ಅಯೋಧ್ಯೆಯಲ್ಲಿ ಜ.14-25ರವರೆಗೆ ಮಹಾ ಯಜ್ಞ

               ಅಯೋಧ್ಯೆ: ಅಯೋಧ್ಯೆಯಲ್ಲಿ ಜನವರಿ 14 ರಿಂದ 25ರವರೆಗೆ ಮಹಾ ಯಜ್ಞ ನಡೆಯಲಿದೆ ಎಂದು ಕಾರ್ಯಕ್ರಮ ಆಯೋಜಕರು ಬುಧವಾರ ತಿಳಿಸಿದರು.

              1008 ಶಿವಲಿಂಗಗಳನ್ನು ಸ್ಥಾಪಿಸಿ 'ರಾಮ ನಾಮ ಮಹಾ ಯಜ್ಞ' ನಡೆಸಲಾಗುತ್ತದೆ ಎಂದು ಹೇಳಿದರು. ನೇಪಾಳಿ ಬಾಬಾ ಎಂದೇ ಪ್ರಸಿದ್ಧರಾಗಿರುವ ಆತ್ಮಾನಂದ ದಾಸ್‌ ಮಹಾತ್ಯಾಗಿ ಅವರು ಯಜ್ಞ ಆಯೋಜಿಸಿದ್ದಾರೆ.

                    ಇದರಲ್ಲಿ ನೇಪಾಳದ 21,000 ಸಂತರು ಭಾಗಿಯಾಗಲಿದ್ದಾರೆ. ನಿತ್ಯ 50,000 ಭಕ್ತರಿಗೆ ಆಸನ ವ್ಯವಸ್ಥೆ ಮತ್ತು 1 ಲಕ್ಷ ಜನರಿಗೆ ಭೋಜನ ವ್ಯವಸ್ಥೆ ಕಲ್ಪಿಸಲಾಗುತ್ತದೆ ಎಂದು ಬಾಬಾ ತಿಳಿಸಿದ್ದಾರೆ.