ಜಿಲ್ಲಾಧಿಕಾರಿಗಳಿಂದ ಬಂಬ್ರಾಣ ಪಾಡಶೇಖರಕ್ಕೆ ಭೇಟಿ

                 ಕುಂಬಳೆ: ಕುಂಬಳೆ ಗ್ರಾ.ಪಂ.ನ ಬಂಬ್ರಾಣ ಕ್ಷೇತ್ರದ ಪಾಡಶೇಖರಕ್ಕೆ(ಭತ್ತದ ಕೃಷಿ ಸಮಿತಿ) ಜಿಲ್ಲಾಧಿಕಾರಿ ಕೆ.ಇಂನ್ಬಾಶೇಖರ್ ಭೇಟಿ ನೀಡಿದರು. ಇಲ್ಲಿಯ 80 ಹೆಕ್ಟೇರ್ ಭತ್ತದ ಗದ್ದೆಗಳಲ್ಲಿ ಮೊದಲ ಬೆಳೆ ಬೆಳೆಯಲಾಗುತ್ತದೆ. ಈ ಪ್ರದೇಶದಲ್ಲಿ ಸೀರೆ ಹೊಳೆಗೆ ಅಡ್ಡಲಾಗಿ ನಿರ್ಮಿಸಿರುವ ಚೆಕ್ ಡ್ಯಾಂ ಅನ್ನು ಪುನಶ್ಚೇತನಗೊಳಿಸಲು ಪಂಚಾಯಿತಿಗೆ ಸೂಚಿಸಲಾಯಿತು.

            ನಬಾರ್ಡ್ ನಿಧಿಯಡಿ ಸೀರೆ ನದಿಗೆ ಅಡ್ಡಲಾಗಿ ನಿರ್ಮಿಸುತ್ತಿರುವ ಬಂಬ್ರಾಣ ಚೆಕ್ ಡ್ಯಾಂ ಪ್ರದೇಶಕ್ಕೆ ಜಿಲ್ಲಾಧಿಕಾರಿ ಈ ಸಂದರ್ಭ ಭೇಟಿ ನೀಡಿದರು. 2025ರ ಫೆಬ್ರುವರಿ ಒಳಗೆ ಕಾಮಗಾರಿ ಪೂರ್ಣಗೊಳ್ಳಲಿದೆ ಎಂದು ಸಣ್ಣ ನೀರಾವರಿ ಕಾರ್ಯಪಾಲಕ ಅಭಿಯಂತರರು ಮಾಹಿತಿ ನೀಡಿದರು. ಕಾಮಗಾರಿ ಪೂರ್ಣಗೊಂಡರೆ ಇಡೀ ಪ್ರದೇಶಕ್ಕೆ ಅನುಕೂಲವಾಗಲಿದೆ ಎಂದು ಜಿಲ್ಲಾಧಿಕಾರಿ ಅಭಿಪ್ರಾಯಪಟ್ಟರು. ಮೀನಂಗಡಿಯಿಂದ ಲಿಫ್ಟ್ ನೀರಾವರಿ ಯೋಜನೆ ಅನುಷ್ಠಾನಕ್ಕೆ ಸಂಬಂಧಿಸಿದಂತೆ ಕಾರ್ಯಸಾಧ್ಯತಾ ಅಧ್ಯಯನ ಕೈಗೊಳ್ಳುವ ಕಾರ್ಯವನ್ನು ಸಣ್ಣ ನೀರಾವರಿ ಕಾರ್ಯಪಾಲಕ ಇಂಜಿನಿಯರ್ ಅವರಿಗೆ ವಹಿಸಲಾಗಿದೆ. ನಿರ್ಮಿತಿ ಪ್ರದೇಶದಲ್ಲಿ ಅಳವಡಿಸುವ ರಿಂಗ್ ಚೆಕ್ ಡ್ಯಾಂಗಳ ಕಾಮಗಾರಿಯನ್ನು ಆದಷ್ಟು ಬೇಗ ಆರಂಭಿಸುವಂತೆ ಕೇಂದ್ರವನ್ನು ಕೋರಿದರು.

            ಕುಂಬಳೆ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಯು.ಪಿ.ತಾಹಿರಾ ಯೂಸುಫ್, ಉಪಾಧ್ಯಕ್ಷ ನಾಸಿರ್ ಮೊಗ್ರಾಲ್, ಪಂಚಾಯಿತಿ ಸದಸ್ಯರು, ಪ್ರಧಾನ ಕೃಷಿ ಅಧಿಕಾರಿ ಮಿನಿ, ಡಿಡಿ ಜ್ಯೋತಿ, ಕೃಷಿ ಅಧಿಕಾರಿ ಬಿಂದು, ಎಂಐಇಇ ಸಂಜೀವ್, ಜಿ.ಡಬ್ಲ್ಯೂ.ಡಿ.ಡಿ.ಒ ರತೀಶ್ ಮತ್ತಿತರರು ಜೊತೆಗಿದ್ದರು.