ಸಂಸತ್ತಿನಲ್ಲಿ ಭದ್ರತಾ ಲೋಪ: ದೆಹಲಿ ಪೊಲೀಸರಿಂದ ಮತ್ತೆ ಇಬ್ಬರು ಶಂಕಿತರ ವಿಚಾರಣೆ

               ನವದೆಹಲಿ: ಸಂಸತ್ತಿನ ಭದ್ರತಾ ಲೋಪ ಪ್ರಕರಣದಲ್ಲಿ ನಂಟು ಹೊಂದಿರುವ ಆರೋಪದ ಮೇಲೆ ಇನ್ನೂ ಇಬ್ಬರು ಶಂಕಿತ ವ್ಯಕ್ತಿಗಳನ್ನು ದೆಹಲಿ ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ ಎಂದು ಅಧಿಕೃತ ಮೂಲವೊಂದು ತಿಳಿಸಿದೆ.

                ಗುರುವಾರ ತಡರಾತ್ರಿ ಇಬ್ಬರನ್ನೂ ದೆಹಲಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಇವರು ಪ್ರಕರಣದ ಪ್ರಮುಖ ರೂವಾರಿ ಎನ್ನಲಾದ ಲಲಿತ್‌ ಮೋಹನ್‌ ಝಾ ಅವರೊಂದಿಗೆ ಯೋಜನೆ ರೂಪಿಸಲು ಕೈಜೋಡಿಸಿದ್ದರು ಎಂದು ಮೂಲಗಳು ತಿಳಿಸಿವೆ.

                ಲಲಿತ್‌ ಅವರನ್ನು ಕೂಡ ಗುರುವಾರ ರಾತ್ರಿ ಪೊಲೀಸರು ಬಂಧಿಸಿದ್ದು, ಗುಪ್ತಚರ ತಂಡದಿಂದ ವಿಚಾರಣೆ ನಡೆಸಲಾಗುತ್ತಿದೆ ಎಂದು ಪೊಲೀಸ್ ಮೂಲಗಳು ಹೇಳಿವೆ

                     ಘಟನೆಯಲ್ಲಿ ಇಲ್ಲಿಯವರೆಗೆ ಬಂಧಿಸಿದ ಮತ್ತು ವಿಚಾರಣೆಗೆ ಒಳಪಡಿಸಿದವರನ್ನು ಹೊರತುಪಡಿಸಿ ಇನ್ನೂ ಕೆಲವರು 'ಭಗತ್ ಸಿಂಗ್‌ ಯುವ ಫ್ಯಾನ್ಸ್‌ ಕ್ಲಬ್‌' ಎನ್ನುವ ಆನ್‌ಲೈನ್‌ ಗುಂಪಿನಲ್ಲಿದ್ದರು. ಆದರೆ ಆ ಗ್ರೂಪ್‌ ಈಗ ಡಿಲೀಟ್‌ ಆಗಿದೆ. ಗ್ರೂಪ್‌ನಲ್ಲಿದ್ದ ಇತರ ಸದಸ್ಯರನ್ನು ಪತ್ತೆ ಮಾಡಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.