ಮಗುವನ್ನು ಶಾಲೆಗೆ ಕಳಿಸಲು ಸಿದ್ಧವಿಲ್ಲದ ಘಟನೆ; ಶಿಕ್ಷಣ ನಿರಾಕರಿಸಿದ ತಂದೆಯ ವಿರುದ್ಧ ಕ್ರಮ ಕೈಗೊಳ್ಳಲಿರುವ ಮಕ್ಕಳ ಹಕ್ಕು ಆಯೋಗ

                ತಿರುವನಂತಪುರ: ಪ್ರಾಥಮಿಕ ಶಿಕ್ಷಣದ ಹಕ್ಕನ್ನು ನಿರಾಕರಿಸಿರುವ ಮಗುವಿನ ಪೋಷಕರಿಗೆ ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿ ಮುಂದೆ ಹಾಜರಾಗುವಂತೆ ಮಕ್ಕಳ ಹಕ್ಕುಗಳ ಆಯೋಗ ಆದೇಶ ಹೊರಡಿಸಿದೆ.

                ವರ್ಕಲ ಚೆರುನ್ನಿಯೂರು ನಿವಾಸಿಯಾಗಿರುವ ಮಗುವನ್ನು ತಂದೆ ಶಾಲೆಗೆ ಕಳಿಸುತ್ತಿಲ್ಲ ಎಂಬ ದೂರಿನ ಮೇರೆಗೆ ಈ ಕ್ರಮ ಕೈಗೊಳ್ಳಲಾಗಿದೆ. ಆಯೋಗದ ಅಧ್ಯಕ್ಷ ಕೆ.ವಿ.ಮನೋಜ್ ಕುಮಾರ್ ಮತ್ತು ಎನ್.ಸುನಂದಾ ಅವರಿದ್ದ ವಿಭಾಗೀಯ ಪೀಠ ಈ ಆದೇಶ ನೀಡಿದೆ.

               ಈ ವಿಷಯವನ್ನು ಕೂಲಂಕಷವಾಗಿ ಪರಿಶೀಲಿಸಿದ ಆಯೋಗ, ಮಗು ಕೇವಲ 41 ದಿನಗಳು ಮಾತ್ರ ಶಾಲೆಗೆ ಹಾಜರಾಗಿರುವುದನ್ನು ಪತ್ತೆ ಮಾಡಿದೆ. ಮಗು ಪರೀಕ್ಷೆ ಬರೆದಿಲ್ಲ ಮತ್ತು ಮಗುವಿನ ಶಿಕ್ಷಣ ಮತ್ತು ಭವಿಷ್ಯದ ಮೇಲೆ ಪರಿಣಾಮ ಬೀರುತ್ತಿರುವ ಪರಿಸ್ಥಿತಿಯನ್ನು ನಿರ್ಣಯಿಸುವ ಹಿನ್ನೆಲೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಸಿಡಬ್ಲ್ಯುಸಿಯಲ್ಲಿ ಹಾಜರುಪಡಿಸುವ ಮಗುವಿಗೆ ಅಗತ್ಯ ಭದ್ರತೆ ಮತ್ತು ರಕ್ಷಣೆಯನ್ನು ಒದಗಿಸುವಂತೆ ಜಿಲ್ಲಾ ಮಕ್ಕಳ ಕಲ್ಯಾಣ ಅಧಿಕಾರಿಗೆ ವರ್ಕಲ ಪೋಲೀಸ್ ಠಾಣಾಧಿಕಾರಿಗೆ ಸೂಚಿಸಲಾಗಿದೆ ಎಂದು ಆಯೋಗವು ಮಾಹಿತಿ ನೀಡಿದೆ.

              ಮಗುವಿನ ಹಿತಾಸಕ್ತಿ ಕಾಪಾಡಲು ಸಿಡಬ್ಲ್ಯುಸಿ ಆದೇಶ ಹೊರಡಿಸಿದ್ದು, ಪೋಷಕರ ನಡುವೆ ಪ್ರಕರಣ ಬಾಕಿ ಇದೆ. ಆದ್ದರಿಂದ ದೂರುದಾರರು ಆಯೋಗದ ಆದೇಶ ಮತ್ತು ಸಿಡಬ್ಲ್ಯುಸಿ ಹೊರಡಿಸಿದ ಆದೇಶದ ಪ್ರತಿಗಳನ್ನು ಕೌಟುಂಬಿಕ ನ್ಯಾಯಾಲಯಕ್ಕೆ ರವಾನಿಸಬೇಕು. ಆಯೋಗದ ಆದೇಶದಂತೆ ಕೈಗೊಂಡಿರುವ ಕ್ರಮಗಳ ಕುರಿತು 30 ದಿನಗಳೊಳಗೆ ವರದಿ ಸಲ್ಲಿಸುವಂತೆಯೂ ಆಯೋಗ ಸೂಚಿಸಿದೆ.