ನ್ಯೂಸ್‍ಕ್ಲಿಕ್‍ನ ರಾಷ್ಟ್ರವಿರೋಧಿ ಚಟುವಟಿಕೆ: ಕೇರಳ ಮೂಲದ ಮಾಜಿ ಉದ್ಯೋಗಿಯ ಮನೆ ಮೇಲೆ ದಾಳಿ ನಡೆಸಿದ ದೆಹಲಿ ಪೋಲೀಸ್: ಮೊಬೈಲ್ ಪೋನ್, ಲ್ಯಾಪ್ ಟಾಪ್ ವಶ

                   ಪತ್ತನಂತಿಟ್ಟ: ಚೀನಾದ ನಿಧಿಯಿಂದ ದೇಶವಿರೋಧಿ ಚಟುವಟಿಕೆ ನಡೆಸುತ್ತಿದ್ದ ಮಾಧ್ಯಮ ಸಂಸ್ಥೆ ನ್ಯೂಸ್ ಕ್ಲಿಕ್ ನ ಕೇರಳ ಮೂಲದ ಮಾಜಿ ಉದ್ಯೋಗಿಯೊಬ್ಬರ ಮನೆಯಲ್ಲೂ ದೆಹಲಿ ಪೋಲೀಸರು ಶೋಧ ನಡೆಸಿದ್ದಾರೆ.

                ಪತ್ತನಂತಿಟ್ಟ ಕೊಡುಮೊನ್ ನಿವಾಸಿ ಅನುಷಾ ಪೌಲ್ ಅವರ ಮನೆಯಲ್ಲಿ ಪೋಲೀಸರು ಶೋಧ ನಡೆಸುತ್ತಿದ್ದಾರೆ. ತನಿಖಾ ತಂಡ ಮೊಬೈಲ್ ಪೋನ್ ಮತ್ತು ಲ್ಯಾಪ್ ಟಾಪ್ ವಶಪಡಿಸಿಕೊಂಡಿದ್ದಾರೆ.

                ದೇಶದ ಸಮಗ್ರತೆ ಮತ್ತು ಸಾರ್ವಭೌಮತೆಗೆ ಧಕ್ಕೆ ತರುವಂತಹ ಹಲವು ಚಟುವಟಿಕೆಗಳನ್ನು ನ್ಯೂಸ್ ಕ್ಲಿಕ್ ಮಾಡಿದೆ ಎಂದು ವರದಿಯಾಗಿದೆ. ಎಫ್‍ಐಆರ್ ಪ್ರಕಾರ, ನ್ಯೂಸ್‍ಕ್ಲಿಕ್ ಸಂಸ್ಥಾಪಕ ಪ್ರಭಿರ್ ಪುರ್ಕಾಯಸ್ಥ ಅವರು 2019 ರ ಸಾರ್ವತ್ರಿಕ ಚುನಾವಣೆಗಳನ್ನು ಬುಡಮೇಲು ಮಾಡಲು ಪೀಪಲ್ಸ್ ಅಲೈಯನ್ಸ್ ಫಾರ್ ಡೆಮಾಕ್ರಸಿ ಮತ್ತು ಸೆಕ್ಯುಲರಿಸಂ ಗುಂಪಿನೊಂದಿಗೆ ಪಿತೂರಿ ನಡೆಸಿದ್ದಾರೆ. ದೆಹಲಿ ಪೋಲೀಸ್ ವರದಿಯ ಪ್ರಕಾರ, ವಿದೇಶಿ ಹಣವನ್ನು ತಲುಪಿಸಲು ಚೀನಾದ Xiaomi ಮತ್ತು Vivo ನಂತಹ ಶೆಲ್ ಕಂಪನಿಗಳನ್ನು ಸಂಯೋಜಿಸಲಾಗಿದೆ.

             ಆರೋಪಿಗಳು ಅರುಣಾಚಲ ಪ್ರದೇಶ ಮತ್ತು ಕಾಶ್ಮೀರ ಭಾರತದ ಭಾಗವಲ್ಲ ಎಂದು ತೋರಿಸಲು ಸಹ ಕೆಲಸ ಮಾಡಿದ್ದರು ಎನ್ನಲಾಗಿದೆ. ರೈತ ಧರಣಿ ಸಂದರ್ಭದಲ್ಲಿ ಪ್ರತಿಭಟನೆಯನ್ನು ತೀವ್ರಗೊಳಿಸಿ ಸರ್ಕಾರದ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಪ್ರೇರೇಪಿಸಿದ್ದರು.  ಕರೋನಾ ಸಾಂಕ್ರಾಮಿಕವನ್ನು ನಿಯಂತ್ರಿಸಲು ಸರ್ಕಾರದ ಪ್ರಯತ್ನಗಳ ಬಗ್ಗೆ ಪೋರ್ಟಲ್ ನಕಾರಾತ್ಮಕ ಮಾಹಿತಿಯನ್ನು ಒದಗಿಸಿದೆ ಎಂದು ಎಫ್‍ಐಆರ್ ಹೇಳುತ್ತದೆ. ಮುಂದಿನ ದಿನಗಳಲ್ಲಿ ವ್ಯಾಪಕ ತಪಾಸಣೆ ನಡೆಯಲಿದೆ ಎಂದು ವರದಿಯಾಗಿದೆ.