ರಾಜ್ಯ ಸರ್ಕಾರಕ್ಕೆ ಹಿನ್ನಡೆ: ಕಣ್ಣೂರು ವಿಸಿ ಮರು ನೇಮಕ ಅಕ್ರಮ: ಗೋಪಿನಾಥ್ ರವೀಂದ್ರನ್ ನೇಮಕ ರದ್ದುಗೊಳಿಸಿದ ಸುಪ್ರೀಂ ಕೋರ್ಟ್

                    ನವದೆಹಲಿ: ರಾಜ್ಯ ಸರ್ಕಾರಕ್ಕೆ ಭಾರೀ ಹಿನ್ನಡೆಯಾಗಿದೆ. ಕಣ್ಣೂರು ವಿಶ್ವವಿದ್ಯಾಲಯದ ವಿಸಿ ಡಾ. ಗೋಪಿನಾಥ್ ರವೀಂದ್ರನ್ ಮರು ನೇಮಕವನ್ನು ಸುಪ್ರೀಂ ಕೋರ್ಟ್ ರದ್ದುಗೊಳಿಸಿದೆ. ಮುಖ್ಯ ನ್ಯಾಯಮೂರ್ತಿ ಡಿ.ವೈ. ಚಂದ್ರಚೂಡ್ ಅಧ್ಯಕ್ಷತೆಯ ಪೀಠ ಈ ತೀರ್ಪು ನೀಡಿದೆ. 

                         ರಾಜ್ಯ ಸರ್ಕಾರದ ಬಲವಾದ ಹಸ್ತಕ್ಷೇಪ ಮರು ನೇಮಕಕ್ಕೆ ಕಾರಣವೆಂಬುದನ್ನು  ಸುಪ್ರೀಂ ಕೋರ್ಟ್ ಕಂಡುಕೊಂಡಿದೆ.  ಅಕ್ರಮವಾಗಿ ಈ ನೇಮಕ ಮಾಡಲಾಗಿದೆ. ರಾಜ್ಯ ಸರ್ಕಾರದಿಂದ ಅನಗತ್ಯ ಹಸ್ತಕ್ಷೇಪ ನಡೆದಿದೆ. ಕುಲಪತಿಗಳು ತಮ್ಮ ಅಧಿಕಾರವನ್ನು ತ್ಯಜಿಸಿದ್ದಾರೆ ಮತ್ತು ಬಾಹ್ಯ ಶಕ್ತಿಗಳಿಗೆ ಮಣಿದಿದ್ದಾರೆ ಎಂದು ನ್ಯಾಯಾಲಯವು ಬೊಟ್ಟುಮಾಡಿದೆ. ಮರು ನೇಮಕಕ್ಕೆ ಆಯ್ಕೆ ಸಮಿತಿಯ ಅಗತ್ಯವಿಲ್ಲ ಎಂದೂ ನ್ಯಾಯಾಲಯ ಸೂಚಿಸಿದೆ. ನೇಮಕಾತಿ ಸಂಪೂರ್ಣ ಅಕ್ರಮವಾಗಿದೆ. ನೇಮಕಾತಿಯ ಎಲ್ಲಾ ವಿಷಯಗಳಲ್ಲಿ ಅಧಿಕಾರ ಸ್ಥಾನದಿಂದ ಒತ್ತಡವಿದೆ ಎಂದು ಸುಪ್ರೀಂ ಕೋರ್ಟ್ ಹೇಳಿದೆ. ಉಪಕುಲಪತಿಗಳ ನೇಮಕಕ್ಕೆ ಕುಲಪತಿಗಳ ಮೇಲೆ ಯಾವುದೇ ರೀತಿಯ ಒತ್ತಡ ಹೇರಬಾರದೆಂದಾಗ ಸರ್ಕಾರ ಮತ್ತು ಇತರ ಅಧಿಕಾರ ಕೇಂದ್ರಗಳ ಹಸ್ತಕ್ಷೇಪ ನಡೆಸಿತು. 

                       ಈ ಹಿಂದೆ ರಾಜ್ಯಪಾಲರ ಈ ನೇಮಕಕ್ಕೆ ಒತ್ತಡ ಹೇರಿದ್ದು, ಸರ್ಕಾರ ಮಧ್ಯಪ್ರವೇಶಿಸಿದೆ ಎಂದು ಬಹಿರಂಗವಾಗಿ ಹೇಳಿದ್ದರು. ಸಚಿವೆ ಆರ್.ಬಿಂದು ಪತ್ರ ನೀಡಿದ್ದಾರೆ ಎಂದೂ ರಾಜ್ಯಪಾಲರು ಹೇಳಿದ್ದರು. ನೇಮಕಾತಿಗೆ ಹೇಗೆ ಸಹಿ ಹಾಕಲಾಯಿತು ಎಂಬುದಕ್ಕೆ ರಾಜಭವನವೇ ಪತ್ರಿಕಾ ಪ್ರಕಟಣೆ ನೀಡಿದೆ.

