ಇಂಡಿಯಾ ಮೈತ್ರಿಯ ಮಿದುಳು ನಿಷ್ಕ್ರಿಯ, ಶೀಘ್ರವೇ ಅದು ಸಹಜ ಸಾವು: ಪ್ರಲ್ಹಾದ ಜೋಶಿ

             ನವದೆಹಲಿ: 'ಇಂಡಿಯಾ' ಮೈತ್ರಿಕೂಟದ 'ಮಿದುಳು ನಿಷ್ಕ್ರಿಯ'ಗೊಂಡಿದೆ. ಶೀಘ್ರವೇ ಅದು ಸಹಜ ಸಾವು ಕಾಣಲಿದೆ' ಎಂದು ಬಿಜೆಪಿ ಮಂಗಳವಾರ ವ್ಯಂಗ್ಯವಾಡಿದೆ.

              ಇತರೆ ಪಕ್ಷಗಳ ಜೊತೆ ಜಗಳವಾಡುವುದು ಕಾಂಗ್ರೆಸ್‌ನ ಸ್ವಭಾವ ಎಂದೂ ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಟೀಕಿಸಿದರು. ಮಮತಾ ಬ್ಯಾನರ್ಜಿ ಅವರ ಹೇಳಿಕೆ, ಮೈತ್ರಿಯಿಂದ ಜೆಡಿಯು ಹೊರಬಿದ್ದ ಬೆಳವಣಿಗೆಯನ್ನು ಅವರು ಉಲ್ಲೇಖಿಸಿದರು.

                  'ಇಂಡಿಯಾ ಮೈತ್ರಿ ಕೇವಲ ಫೋಟೊಶೂಟ್‌ಗಾಗಿ ಎಂದು ಹೇಳುತ್ತಲೇ ಇದ್ದೆವು. ಇದು ಅಸಹಜ ಮೈತ್ರಿಯಾಗಿತ್ತು. ಸದ್ಯಕ್ಕೆ ಮೆದುಳು ನಿಷ್ಕ್ರಿಯಗೊಂಡಿದೆ. ಶೀಘ್ರದಲ್ಲಿಯೇ ಸಹಜ ಸಾವು ಸಂಭವಿಸಲಿದೆ' ಎಂದು ಜೋಶಿ ಹೇಳಿದರು.