ಕಂದಲ ಸಹಕಾರಿ ಬ್ಯಾಂಕ್ ವಂಚನೆ: ಭಾಸುರಾಂಗನ್ ಮತ್ತು ಪುತ್ರ ಸೇರಿದಂತೆ ಆರು ಆರೋಪಿಗಳ ವಿರುದ್ಧ ಮೊದಲ ಹಂತದ ಚಾರ್ಜ್ ಶೀಟ್ ಸಲ್ಲಿಕೆ

                    ತಿರುವನಂತಪುರಂ: ಕಂದಲ ಸಹಕಾರಿ ಬ್ಯಾಂಕ್ ವಂಚನೆ ಪ್ರಕರಣದಲ್ಲಿ ಇಡಿ ಮೊದಲ ಚಾರ್ಜ್ ಶೀಟ್ ಸಲ್ಲಿಸಿದೆ. ಸಿಪಿಐ ನಾಯಕ ಭಾಸುರಾಂಗನ್ ಮತ್ತು ಅವರ ಕುಟುಂಬ ಸೇರಿದಂತೆ ಆರು ಆರೋಪಿಗಳ ವಿರುದ್ಧ ಇಡಿ ಚಾರ್ಜ್ ಶೀಟ್ ಸಲ್ಲಿಸಿದೆ.

                     ಭಾಸುರಾಂಗನ್ ಮತ್ತು ಅವರ ಕುಟುಂಬ ಬ್ಯಾಂಕ್‍ನಲ್ಲಿ 3.22 ಕೋಟಿ ರೂಪಾಯಿ ಕಪ್ಪು ಹಣದ ವ್ಯವಹಾರ ನಡೆಸಿರುವುದನ್ನು ಇಡಿ ಪತ್ತೆ ಮಾಡಿದೆ. ಭಾಸುರಾಂಗನ್ ಪ್ರಕರಣದ ಮೊದಲ ಆರೋಪಿ. ಪ್ರಕರಣದ ಇತರ ಆರೋಪಿಗಳೆಂದರೆ ಅವರ ಪುತ್ರ ಅಖಿಲ್ ರಾಜ್, ಅವರ ಪತ್ನಿ ಮತ್ತು ಇಬ್ಬರು ಪುತ್ರಿಯರು.

                    ಕಂದಲ ಬ್ಯಾಂಕ್ ವಂಚನೆ ಪ್ರಕರಣದ ಪ್ರಮುಖ ಆರೋಪಿ ಭಾಸುರಾಂಗನ್ ಮತ್ತು ಅವರ ಪುತ್ರ ಅಖಿಲ್‍ಜಿತ್ ಅವರ ಜಾಮೀನು ಅರ್ಜಿಯನ್ನು ಎರ್ನಾಕುಳಂ ಪಿಎಂಎಲ್‍ಎ ನ್ಯಾಯಾಲಯವು ಕಳೆದ ತಿಂಗಳು ತಿರಸ್ಕರಿಸಿತ್ತು. ಆರೋಪಿಯ ಬ್ಯಾಂಕ್ ಖಾತೆ ಮೂಲಕ ಲಕ್ಷಗಟ್ಟಲೆ ವಹಿವಾಟು ನಡೆದಿರುವುದನ್ನು ಇಡಿ ಪತ್ತೆ ಹಚ್ಚಿದೆ. ಆದರೆ, ಬ್ಯಾಂಕ್‍ನಲ್ಲಿ ಯಾವುದೇ ಅವ್ಯವಹಾರ ನಡೆದಿಲ್ಲ ಎಂದು ಆರೋಪಿಗಳು ಪ್ರತಿಪಾದಿಸಿದ್ದು, ಸಹಕಾರಿ ಇಲಾಖೆಯ ತನಿಖೆಯಲ್ಲಿ ಆಸ್ತಿ ಕಬಳಿಸಿರುವುದು ಪತ್ತೆಯಾಗಿದೆ.

                      ಭಾಸುರಾಂಗನ್ ಅಧ್ಯಕ್ಷರಾಗಿದ್ದ ಆಡಳಿತ ಮಂಡಳಿ ಅವಧಿಯಲ್ಲಿ 101 ಕೋಟಿ ರೂಪಾಯಿ ಆರ್ಥಿಕ ವಂಚನೆ ನಡೆದಿದೆ ಎನ್ನಲಾಗಿದೆ. ಬ್ಯಾಂಕ್ ನಲ್ಲಿ ಸುಮಾರು 1500 ಠೇವಣಿದಾರರು ವಂಚನೆಯಿಂದ ತಮ್ಮ ಹಣವನ್ನು ಕಳೆದುಕೊಂಡಿದ್ದಾರೆ. ಪ್ರಕರಣದಲ್ಲಿ ಅಖಿಲ್ ಜಿತ್ ಹೇಳಿಕೆ ನಿರ್ಣಾಯಕವಾಗಿದೆ.