                         ಕಣ್ಣೂರು ವಿಶ್ವವಿದ್ಯಾನಿಲಯದ ಸೆನೆಟ್ ಸದಸ್ಯ ಡಾ.ಪ್ರೇಮಚಂದ್ರನ್ ಕೀಝೋಟ್, ಅಕಾಡೆಮಿಕ್ ಕೌನ್ಸಿಲ್ ಸದಸ್ಯ ಶಿನೋ ಪಿ. ಜೋಸ್ ಅವರು ಡಾ. ರವೀಂದ್ರನ್ ಅವರನ್ನು ಮರು ನೇಮಕ ಮಾಡಿರುವುದನ್ನು ಪ್ರಶ್ನಿಸಿ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿದ್ದರು. ಅಂತಿಮ ವಾದದ ವಿಚಾರಣೆ ವೇಳೆ ಮುಖ್ಯ ನ್ಯಾಯಮೂರ್ತಿಗಳು 60 ವರ್ಷ ದಾಟಿದ ವ್ಯಕ್ತಿಯನ್ನು ವಿಸಿ ಆಗಿ ಮರು ನೇಮಕ ಮಾಡುವುದು ಹೇಗೆ ಎಂದು ಕೇಳಿದ್ದರು.

                      ಡಾ. ಗೋಪಿನಾಥ್ ರವೀಂದ್ರನ್ ಅವರನ್ನು ಮರು ನೇಮಕ ಮಾಡಿದ ಸರ್ಕಾರ ವಿರುದ್ಧ ಭಾರೀ ಪ್ರತಿಭಟನೆ ನಡೆದಿತ್ತು. ಈ ನೇಮಕಾತಿಯಲ್ಲಿ ಸರ್ಕಾರದ ನಿಯಮ ಉಲ್ಲಂಘಿಸಲಾಗಿದೆ ಎಂದು ಆರೋಪಿಸಿದರು. ನವೆಂಬರ್ 23, 2021 ರಂದು, ರಾಜ್ಯ ಸರ್ಕಾರದ ಶಿಫಾರಸನ್ನು ಸ್ವೀಕರಿಸಿದ ನಂತರ,  ಕಣ್ಣೂರು ವಿಶ್ವವಿದ್ಯಾನಿಲಯವು ಉಪಕುಲಪತಿಯಾದ ಡಾ. ಗೋಪಿನಾಥ್ ರವೀಂದ್ರನ್ ಅವರನ್ನು ನಾಲ್ಕು ವರ್ಷಗಳ ಕಾಲ ಮರುನೇಮಕ ಮಾಡಲಾಯಿತು. ಅರ್ಜಿದಾರರು ನ್ಯಾಯಾಲಯವನ್ನು ಸಂಪರ್ಕಿಸಿದ ನಂತರ, ಹೈಕೋರ್ಟ್ 15 ಡಿಸೆಂಬರ್ 2021 ರಂದು ವಿಸಿ ಮರು ನೇಮಕವನ್ನು ಎತ್ತಿಹಿಡಿದಿದೆ.

                   ಇದರ ವಿರುದ್ಧ ಅರ್ಜಿದಾರರು ಸುಪ್ರೀಂ ಕೋರ್ಟ್‍ಗೆ ಮೇಲ್ಮನವಿ ಸಲ್ಲಿಸಿದ್ದರು. ಆದರೆ ಮರು ನೇಮಕವನ್ನು ಹೈಕೋರ್ಟ್ ವಿಭಾಗೀಯ ಪೀಠ ಎತ್ತಿ ಹಿಡಿದಿತ್ತು. ಇದಾದ ಬಳಿಕ ಅರ್ಜಿದಾರರು ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿದ್ದರು. ಮರುನೇಮಕಾತಿ ವಿರುದ್ಧದ ಅರ್ಜಿಗೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್ ರಾಜ್ಯಪಾಲರು, ರಾಜ್ಯ ಸರ್ಕಾರ, ಕಣ್ಣೂರು ವಿಶ್ವವಿದ್ಯಾಲಯ ಮತ್ತು ವಿಸಿಗೆ ನೋಟಿಸ್ ಜಾರಿ ಮಾಡಿತ್ತು. ಯುಜಿಸಿ ನಿಯಮಗಳ ಅನ್ವಯ ಕಣ್ಣೂರು ವಿಶ್ವವಿದ್ಯಾನಿಲಯಕ್ಕೆ ಮರುನೇಮಕ ಮಾಡಲಾಗಿದೆ ಎಂದು ಗೋಪಿನಾಥ್ ರವೀಂದ್ರನ್ ಸುಪ್ರೀಂ ಕೋರ್ಟ್‍ನಲ್ಲಿ ಅಫಿಡವಿಟ್ ನೀಡಿದ್ದರು. ಇದಾದ ನಂತರ ಸರ್ವೋಚ್ಚ ನ್ಯಾಯಾಲಯವು ಸರ್ಕಾರ ಮತ್ತು ಗೋಪಿನಾಥ್ ಹಿನ್ನಡೆಯಾಗುವ ತೀರ್ಪು ನೀಡಿತು.