‘ಅಭಿವೃದ್ಧಿ ಸಾಧನೆ’ ಘೋಷಿಸಲು ಸರ್ಕಾರ ವ್ಯಯಿಸಿದ್ದು ಕೋಟಿಗಟ್ಟಲೆ: ಬರೋಬ್ಬರಿ ಏಳು ಕಾರ್ಯಕ್ರಮಗಳಿಗೆ 1.5 ಕೋಟಿ ರೂಪಾಯಿಗೂ ಹೆಚ್ಚು ಖರ್ಚು

                     ತಿರುವನಂತಪುರಂ: ಕೇರಳೀಯÀಂ ಕಾರ್ಯಕ್ರಮದ ಅಂಗವಾಗಿ ಸೆಂಟ್ರಲ್ ಸ್ಟೇಡಿಯಂನಲ್ಲಿ ನಡೆದ ಕಲಾ ಕಾರ್ಯಕ್ರಮಗಳಿಗೆ ಮಾತ್ರ ಸರ್ಕಾರ 1 ಕೋಟಿ 55 ಲಕ್ಷ ರೂಪಾಯಿ ವ್ಯಯಿಸಿರುವುದು ಬೆಳಕಿಗೆ ಬಂದಿದೆ. ಇದು ಕೇವಲ ಏಳು ಕಲಾ ಕಾರ್ಯಕ್ರಮಗಳಿಗೆ ಖರ್ಚು ಮಾಡಿದ ಮೊತ್ತ.

                  ಕೇರಳೀಯಂ ಕಾರ್ಯಕ್ರಮದ ಉದ್ಘಾಟನೆ ಮತ್ತು ಸಮಾರೋಪ ನಡೆದ ಕ್ರೀಡಾಂಗಣದಲ್ಲಿ ಏಳು ದಿನಗಳ ಕಾಲ ಕಲಾತ್ಮಕ ಕಾರ್ಯಕ್ರಮಗಳು ನಡೆದವು. 8 ಲಕ್ಷ ರೂಪಾಯಿ ವೆಚ್ಚದಲ್ಲಿ ನಟಿ ಶೋಭನಾ ಅವರ ನೃತ್ಯದೊಂದಿಗೆ ಕೇರಳೀಯಂ ಕಾರ್ಯಕ್ರಮ ಆರಂಭವಾಯಿತು. ಎರಡನೇ ದಿನ 8,30,000 ವೆಚ್ಚದಲ್ಲಿ ಶಾಸಕ, ನಟ ಮುಖೇಶ್ ಮತ್ತು ಜಿ.ಎಸ್.ಪ್ರದೀಪ್ ಅವರಿಂದ ವಿಶೇಷ ಕಲಾ ಪ್ರದರ್ಶನ, ಮೂರನೇ ದಿನ ಮುರುಗನ್ ಕಾಟ್ಟಾಕಡ ಮತ್ತು ತಂಡದವರಿಂದ ‘ಕಾವ್ಯ 23’ ಎಂಬ ಕಾರ್ಯಕ್ರಮವನ್ನು ಪ್ರಸ್ತುತಪಡಿಸಲಾಯಿತು. 40,5000 ರೂ.ಖರ್ಚಾಗಿದೆ.

                       ಕೆ.ಎಸ್.ಚಿತ್ರಾ ಅವರ ಗಾನಮೇಳಕ್ಕೆ ಸÀರ್ಕಾರದಿಂದ 5ನೇ ದಿನಕ್ಕೆ 2,05,000 ರೂ.ವ್ಯಯವಾಗಿದೆ. 7ನೇ ದಿನ 3,80,000 ರೂ.ವೆಚ್ಚದಲ್ಲಿ ಕಲಾಮಂಡಲದ ಕಲಾವಿದರಿಂದ ಸಮ್ಮಿಳನ ಕಾರ್ಯಕ್ರಮ ಹಾಗೂ 7ನೇ ದಿನ 11,9000 ರೂ.ವೆಚ್ಚದಲ್ಲಿ ಸ್ಟೀಫನ್ ದೇವಸಿ ಮತ್ತು ಮಟ್ಟನ್ನೂರು ಶಂಕರನ್‍ಕುಟ್ಟಿ ಆಯೋಜಿಸಿದ್ದ ಕಾರ್ಯಕ್ರಮ ನಡೆಯಿತು. ಕೇರಳೀಯಂ ಮುಕ್ತಾಯದ ದಿನ ಅತಿ ಹೆಚ್ಚು ಮೊತ್ತ ವ್ಯಯಿಸಲಾಗಿದೆ. ಸಂಗೀತ ನಿರ್ದೇಶಕ ಎಂ. ಜಯಚಂದ್ರನ್ ನೇತೃತ್ವದ 'ಜಯಂ ಶೋ'ಗೆ 9,90,000 ಖರ್ಚು ಮಾಡಲಾಗಿದೆ.

                      ವೆಚ್ಚದ ಗರಿಷ್ಠ ಮೊತ್ತವನ್ನು ಪ್ರಾಯೋಜಕರು ಕಂಡುಹಿಡಿದು ಆಯೋಜಿಸುತ್ತಾರೆ ಎಂದು ಸರ್ಕಾರ ಮಾಹಿತಿ ನೀಡಿದೆ. ಆದರೆ ಕೇರಳೀಯಂ ಮುಗಿದು ತಿಂಗಳುಗಳು ಕಳೆದರೂ ಈ ಮಾಹಿತಿ ಇನ್ನೂ ಕಾಣಿಸುತ್ತಿಲ್ಲ. ಪ್ರಾಯೋಜಕರು ಯಾರು, ಎಷ್ಟು ಹಣ ಖರ್ಚು ಮಾಡಲಾಗಿದೆ, ಯಾವ ಉದ್ದೇಶಕ್ಕೆ ವ್ಯಯಿಸಲಾಗಿದೆ ಎಂಬುದನ್ನು ಸರ್ಕಾರ ಇದುವರೆಗೂ ಸ್ಪಷ್ಟಪಡಿಸಿಲ್ಲ. ಇನ್ನೆರಡು ವಾರದೊಳಗೆ ಕೇರಳದ ಸಮಗ್ರ ವರದಿ ಹೊರಬೀಳಲಿದೆ ಎಂದು ಹೇಳಲಾಗಿದ್ದರೂ ಈವರೆಗೂ ವರದಿ ನೀಡಲಾಗಿಲ್ಲ.