ಪಡಿತರ ವಿತರಣೆ ಸ್ಥಗಿತ: 108 ಕೋಟಿ ರೂ. ಪಡಿತರ ಸಾಲ: ಮುಷ್ಕರದತ್ತ ವರ್ತಕರು

                 ತಿರುವನಂತಪುರ: ಪಡಿತರ ಕಮಿಷನ್ ಪಾವತಿಸದ ಹಿನ್ನೆಲೆಯಲ್ಲಿ ಪಡಿತರ ವಿತರಕರು ಮುಷ್ಕರ ಆರಂಭಿಸಲಿದ್ದಾರೆ. ಎರಡು ತಿಂಗಳ ಕಮಿಷನ್ ಬಾಕಿಯಿದೆ. 

                 ಇದಕ್ಕೆ 60 ಕೋಟಿ ರೂ. ಬೇಕಾಗಿ ಬರಲಿದೆ.ಇದಲ್ಲದೇ ಓಣಂಕಿಟ್  ಸಂಬಂಧ  ಕಮಿಷನ್ ರೂಪದಲ್ಲಿ ಇನ್ನೂ 48 ಕೋಟಿ ಕೊಡಬೇಕಿದೆ. ಈ ಕುರಿತು ಸಚಿವರು ಹಾಗೂ ಮುಖ್ಯಮಂತ್ರಿಗಳಿಗೆ ದೂರು ನೀಡಿದರೂ ಪರಿಹಾರವಾಗದ ಹಿನ್ನೆಲೆಯಲ್ಲಿ ಪಡಿತರ ವರ್ತಕರು ನ್ಯಾಯಾಲಯದ ಮೊರೆ ಹೋಗಿ ಮುಷ್ಕರ ನಡೆಸಲು ನಿರ್ಧರಿಸಿದ್ದಾರೆ.

                ಪಡಿತರ ಪೂರೈಕೆ ಸ್ಥಗಿತ: 

            ರಾಜ್ಯದಲ್ಲಿ ನಿನ್ನೆ ಬೆಳಗ್ಗೆಯಿಂದ ಪಡಿತರ ವಿತರಣೆಯಲ್ಲಿ ವ್ಯತ್ಯಯ ಉಂಟಾಗಿದೆ. ಕಾರಣ ಇ-ಪಿಒಎಸ್ ಯಂತ್ರದ ಸರ್ವರ್ ಡೌನ್ ಎನ್ನಲಾಗಿದೆ.  ಬೆಳಗ್ಗೆ 8 ಗಂಟೆಗೆ ಅಂಗಡಿಗಳು ತೆರೆದರೂ ಇ-ಪಿಒಎಸ್ ಯಂತ್ರ ದುರಸ್ಥಿಗೊಂಡಿರಲಿಲ್ಲ. ಪಡಿತರ ವಿತರಣೆ ಮೊಟಕುಗೊಂಡಿತು.  ಬಯೋಮೆಟ್ರಿಕ್ಸ್ ಮೂಲಕ ದೃಢೀಕರಣಕ್ಕೆ ಸಹಾಯ ಮಾಡುವ  ಸರ್ವರ್ ಕ್ರ್ಯಾಶ್ ಆಗಿದೆ. ಐಟಿ ಮಿಷನ್ ಶೀಘ್ರದಲ್ಲೇ ಪರಿಹಾರವಾಗಲಿದೆ ಎಂದು ಹೇಳಿದ್ದರೂ ಮಧ್ಯಾಹ್ನವಾದರೂ ಅದನ್ನು ಪರಿಹರಿಸಲು ಸಾಧ್ಯವಾಗಲಿಲ್ಲ. ಇದರೊಂದಿಗೆ ಪಡಿತರ ಅಂಗಡಿಗಳಿಗೆ ರಜೆ ನೀಡಲಾಗಿತ್ತು. ಪಡಿತರ ಖರೀದಿಸಲು ಅಂಗಡಿಗಳಿಗೆ ಹೋದವರು ನಿರಾಸೆಯಿಂದ ವಾಪಸಾದರು.