Cyber Frauds: ವಿಪರೀತವಾಗಿ ನಡೆಯುತ್ತಿರುವ ಸ್ಕ್ಯಾಮ್ ಕರೆಗಳ ವಂಚನೆಗಳಿಗೆ ಬ್ರೇಕ್ ಹಾಕಲಿರುವ Chakshu ಸೇವೆ!

0 samarasasudhi March 27, 2024

ಇಂದಿನ ದಿನಗಳಲ್ಲಿ ಹಣ ಸಂಪಾದನೆಗಿಂತ ಸಂಪಾದನೆ ಮಾಡಿರುವ ಹಣವನ್ನು ಸುರಕ್ಷಿತವಾಗಿಡುವುದು ಚಿಂತಾಜನಕದ ವಿಷಯವಾಗಲು ಕಾರಣವೆ ಈ ಸೈಬರ್ ಕ್ರೈಂ. ಭಾರತ ಸರ್ಕಾರ ಡಿಜಿಟಲ್ ದುನಿಯಾದಲ್ಲಿ ನಡೆಯುತ್ತಿರುವ ಸೈಬರ್ ಫ್ರಾಡ್ (Cyber Frauds) ತಡೆಯಲು ಸಾಕಷ್ಟು ಸಾಹಸಗಳನ್ನು ಮಾಡುತ್ತಿದೆ. ಭಾರತದಲ್ಲಿ https://sancharsaathi.gov.in/ ಎಂಬ ಸೈಬರ್ ಕ್ರಿಮಿನಲ್‌ ಘಟಕವನ್ನು ತಯಾರಿಸಿದೆ. ಇದು ಸಮಾಜದಲ್ಲಿ ನಡೆಯುತ್ತಿರುವ ಹೊಸ ಮಾದರಿಯ ಮೋಸ, ವಂಚನೆಗಳಿಗೆ ಅನುಗುಣವಾಗಿ ಈಗಾಗಲೇ Chakshu, CEIR, TAFCOP, KYM, RICWIN ಮತ್ತು KYI ಎಂಬ ಹೊಸ ಆರು ಸೇವೆಗಳನ್ನು ಆರಂಭಿಸಿದೆ.

ಮೋದಿ ಸರ್ಕಾರದ ಈ ಸೌಲಭ್ಯಗಳೂ ಹೆಚ್ಚು ಉಪಯುಕ್ತವಾಗಿವೆ

ಇದು ಹಲವಾರು ವರ್ಷಗಳಿಂದ ವಿಪರೀತವಾಗಿ ನಡೆಯುತ್ತಿರುವ ಸಿಮ್ ಸ್ವಾಪ್ ಮತ್ತು ಸ್ಕ್ಯಾಮ್ ಕರೆಗಳಂತಹ ಸೈಬರ್ ಫ್ರಾಡ್ (Cyber Frauds) ವಂಚನೆಗಳಿಗೆ ಬ್ರೇಕ್ ಹಾಕಲು ಹಲವಾರು ಕ್ರಮಗಳನ್ನು ಕೈಗೊಂಡಿದೆ. ಇದನ್ನು ಮೀರಿ ಹೊಸ ಮಾರ್ಗಗಳನ್ನು ಅನುಸರಿಸಿ ಮುಗ್ದರ ಖಾತೆಯನ್ನು ಖಾಲಿ ಮಾಡುತ್ತಿರುವ ಆನ್ಲೈನ್ ಸೈಬರ್ ವಂಚಕರಿಗೆ ಈ ಮೇಲಿನ ಸೇವೆಗಳು ಯಮಪಾಶವಾಗಲಿದೆ. ಅಂದ್ರೆ ಒಂದು ವೇಳೆ ಯಾರೇ ಆಗಿರಲಿ ಸಾಮಾನ್ಯ ಕರೆಗಳು, SMS ಅಥವಾ ಸೋಶಿಯಲ್ ಮೀಡಿಯಾದಲ್ಲಿ ವಂಚನೆಗಳಿಗೆ ಬಲಿಯಾಗಿದ್ದಾರೆ ಈ ಮೇಲಿನ ಹೊಸ Chakshu, CEIR, TAFCOP, KYM, RICWIN ಮತ್ತು KYI ಆರು ಸೇವೆಗಳನ್ನು ಅನುಸರಿಸಿ ದೂರು ನೀಡಬಹುದು.

ಭಾರತ ಸರ್ಕಾರ Cyber Frauds ತಡೆಯಲು ಮಾಡುತ್ತಿರುವ ಕೆಲಸವೇನು?

ಈಗಾಗಲೇ ಮೇಲೆ ತಿಳಿಸಿರುವಂತೆ ಚಕ್ಷು (Chakshu) ಸೇವೆಗಳು ಪ್ರತಿಯೊಬ್ಬ ಭಾರತೀಯ ನಾಗರಿಕರಿಗೆ ತಮ್ಮೊಂದಿಗೆ ಕರೆ, SMS ಮತ್ತು ಸೋಶಿಯಲ್ ಮೀಡಿಯಾ ಅನುಗುಣವಾಗಿ ನಡೆದ ಮೋಸ, ವಂಚನೆಗಳನ್ನು ವರದಿ ಮಾಡುವ ಸ್ವಾತಂತ್ರ್ಯವನ್ನು ನೀಡುತ್ತದೆ. ಸೋಶಿಯಲ್ ಮೀಡಿಯಾದ ವೇದಿಕೆಗಳಲ್ಲಿ ನೀವು ಸ್ವೀಕರಿಸುವ ಯಾವುದೇ ರೀತಿಯ ಕರೆಗಳು, SMS ಮತ್ತು ಮೆಸೇಜ್ ಅನ್ನು ಮರು ಪರಿಶೀಲನೆ ಮಾಡುತ್ತದೆ. ಅಲ್ಲಿ ಯಾವುದೇ ರೀತಿಯ ವಂಚನೆ ಅಥವಾ ದುರುದ್ದೇಶಗಳಿಗೆ ಸಂಭದಿಸಿದರೆ ಅದನ್ನು ತಕ್ಷಣ ಕಡಿತಗೊಳಿಸಲಾಗುತ್ತದೆ. ಅಲ್ಲದೆ ಇಂತಹ ವಂಚನೆಯಿಂದ ರಕ್ಷಣೆಯನ್ನು ಸುಧಾರಿಸಲು ಟ್ರೂಕಾಲರ್‌ನಂತಹ ಖಾಸಗಿ ಕಂಪನಿಗಳೊಂದಿಗೆ ಸಹಕರಿಸಲು ಸರ್ಕಾರ ಕೆಲಸ ಮಾಡುತ್ತಿದೆಂದು ಕೇಂದ್ರ ಟೆಲಿಕಾಂ ಮತ್ತು ಐಟಿ ಸಚಿವ ಅಶ್ವಿನಿ ವೈಷ್ಣವ್ (Ashwini Vaishnaw) ಹೇಳಿಕೆ ನೀಡಿದ್ದಾರೆ.