀನುಗಾರರು ಶೋಧ ಕಾರ್ಯದಲ್ಲಿ ಭಾಗವಹಿಸಿದ್ದಾರೆ. ಮಾಲಿಪುರಂನಿಂದ ಇನ್‍ಬೋರ್ಡ್ ಬೋಟ್‍ನಲ್ಲಿ ಮೀನು ಸಂಗ್ರಹಿಸಲು ತೆರಳಿದ್ದ ಸಣ್ಣ ದೋಣಿ ಮುಳುಗಿದೆ. ದೋಣಿಯಲ್ಲಿದ್ದ ಏಳು ಜನರ ಪೈಕಿ ಆನಂದನ್, ಮಣಿಕಂಠನ್ ಮತ್ತು ಬೈಜು ಅವರನ್ನು ರಕ್ಷಿಸಲಾಗಿದೆ. ಶಾಜಿ, ಶರತ್, ಮೋಹನನ್ ಮತ್ತು ರಾಜು ಅವರಿಗಾಗಿ ಶೋಧ ಮುಂದುವರಿದಿದೆ.

            ಕಡಲ ರಕ್ಷಣಾ ಸಮನ್ವಯ ಕೇಂದ್ರಕ್ಕೆ (ಕೊಚ್ಚಿ) ಗುರುವಾರ ರಾತ್ರಿ ಮಾಹಿತಿ ನೀಡಲಾಗಿದ್ದು, ಕೋಸ್ಟ್ ಗಾರ್ಡ್ ತಕ್ಷಣ ರಕ್ಷಣಾ ಕಾರ್ಯಾಚರಣೆ ಆರಂಭಿಸಿದೆ. ಮಲಪ್ಪುರಂನಿಂದ ಮೀನು ಸಂಗ್ರಹಿಸಿ ವಾಪಸ್ಸಾಗುತ್ತಿದ್ದ ‘ನನ್ಮಾ’ ದೋಣಿ ಅಪಘಾತಕ್ಕೀಡಾಗಿದೆ.

          ಉತ್ತರ ಕೇರಳ ಕರಾವಳಿಯಲ್ಲಿ ಗಸ್ತು ತಿರುಗುತ್ತಿರುವ ವೇಗದ ಗಸ್ತು ನೌಕೆ ಅಭಿನವ್ ರಕ್ಷಣಾ ಕಾರ್ಯಾಚರಣೆಯನ್ನು ಪ್ರಾರಂಭಿಸಲು ನಿಯೋಜಿಸಲಾಗಿದೆ. ಎಸ್.ಎ.ಆರ್. ಕಾರ್ಯಾಚರಣೆಗಳನ್ನು ಹೆಚ್ಚಿಸಲು ಎಸ್.ಎ.ಆರ್ (ಹುಡುಕಾಟ ಮತ್ತು ಪಾರುಗಾಣಿಕಾ) ಸಂರಚನೆಯಲ್ಲಿ ಕೊಚ್ಚಿಯಿಂದ ಇಂಟರ್‍ಸೆಪ್ಟರ್ ಬೋmರ್ಸಿ.162 ಅನ್ನು ನಿಯೋಜಿಸಲಾಗಿದೆ ಎಂದು ಕೋಸ್ಟ್ ಗಾರ್ಡ್ ತಿಳಿಸಿದೆ.